ಅಡಿಲೇಡ್ ಓವಲ್ ಕ್ರೀಡಾಂಗಣಕ್ಕೆ ಬಂದ ಅವರು ತಮ್ಮ ಸಹಆಟಗಾರರೊಂದಿಗೆ 10 ನಿಮಿಷಗಳ ಓಟ ಮತ್ತು ಲಘು ವ್ಯಾಯಾಮ ಮಾಡಿದರು. ಆದರೆ ಫುಟ್ಬಾಲ್ ಆಡಲಿಲ್ಲ. ಡ್ರೆಸ್ಸಿಂಗ್ ಕೋಣೆಗೆ ಮರಳಿ ವಿಶ್ರಾಂತಿ ಪಡೆದರು. ಅಭ್ಯಾಸದ ಸಂದರ್ಭದಲ್ಲಿ ಚೆಂಡನ್ನು ಎತ್ತಿಕೊಳ್ಳಲು ಬಾಗಿದಾಗ ಬೆನ್ನುನೋವು ಅನುಭವಿಸಿದ್ದರು. ಅದರಿಂದಾಗಿ ತಂಡದ ಫಿಸಿಯೊ ಡೇವಿಡ್ ಬೇಕ್ಲಿ ಅವರಿಂದ ಚಿಕಿತ್ಸೆ ಪಡೆದಿದ್ದಾರೆ. 31 ವರ್ಷದ ಸ್ಮಿತ್ ಆಸ್ಟ್ರೇಲಿಯಾ ತಂಡದ ಪ್ರಮುಖ ಬ್ಯಾಟ್ಸ್ಮನ್ ಆಗಿದ್ದಾರೆ. ಅವರ ಫಿಟ್ನೆಸ್ ಕುರಿತು ಬುಧವಾರ ಸಂಜೆಯವರೆಗೆ ಸ್ಪಷ್ಟತೆ ಸಿಗಲಿದೆ ಎಂದು ತಂಡದ ಮೂಲಗಳು ತಿಳಿಸಿವೆ.