ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್‌ ಚೆಸ್‌: ಡ್ರಾ ಪಂದ್ಯದಲ್ಲಿ ಅರ್ಜುನ್‌

ಚೆನ್ನೈ : ಅಗ್ರ ಶ್ರೇಯಾಂಕದ ಭಾರತದ ಗ್ರ್ಯಾಂಡ್ಮಾಸ್ಟರ್ ಅರ್ಜುನ್ ಇರಿಗೇಶಿ ಅವರನ್ನು ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯ ಎರಡನೇ ಸುತ್ತಿನಲ್ಲಿ ಡಚ್ ಗ್ರ್ಯಾಂಡ್ಮಾಸ್ಟರ್ ಜೋರ್ಡನ್ ವಾನ್ ಫೋರಿಸ್ಟ್ ‘ಡ್ರಾ’ಕ್ಕೆ ಒಳಪಡಿಸಿದರು. ಭಾರತದ ಇನ್ನೊಬ್ಬ ಜಿಎಂ ವಿದಿತ್ ಗುಜರಾತಿ ಶುಕ್ರವಾರ ಅಮೆರಿಕದ ರೇ ರಾಬ್ಸನ್ ಎದುರು ಆಘಾತ ಅನುಭವಿಸಬೇಕಾಯಿತು.

. ಮಾಸ್ಟರ್ಸ್ ವಿಭಾಗದಲ್ಲಿ ಎರಡನೇ ದಿನದ ಕೊನೆಗೆ ಜರ್ಮನಿಯ ವಿನ್ಸೆಂಟ್ ಕೀಮರ್ ಎರಡು ಪಾಯಿಂಟ್ ಗಳಿಸಿದ್ದು ಅಗ್ರಸ್ಥಾನಕ್ಕೇರಿದ್ದಾರೆ.

. ಕೀಮರ್, ಭಾರತದ ವಿ.ಪ್ರಣವ್ ವಿರುದ್ಧ ಅಧಿಕಾರಯುತ ಗೆಲುವು ಸಾಧಿಸಿದರು. ವಿದಿತ್ ಅವರನ್ನು ಸೋಲಿಸುವ ಮೂಲಕ ಗ್ರ್ಯಾಂಡ್ಮಾಸ್ಟರ್ ರಾಬ್ಸನ್ ದಿನದ ಅಚ್ಚರಿಯ ಫಲಿತಾಂಶಕ್ಕೆ ಕಾರಣರಾದರು.

. ಅರ್ಜುನ್– ಜೋರ್ಡನ್ ಪಂದ್ಯ ಸೇರಿ ಎರಡನೇ ದಿನ ಮೂರು ಬೋರ್ಡ್ಗಳು ಡ್ರಾ ಫಲಿತಾಂಶ ಕಂಡವು. ನೆದರ್ಲೆಂಡ್ಸ್ನ ಅನಿಶ್ ಗಿರಿ ಮತ್ತು ಭಾರತದ ನಿಹಾಲ್ ಸರಿನ್ ಪಾಯಿಂಟ್ ಹಂಚಿಕೊಂಡರೆ, ಕಾರ್ತಿಕೇಯನ್ ಮುರಳಿ ಮತ್ತು ಅಮೆರಿಕದ ಅವಾಂಡರ್ ಲಿಯಾಂಗ್ ನಡುವಣ ಪಂದ್ಯವೂ ನಿರ್ಣಾಯಕ ಫಲಿತಾಂಶ ಕಾಣಲಿಲ್ಲ.

. ಚಾಲೆಂಜರ್ ವಿಭಾಗ:

. ಚಾಲೆಂಜರ್ ವಿಭಾಗದಲ್ಲಿ ಭಾರತದ ಜಿಎಂ ಇನಿಯನ್ ನಿಖರ ನಡೆಗಳನ್ನಿರಿಸಿ ಸ್ವದೇಶದ ಜಿಎಂ ದ್ರೋಣವಲ್ಲಿ ಹಾರಿಕಾ ವಿರುದ್ಧ ಗೆಲುವು ಸಾಧಿಸಿದರು. ಜಿಎಂ ಅಭಿಮನ್ಯು ಪುರಾಣಿಕ್, ಸ್ವದೇಶದ ಲಿಯಾನ್ ಲ್ಯೂಕ್ ಮೆಂಡೋನ್ಸಾ ವಿರುದ್ಧ ಜಯ ದಾಖಲಿಸಿದರು. ಈ ವಿಭಾಗದ ಉಳಿದ ನಾಲ್ಕು ಪಂದ್ಯಗಳು ಡ್ರಾ ಆದವು.

. ಹರ್ಷವರ್ಧನ್ ಜಿ.ಬಿ ಮತ್ತು ಆರ್ಯನ್ ಚೋಪ್ರಾ; ದೀಪ್ತಾಯನ್ ಘೋಷ್ ಮತ್ತು ಎಂ. ಪ್ರಾಣೇಶ್; ಭಾಸ್ಕರನ್ ಅಧಿಬನ್ ಮತ್ತು ವೈಶಾಲಿ ಆರ್.; ಅಭಿಮನ್ಯು ಪುರಾಣಿಕ್ ಮತ್ತು ಲಿಯಾನ್ ಮೆಂಡೋನ್ಸಾ ತಮ್ಮ ಪಂದ್ಯಗಳನ್ನು ಡ್ರಾ ಮಾಡಿಕೊಂಡರು.

. ಎರಡು ವಿಭಾಗಗಳಲ್ಲಿ ಒಟ್ಟು 20 ಆಟಗಾರರು ಭಾಗವಹಿಸುತ್ತಿದ್ದಾರೆ. ಟೂರ್ನಿಯು ಒಂದು ಕೋಟಿ ರೂಪಾಯಿ ಬಹುಮಾನ ಮೊತ್ತ ಹೊಂದಿದೆ. ಬಹುಮಾನದ ಜೊತೆ ಅಮೂಲ್ಯ ಫಿಡೆ ಸರ್ಕಿಟ್ ಪಾಯಿಂಟ್ಗಳನ್ನು ಪಡೆಯಲೂ ಆಟಗಾರರಿಗೆ ಅವಕಾಶವಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್‌ ಚೆಸ್‌: ಡ್ರಾ ಪಂದ್ಯದಲ್ಲಿ ಅರ್ಜುನ್‌

ಚಿನಕುರುಳಿ Cartoon: 08 ಆಗಸ್ಟ್ 2025

ಚುರುಮುರಿ: ‘ದರ ಮಹಾಲಕ್ಷ್ಮೀ’ ವ್ರತ!

ಭಾರತ–ಪಾಕ್‌ ಯುದ್ಧ ನಿಲ್ಲಿಸಿದ್ದು ನಾವೇ, ಶಾಂತಿಯ ಪಿತಾಮಹ ಟ್ರಂಪ್‌: ರುಬಿಯೊ

ನಮ್ಮ ಮೆಟ್ರೊ ಕಿತ್ತಳೆ ಮಾರ್ಗಕ್ಕೆ ಭೂಸ್ವಾಧೀನ: ಸಂತ್ರಸ್ತರೊಂದಿಗೆ ಸಮಾಲೋಚನೆ

ಅತ್ಯಾಚಾರ ಪ್ರಕರಣ: ಆರೋಪಿ ಪಾಕ್‌ ಕ್ರಿಕೆಟಿಗ ಹೈದರ್‌ ಅಲಿ ಅಮಾನತು

ಈಜು: ಕರ್ನಾಟಕದ ಬಾಲಕಿಯರಿಗೆ ಬೆಳ್ಳಿ