ದುಬೈ: ಐಸಿಸಿ ಟ್ವೆಂಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್ ಹಂತಕ್ಕೆ ವೇದಿಕೆ ಸಜ್ಜುಗೊಂಡಿದೆ.
ಸೂಪರ್-12 ಹಂತದಲ್ಲಿ ಗ್ರೂಪ್ 1ರಿಂದ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳು ತೇರ್ಗಡೆಯನ್ನು ಹೊಂದಿವೆ. ಹಾಗೆಯೇಗ್ರೂಪ್ 2ರಿಂದ ಪಾಕಿಸ್ತಾನ ಹಾಗೂ ನ್ಯೂಜಿಲೆಂಡ್ ತಂಡಗಳು ಅಂತಿಮ ನಾಲ್ಕರ ಘಟ್ಟವನ್ನು ಪ್ರವೇಶ ಪಡೆದಿವೆ.
ಸೆಮಿಫೈನಲ್‌ನಲ್ಲಿ ಒಂದನೇ ಗುಂಪಿನ ಅಗ್ರಸ್ಥಾನಿಯಾಗಿರುವ ಇಂಗ್ಲೆಂಡ್‌ಗೆ ನ್ಯೂಜಿಲೆಂಡ್‌ನ ಸವಾಲು ಎದುರಾಗಲಿದೆ. ಹಾಗೆಯೇ ಎರಡನೇ ಗುಂಪಿನ ಅಗ್ರಸ್ಥಾನಿಯಾಗಿರುವ ಪಾಕಿಸ್ತಾನಕ್ಕೆ ಆಸ್ಟ್ರೇಲಿಯಾದ ಸವಾಲು ಎದುರಾಗಲಿದೆ.
ಸೆಮಿಫೈನಲ್ ವೇಳಾಪಟ್ಟಿ ಇಂತಿದೆ:
ಮೊದಲ ಸೆಮಿಫೈನಲ್: ನ.10 (ಬುಧವಾರ): ಇಂಗ್ಲೆಂಡ್ vs ನ್ಯೂಜಿಲೆಂಡ್, ಅಬುಧಾಬಿ
ಎರಡನೇ ಸೆಮಿಫೈನಲ್: ನ.11 (ಗುರುವಾರ): ಪಾಕಿಸ್ತಾನ vs ಆಸ್ಟ್ರೇಲಿಯಾ, ದುಬೈ
ಫೈನಲ್: ನ. 14 (ಭಾನುವಾರ), ದುಬೈ.
ಸೂಪರ್-12 ಹಂತದಿಂದ ನಿರ್ಗಮಿಸಿದ ತಂಡಗಳು: ಗ್ರೂಪ್ 1: ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ವೆಸ್ಟ್‌ಇಂಡೀಸ್, ಬಾಂಗ್ಲಾದೇಶ ಗ್ರೂಪ್ 2: ಭಾರತ, ಅಫ್ಗಾನಿಸ್ತಾನ, ನಮೀಬಿಯಾ, ಸ್ಕಾಟ್ಲೆಂಡ್
