Fifa World Cup: ಸೆಮಿ ಕನಸಲ್ಲಿ ಮೆಸ್ಸಿ ಬಳಗ, ನೆದರ್ಲೆಂಡ್ಸ್‌ ವಿರುದ್ಧ ಪೈಪೋಟಿ

ದೋಹಾ : ಲಯೊನೆಲ್ ಮೆಸ್ಸಿ ಎಂಬ ಆಟಗಾರನ ‘ಮ್ಯಾಜಿಕ್ ಕಾಲು‘ಗಳ ಮೇಲೆ ಭರವಸೆಯಿಟ್ಟಿರುವ ಅರ್ಜೆಂಟೀನಾ ಒಂದೆಡೆಯಾದರೆ, ಇತಿಹಾಸವು ತನ್ನೊಂದಿಗೆ ಇದೆ ಎಂಬ ಆತ್ಮವಿಶ್ವಾಸವನ್ನು ಹೊಂದಿರುವ ನೆದರ್ಲೆಂಡ್ಸ್ ತಂಡ ಮತ್ತೊಂದೆಡೆ.

. ದೋಹಾದ ಲುಸೈಲ್ ಕ್ರೀಡಾಂಗಣದಲ್ಲಿ ಶುಕ್ರವಾರ ತಡರಾತ್ರಿ ಇವೆರಡು ತಂಡಗಳು ಫಿಫಾ ವಿಶ್ವಕಪ್ ಟೂರ್ನಿಯ ಕ್ವಾರ್ಟರ್ ಫೈನಲ್ನಲ್ಲಿ ಎದುರಾಗಲಿದ್ದು, ಫುಟ್ಬಾಲ್ ಪ್ರೇಮಿಗಳು ಮತ್ತೊಂದು ರೋಚಕ ಹೋರಾಟದ ನಿರೀಕ್ಷೆಯಲ್ಲಿದ್ಧಾರೆ.

. ವಿಶ್ವಕಪ್ ಟೂರ್ನಿ ಸೇರಿದಂತೆ ಒಟ್ಟಾರೆಯಾಗಿ ಇವೆರಡು ತಂಡಗಳು ಒಂಬತ್ತು ಸಲ ಮುಖಾಮುಖಿಯಾಗಿದ್ದು, ನೆದರ್ಲೆಂಡ್ಸ್ ತಂಡ ನಾಲ್ಕು ಗೆಲುವುಗಳನ್ನು ಪಡೆದು ಮೇಲುಗೈ ಹೊಂದಿದೆ. ಇತಿಹಾಸದ ಬಲ ತನ್ನೊಂದಿಗಿದ್ದರೂ, ಶುಕ್ರವಾರ ಗೆಲುವು ಸುಲಭವಲ್ಲ ಎಂಬುದರ ಅರಿವು ತಂಡಕ್ಕಿದೆ.

. ಈ ಪಂದ್ಯವು ಫುಟ್ಬಾಲ್ನ ಸಾರ್ವಕಾಲೀಕ ಶ್ರೇಷ್ಠ ಫಾರ್ವರ್ಡ್ ಆಟಗಾರರಲ್ಲೊಬ್ಬರಾದ ಮೆಸ್ಸಿ ಮತ್ತು ಆಧುನಿಕ ಫುಟ್ಬಾಲ್ನ ಅತ್ಯುತ್ತಮ ಡಿಫೆಂಡರ್ಗಳ ನಡುವಿನ ಹೋರಾಟ ಎನಿಸಿಕೊಂಡಿದೆ. ಮೆಸ್ಸಿ ಅವರು ವರ್ಜಿಲ್ ವಾನ್ ಡೈಕ್ ನೇತೃತ್ವದ ನೆದರ್ಲೆಂಡ್ಸ್ ರಕ್ಷಣಾ ವಿಭಾಗದ ಜತೆ ಪೈಪೋಟಿ ನಡೆಸಲಿದ್ದಾರೆ.

. ಅದೇ ರೀತಿ ಯುವ ಕೋಚ್ ಮತ್ತು ಅನುಭವಿ ಕೋಚ್ ನಡುವಿನ ಹೋರಾಟದಿಂದಲೂ ಪಂದ್ಯ ಮಹತ್ವ ಪಡೆದುಕೊಂಡಿದೆ. ಅರ್ಜೆಂಟೀನಾ ತಂಡದ ಕೋಚ್ 44 ವರ್ಷದ ಲಯೊನೆಲ್ ಸ್ಕಾಲೊನಿ ಮತ್ತು ನೆದರ್ಲೆಂಡ್ಸ್ ಕೋಚ್ 71 ವರ್ಷದ ಲೂಯಿಸ್ ವಾನ್ ಗಾಲ್ ಅವರು ಈ ಪಂದ್ಯವನ್ನು ಪ್ರತಿಷ್ಠೆಯಾಗಿ ತೆಗೆದುಕೊಂಡಿದ್ದಾರೆ.

. ‘ಮೆಸ್ಸಿ ಅತ್ಯಂತ ಅಪಾಯಕಾರಿ ಆಟಗಾರ ಎಂಬುದು ಗೊತ್ತಿದೆ. ಗೋಲು ಹೊಡೆಯುವ ಜತೆಗೆ ಗೋಲಿಗೆ ಅವಕಾಶ ಸೃಷ್ಟಿಸುವಲ್ಲೂ ಪಳಗಿದ್ದಾರೆ. ಆದರೆ ಚೆಂಡು ಅವರಿಗೆ ಸಿಗದಂತೆ ನೋಡಿಕೊಂಡರೆ ನಮಗೆ ಗೆಲ್ಲುವ ಅವಕಾಶವಿದೆ’ ಎಂದು ವಾನ್ ಗಾಲ್ ಹೇಳಿದ್ದಾರೆ.

. ಕಳೆದ ವರ್ಷ ಯೂರೋಪಿಯನ್ ಚಾಂಪಿಯನ್ಷಿಪ್ನಲ್ಲಿ ಸೋತ ಬಳಿಕ ಆಡಿದ 19 ಪಂದ್ಯಗಳಲ್ಲಿ ಅಜೇಯ ದಾಖಲೆಯನ್ನು ಹೊಂದಿರುವ ನೆದರ್ಲೆಂಡ್ಸ್ ತಂಡವು ಕೋಡಿ ಗಾಕ್ಪೊ ಮತ್ತು ಮೆಂಫಿಸ್ ಡೆಪೆ ಮೇಲೆ ಭರವಸೆಯಿಟ್ಟಿದೆ. ಇವರು ಅರ್ಜೆಂಟೀನಾ ರಕ್ಷಣಾ ವಿಭಾಗಕ್ಕೆ ಅಗ್ನಿಪರೀಕ್ಷೆ ಒಡ್ಡಲಿದ್ದಾರೆ.

. ಅರ್ಜೆಂಟೀನಾ ತಂಡದ ಏಂಜೆಲ್ ಡಿ ಮರಿಯಾ ಗಾಯದಿಂದ ಚೇತರಿಸಿಕೊಂಡಿದ್ದರೂ, ಕ್ವಾರ್ಟರ್ ಫೈನಲ್ನಲ್ಲಿ ಆಡುವುದು ಖಚಿತವಾಗಿಲ್ಲ. ತೊಡೆಯ ಗಾಯಕ್ಕೆ ಒಳಗಾಗಿದ್ದ ಅವರು ಆಸ್ಟ್ರೇಲಿಯಾ ವಿರುದ್ಧ ಆಡಿರಲಿಲ್ಲ.

. 2014ರ ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್ ಪಂದ್ಯದಲ್ಲಿ ಇವೆರಡು ತಂಡಗಳು ನಿಗದಿತ ಹಾಗೂ ಹೆಚ್ಚುವರಿ ಅವಧಿಯ ಬಳಿಕ ಗೋಲುರಹಿತ ಡ್ರಾ ಸಾಧಿಸಿದ್ದವು. ಪೆನಾಲ್ಟಿ ಶೂಟೌಟ್ನಲ್ಲಿ ಅರ್ಜೆಂಟೀನಾ ಗೆಲುವು ಪಡೆದಿತ್ತು. ಆ ಸೋಲಿಗೆ ಮುಯ್ಯಿ ತೀರಿಸುವ ಅವಕಾಶ ನೆದರ್ಲೆಂಡ್ಸ್ಗೆ ದೊರೆತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Fifa World Cup: ಸೆಮಿ ಕನಸಲ್ಲಿ ಮೆಸ್ಸಿ ಬಳಗ, ನೆದರ್ಲೆಂಡ್ಸ್‌ ವಿರುದ್ಧ ಪೈಪೋಟಿ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌

ಸ್ನೂಕರ್ ಟೂರ್ನಿ: ಕ್ವಾರ್ಟರ್‌ಗೆ ಪಂಕಜ್‌

ವಿಂಬಲ್ಡನ್‌ ಟೆನಿಸ್ ಟೂರ್ನಿ: ಮ್ಯಾಡಿಸನ್‌ಗೆ ಲಾರಾ ಆಘಾತ

ಡುರಾಂಡ್‌ ಕಪ್‌: ಪ್ರಶಸ್ತಿಗೆ 24 ತಂಡಗಳ ಪೈಪೋಟಿ

IND vs ENG: ಬ್ರೂಕ್-ಸ್ಮಿತ್ ತ್ರಿಶತಕ ಜೊತೆಯಾಟ; ಇಂಗ್ಲೆಂಡ್ ದಿಟ್ಟ ಹೋರಾಟ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌