ಫುಟ್ಬಾಲ್ ಲೋಕದ ಮೋಡಿಗಾರ ಮೆಸ್ಸಿ

ಚಾಣಾಕ್ಷ ಆಟದ ಮೂಲಕ ವಿಶ್ವ ಫುಟ್ಬಾಲ್ನಲ್ಲಿ ಸಂಚಲನ ಸೃಷ್ಟಿಸುತ್ತಿರುವಪ್ರತಿಭೆ ಲಯೊನೆಲ್ ಮೆಸ್ಸಿ. ವಿಶ್ವ ಶ್ರೇಷ್ಠ ಫುಟ್ಬಾಲ್ ಆಟಗಾರನಿಗೆ ನೀಡಲಾಗುವ ಬ್ಯಾಲನ್ ಡಿ ಒರ್ ಪ್ರಶಸ್ತಿಯನ್ನು ದಾಖಲೆಯ ಆರನೇ ಬಾರಿ ಗೆಲ್ಲುವ ಮೂಲಕ ಅರ್ಜೆಂಟೀನಾ ಆಟಗಾರ ಮತ್ತೆ ಸುದ್ದಿಯಲ್ಲಿದ್ದಾರೆ. ಪ್ರಶಸ್ತಿಗೆ ಪ್ರಮುಖ ಪ್ರತಿಸ್ಪರ್ಧಿಯಾಗಿದ್ದ ಪೋರ್ಚುಗಲ್ ರಾಷ್ಟ್ರೀಯ ತಂಡದ ಕ್ರಿಸ್ಟಿಯಾನೊ ರೊನಾಲ್ಡೊ ಈ ಬಾರಿ ಮೂರನೇ ಸ್ಥಾನಕ್ಕೆ ತೃಪ್ತಿಪಡಬೇಕಾಯಿತು. ರನ್ನರ್ ಅಪ್ ಆಗಿದ್ದು ನೆದರ್ಲೆಂಡ್ಸ್ ತಂಡದ ವರ್ಜಿಲ್ ವ್ಯಾನ್ ಡಿಕ್.

. 32 ವರ್ಷದ ಫಾವರ್ಡ್ ಆಟಗಾರ ಮೆಸ್ಸಿ, ಸ್ಪ್ಯಾನಿಶ್ ಕ್ಲಬ್ ಬಾರ್ಸಿಲೋನಾ ತಂಡದ ನಾಯಕ ಕೂಡ. ತಮ್ಮದೇ ದೇಶದ ದಿಗ್ಗಜ ಆಟಗಾರ ಡಿಗೊ ಮರಡೋನಾ ಅವರ ಹೆಜ್ಜೆಗುರುತು ಅನುಸರಿಸುತ್ತಿರುವ ಮೆಸ್ಸಿ ದಾಖಲೆಗಳ ಮೇಲೆ ದಾಖಲೆ ಸ್ಥಾಪಿಸುತ್ತಲೇ ಮುನ್ನುಗ್ಗುತ್ತಿದ್ದಾರೆ. ಮರಡೋನಾ ಕೂಡ ಮೆಸ್ಸಿ ಅವರನ್ನು ತಮ್ಮ ಉತ್ತರಾಧಿಕಾರಿ ಎಂದೇ ಮೆಚ್ಚಿಕೊಳ್ಳುತ್ತಾರೆ.

. ಆರು ಬಾರಿ ಯುರೋಪಿಯನ್ ಗೋಲ್ಡನ್ ಶೂ ಗೌರವಕ್ಕೂ ಮೆಸ್ಸಿ ಪಾತ್ರರಾಗಿದ್ದಾರೆ. ಯುರೋಪಿಯನ್ ಫುಟ್ಬಾಲ್ ಸಂಸ್ಥೆಗಳ ಒಕ್ಕೂಟ (ಯುಇಎಫ್ಎ) ಚಾಂಪಿಯನ್ಸ್ ಲೀಗ್ ಪ್ರಶಸ್ತಿ ನಾಲ್ಕು ಬಾರಿ ಅವರಿಗೆ ಒಲಿದಿದೆ.2019ರಲ್ಲಿ ಇದುವರೆಗೆ ಮೆಸ್ಸಿ54 ಪಂದ್ಯಗಳನ್ನು ಆಡಿ 46 ಗೋಲು ದಾಖಲಿಸಿದ್ದಾರೆ. ಅದರಲ್ಲಿ ಬಾರ್ಸಿಲೋನಾ ಪರ ಲಾಲಿಗಾ ಟೂರ್ನಿಯಲ್ಲಿ ಗಳಿಸಿದ್ದು 36 ಗೋಲುಗಳು. ದೇಶ ಹಾಗೂ ಕ್ಲಬ್ ಪಂದ್ಯಗಳು ಸೇರಿ ಅವರು 700 ಗೋಲುಗಳ ಒಡೆಯರು. 2019ರಲ್ಲಿ ಫೋರ್ಬ್ಸ್ ನಿಯತಕಾಲಿಕೆಯು ಮೆಸ್ಸಿ ಅವರನ್ನು ವಿಶ್ವದ ಅತೀ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಪಟು ಎಂದು ರ್ಯಾಂಕ್ ನೀಡಿದೆ.

. 2007ರಲ್ಲಿ ಫಿಫಾ ವರ್ಷದ ಆಟಗಾರ ಹಾಗೂ ಬ್ಯಾಲನ್ ಡಿ ಒರ್ ಪ್ರಶಸ್ತಿಗೆ ಫೈನಲಿಸ್ಟ್ ಆಗಿದ್ದ ಮೆಸ್ಸಿ, 2009ರಲ್ಲಿ ಮೊದಲ ಬಾರಿ ಎರಡೂ ಪ್ರಶಸ್ತಿಗಳಿಗೆ ಮುತ್ತಿಕ್ಕಿದ್ದರು. ನಂತರದ ಸತತ ಮೂರು ವರ್ಷಗಳು ಬ್ಯಾಲನ್ ಡಿ ಒರ್ ಮೇಲೆ ಅವರದೇ ಆಧಿಪತ್ಯ. ಈ ಪ್ರಶಸ್ತಿಯ ಹಾದಿಯಲ್ಲಿ ಮೆಸ್ಸಿ ಅವರಿಗೆ ರೊನಾಲ್ಡೊ ಪ್ರಮುಖ ಸ್ಪರ್ಧಿ. ಈ ಇಬ್ಬರೂ 12 ಬಾರಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದಾರೆ. ಎರಡನೇ ಸ್ಥಾನವನ್ನು ರೊನಾಲ್ಡೊ ಆರು ಬಾರಿ ಪಡೆದರೆ, ಮೆಸ್ಸಿ ಐದು ಬಾರಿ ಗಳಿಸಿದ್ದಾರೆ. ಇಬ್ಬರೂ ತಲಾ ಒಂದು ಬಾರಿ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ. 2008ರಲ್ಲಿ ರೊನಾಲ್ಡೊ ಮೊದಲ ಬಾರಿ ಟ್ರೋಫಿ ಗೆದ್ದ ವೇಳೆ ಮೆಸ್ಸಿ ರನ್ನರ್ ಅಪ್ ಆಗಿದ್ದರು.

. ಮಾನವೀಯ ಮುಖ

. ತಮ್ಮ ಆಕರ್ಷಕ ಆಟದ ಮೂಲಕ ಜನಮನ ಸೆಳೆದಿರುವ ಅರ್ಜೆಂಟೀನಾ ಆಟಗಾರ, ಮಾನವೀಯ ಕಾರ್ಯಗಳಿಗೂ ಹೆಸರುವಾಸಿ. ವಿಶ್ವಸಂಸ್ಥೆಯ ಮಕ್ಕಳ ನಿಧಿಗೆ(ಯುನಿಸೆಫ್) ಆರ್ಥಿಕ ನೆರವು ನೀಡುತ್ತಿದ್ದಾರೆ. ಸಮಯ ಮೀಸಲಿಡುತ್ತಿದ್ದಾರೆ. 2007ರಲ್ಲಿ ಲಿಯೊ ಮೆಸ್ಸಿ ಫೌಂಡೇಶನ್ ಎಂಬ ಸಂಸ್ಥೆಯನ್ನು ಸ್ಥಾಪಿಸಿ ಮಕ್ಕಳಿಗಾಗಿ ಆರೋಗ್ಯದ ಕುರಿತು ಜಾಗೃತಿ, ಶಿಕ್ಷಣ ಹಾಗೂ ಅವರ ಕ್ರೀಡಾಸಕ್ತಿಗೆ ಪ್ರೋತ್ಸಾಹ ನೀಡುತ್ತಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫುಟ್ಬಾಲ್ ಲೋಕದ ಮೋಡಿಗಾರ ಮೆಸ್ಸಿ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ

ನೀರಜ್ ಚೋಪ್ರಾ, ಇತರ ಅಥ್ಲೀಟುಗಳಿಗೆ ವಿದೇಶದಲ್ಲಿ ತರಬೇತಿ

Lord's Test | ಬೂಮ್ರಾಗೆ ಐದು ವಿಕೆಟ್; 387 ರನ್‌ಗೆ ಆಲೌಟ್ ಆದ ಇಂಗ್ಲೆಂಡ್

ಟೆಸ್ಟ್‌ನಲ್ಲಿ 1,000 ರನ್: ಇಂಗ್ಲೆಂಡ್‌ಗೆ ಆಸರೆಯಾಗುತ್ತಲೇ 2 ದಾಖಲೆ ಬರೆದ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ