ಕ್ರಿಸ್ಟಿಯಾನೊ ರೊನಾಲ್ಡೊ ಗೋಲುಗಳ ಶತಕ

ಸ್ವೀಡನ್ನಲ್ಲಿ ನಡೆದ ನೇಷನ್ಸ್ ಕಪ್ ಟೂರ್ನಿಯ ಸ್ವೀಡನ್ ನಡುವಿನ ಪಂದ್ಯದಲ್ಲಿ ಗೋಲು ಗಳಿಸಿದ ಪೋರ್ಚುಗಲ್ನ ಕ್ರಿಸ್ಟಿಯಾನೊ ರೊನಾಲ್ಡೊ 100ನೇ ಅಂತರರಾಷ್ಟ್ರೀಯ ಗೋಲು ದಾಖಲಿಸಿದ ಸಾಧನೆ ಮಾಡಿದರು. ಈ ಸಾಧನೆ ಮಾಡಿದ ಎರಡನೇ ಆಟಗಾರ ಅವರು.

. ಸ್ವೀಡನ್ನ ಫ್ರೆಂಡ್ಸ್ ಅರೆನಾ ಕ್ರೀಡಾಂಗಣ. ಯುಯೆಫಾ ನೇಷನ್ಸ್ ಲೀಗ್ನ ಎರಡನೇ ದಿನ. ಬಲಿಷ್ಠ ಪೋರ್ಚುಗಲ್ ಮತ್ತು ಸ್ವೀಡನ್ ನಡುವಿನ ಪಂದ್ಯ.ಮಂಗಳವಾರ ರಾತ್ರಿ ನಡೆದ ಪಂದ್ಯದ ಮೊದಲಾರ್ಧದ ಕೊನೆಯ ನಿಮಿಷದಲ್ಲಿ ಪೋರ್ಚುಗಲ್ಗೆ ಸಿಕ್ಕಿದ ಫ್ರೀ ಕಿಕ್ ಅವಕಾಶ ಕ್ರಿಸ್ಟಿಯಾನೊ ರೊನಾಲ್ಡೊ ಕಾಲ್ಚಳಕದಲ್ಲಿ ಗೋಲಾಗಿ ಪರಿವರ್ತನೆಯಾಯಿತು.

. ಅಳೆದು–ತೂಗಿ ರೊನಾಲ್ಡೊ ಒದ್ದ ಚೆಂಡು ಗೋಲ್ ಪೋಸ್ಟ್ ಮುಂದೆ ನಿಂತಿದ್ದ ಎದುರಾಳಿ ತಂಡದ ಆಟಗಾರರ ತಲೆ ಮೇಲಿಂದ ತೇಲಿ ಗೋಲುಬಲೆಯ ಬಲಭಾಗದ ಮೂಲೆ ಸೇರಿತು. ಇದರೊಂದಿಗೆ ರೊನಾಲ್ಡೊ ಗೋಲು ಗಳಿಕೆಯಲ್ಲಿ ಮೂರಂಕಿ ತಲುಪಿದರು. ಅಂತರರಾಷ್ಟ್ರೀಯ ಟೂರ್ನಿಗಳಲ್ಲಿ ಇದು ಅವರ ಶತಕದ ಗೋಲಾಗಿತ್ತು. ಅವರು ಈಗ ಈ ಸಾಧನೆ ಮಾಡಿದವರ ಪಟ್ಟಿಯಲ್ಲಿ ಎರಡನೆಯವರು. ಇರಾನ್ನ ಮಾಜಿ ಆಟಗಾರ ಅಲಿ ದಯಿ 109 ಗೋಲುಗಳೊಂದಿಗೆ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.

. ಸ್ವೀಡನ್ ಎದುರಿನ ಪಂದ್ಯದಲ್ಲಿ ರೊನಾಲ್ಡೊ 72ನೇ ನಿಮಿಷದಲ್ಲಿ ಮೊತ್ತೊಂದು ಗೋಲು ಗಳಿಸಿದರು. ಈ ಮೂಲಕ ತಮ್ಮ ದೇಶಕ್ಕೆ 2–0 ಅಂತರದ ಗೆಲುವನ್ನೂ ತಂದುಕೊಟ್ಟರು. ಪೋರ್ಚುಗಲ್ಗೆ ಲೀಗ್ ಹಂತದಲ್ಲಿ ಇನ್ನೂ ನಾಲ್ಕು ಪಂದ್ಯಗಳು ಬಾಕಿ ಇದ್ದು ಅಲಿ ದಯಿ ಅವರ ದಾಖಲೆ ಮುರಿಯಲು ರೊನಾಲ್ಡೊಗೆ ಸುವರ್ಣಾವಕಾಶ ಒದಗಿದೆ. ಇನ್ನು ಒಂಬತ್ತು ಗೋಲು ಗಳಿಸಿದರೆ ರೊನಾಲ್ಡೊ ಆ ಪಟ್ಟವನ್ನು ತಮ್ಮದಾಗಿಸಿಕೊಳ್ಳಲಿದ್ದಾರೆ.

. ರೊನಾಲ್ಡೊ 165ನೇ ಪಂದ್ಯದಲ್ಲಿ ಶತಕದ ಸಾಧನೆ ಮಾಡಿದರು. 1993ರಿಂದ 2006ರ ವರೆಗೆ ಆಡಿದ್ದ ಅಲಿ ದಯಿ 149 ಪಂದ್ಯಗಳಲ್ಲಿ 109 ಗೋಲುಗಳನ್ನು ದಾಖಲಿಸಿದ್ದರು. ಐದು ಬಾರಿ ವರ್ಷದ ಆಟಗಾರ ಪ್ರಶಸ್ತಿ ಗಳಿಸಿದ್ದು ಈಗಾಗಲೇ ಚಾಂಪಿಯನ್ಸ್ ಲೀಗ್ನಲ್ಲಿ ಅತಿ ಹೆಚ್ಚು ಗೋಲು ಗಳಿಸಿದ ಸಾಧನೆ ಮಾಡಿದ್ದಾರೆ. ಆ ಟೂರ್ನಿಯಲ್ಲಿ 131 ಬಾರಿ ಚೆಂಡನ್ನು ಗುರಿ ಮುಟ್ಟಿಸಿರುವ ಅವರು ಲಯೊನೆಲ್ ಮೆಸ್ಸಿಗಿಂತ 16 ಗೋಲುಗಳಿಂದ ಮುಂದಿದ್ದಾರೆ. 17 ವರ್ಷಗಳಿಂದ ಸತತವಾಗಿ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಗೋಲು ಗಳಿಸಿರುವುದು ಕೂಡ ರೊನಾಲ್ಡೊ ಸಾಧನೆಗಳ ಪಟ್ಟಿಯಲ್ಲಿ ಮಹತ್ವದ್ದು.

. ಲೀಗ್ಗಳಲ್ಲಿ ರೊನಾಲ್ಡೊ ಹೆಸರಿನಲ್ಲಿ ಎರಡು ಶತಕಗಳು ಇವೆ. ಲಾಲಿಗಾ (311) ಮತ್ತು ಚಾಂಪಿಯನ್ಸ್ ಲೀಗ್ನಲ್ಲಿ (131) ಮೂರಂಕಿ ದಾಟಿದ್ದರೆ ಪ್ರೀಮಿಯರ್ ಲೀಗ್ (84), ಸೀರಿ ’ಎ‘(52), ಕೋಪಾ ಡೆಲ್ ರೇ (22) ಮತ್ತು ಎಫ್ಎ ಕಪ್ನಲ್ಲಿ (13) ಎರಡಂಕಿ ದಾಟಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಸ್ಟಿಯಾನೊ ರೊನಾಲ್ಡೊ ಗೋಲುಗಳ ಶತಕ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ