ಯೂತ್‌ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌: ಭಾರತದ ನಾಲ್ವರು ಫೈನಲ್‌ಗೆ

ಬ್ಯಾಂಕಾಕ್ : ನೀರಜ್, ಇಶಾನ್ ಕಟಾರಿಯಾ, ಯಾತ್ರಿ ಪಟೇಲ್ ಮತ್ತು ಪ್ರಿಯಾ ಅವರು ಬುಧವಾರ ಇಲ್ಲಿ ನಡೆದ 19 ಮತ್ತು 22 ವರ್ಷದೊಳಗಿನ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಸುತ್ತು ಪ್ರವೇಶಿಸಿದರು. ನಾಲ್ವರು ಮಹಿಳೆಯರು ಸೇರಿದಂತೆ ಎಂಟು ಬಾಕ್ಸರ್ಗಳು ಕಂಚಿನ ಪದಕ ಗೆದ್ದರು.

. ಪುರುಷರ 75 ಕೆ.ಜಿ ವಿಭಾಗದ ಸೆಮಿಫೈನಲ್ನಲ್ಲಿ ನೀರಜ್ ಅವರು 5–0 ಅಂತರದಿಂದ ದಕ್ಷಿಣ ಕೊರಿಯಾದ ಕಿಯೊಂಗೊ ಬ್ಯಾಂಗ್ ಅವರನ್ನು ಮಣಿಸಿದರು. 90+ ಕೆ.ಜಿ ವಿಭಾಗದಲ್ಲಿ ಇಶಾನ್ ಅವರು ಚೀನಾದ ಚೆನ್ ಚೆನ್ ಅವರಿಗೆ ಬಲವಾದ ಪಂಚ್ ನೀಡಿ ಪಾರಮ್ಯ ಮೆರೆದರು.

. ಮಹಿಳೆಯರ 57 ಕೆ.ಜಿ ವಿಭಾಗದಲ್ಲಿ ಯಾತ್ರಿ ಪಟೇಲ್ ಅವರು ವಿಯೆಟ್ನಾಂನ ಥಿ ನುಂಗ್ ಕ್ವಾಂಡ್ ವಿರುದ್ಧ 5–0ರ ಸರ್ವಾನುಮತದ ತೀರ್ಪಿನಿಂದ ಫೈನಲ್ ತಲುಪಿದರು. 60 ಕೆ.ಜಿ ವಿಭಾಗದಲ್ಲಿ ಪ್ರಿಯಾ ಅವರು ಉಜ್ಬೇಕಿಸ್ತಾನದ ಒಡಿನಖೋನ್ ಇಸ್ಮೊಯಿಲೋವಾ ವಿರುದ್ಧ ಗೆಲುವು ಸಾಧಿಸಿದರು.

. ನಾಲ್ವರಿಗೆ ಕಂಚು: ಪುರುಷರ ವಿಭಾಗದಲ್ಲಿ ರಾಕಿ ಚೌಧರಿ, ಹರ್ಷ್, ಮಯೂರ್ ಮತ್ತು ಅಂಕುಶ್ ಕಂಚಿನ ಪದಕ ತಮ್ಮದಾಗಿಸಿಕೊಂಡರು. ಮಹಿಳೆಯರ ವಿಭಾಗದಲ್ಲಿ ಭಾವನಾ ಶರ್ಮಾ, ಗ್ರೆವಾಲ್, ಪ್ರಾಂಜಲ್ ಯಾದವ್ ಮತ್ತು ಶೃತಿ ಕಂಚು ಗೆದ್ದರು.

. ಪುರುಷರ 85 ಕೆ.ಜಿ ವಿಭಾಗದ ಸೆಮಿಫೈನಲ್ನಲ್ಲಿ ಚೌಧರಿ ಅವರು ಇರಾನ್ನ ಸ್ಯಾಮ್ ಎಸ್ಟಾಕಿ ವಿರುದ್ಧ ಸ್ಪರ್ಧಿಸುವಾಗ ಮೊಣಗೈಗೆ ಗಾಯಗೊಂಡು ಸ್ಪರ್ಧೆಯಿಂದ ಹಿಂದೆ ಸರಿದರು. ಹರ್ಷ್ (60 ಕೆಜಿ) ಉಜ್ಬೇಕಿಸ್ತಾನನ ಶೋಹ್ರುಹ್ ಅಬ್ದುಮಾಲಿಕೋವ್ ವಿರುದ್ಧ; ಮಯೂರ್ (90 ಕೆಜಿ) ಶಖ್ಜೋದ್ ಪೋಲ್ವೊನೊವ್ (ಉಜ್ಬೇಕಿಸ್ತಾನ) ವಿರುದ್ಧ ಪರಾಭವಗೊಂಡರು. ಅಂಕುಶ್ ಅವರು ಕಜಕಿಸ್ತಾನದ ಸಂಝರ್ ಅಲಿ ಬೆಗಾಲಿಯೇವ್ ವಿರುದ್ಧ ಸೋತರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂತ್‌ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌: ಭಾರತದ ನಾಲ್ವರು ಫೈನಲ್‌ಗೆ

ಚಿನಕುರುಳಿ Cartoon: 06 ಆಗಸ್ಟ್ 2025

ಸ್ಟಾರ್ ನಟರಿಗೆ ಸಿನಿಮಾ ಮಾಡಲ್ಲ, ಮಾಡಿದ್ರೆ ಈ ನಟನಿಗೆ ಮಾತ್ರ: ರಾಜ್‌ ಬಿ. ಶೆಟ್ಟಿ

ಚುರುಮುರಿ: ಗೃಹಲಕ್ಷ್ಮಿ ವ್ರತ

ಬೆಂಗಳೂರು | ನಮ್ಮ ಮೆಟ್ರೊ: ಹಳದಿ ಮಾರ್ಗದಲ್ಲಿ ಯಾವೆಲ್ಲಾ ನಿಲ್ದಾಣಗಳಿವೆ?

ಜೂನಿಯರ್ ಈಜು ಚಾಂಪಿಯನ್‌ಷಿಪ್‌: ಕರ್ನಾಟಕ ತಂಡಗಳಿಗೆ ಹ್ಯಾಟ್ರಿಕ್‌ ಗೆಲುವು

ಹೋಟೆಲ್‌ನಲ್ಲಿ ಬೆಂಕಿ ಅವಘಡ: ಚೆನ್ನೈ ಜಿಎಂ ಟೂರ್ನಿ ಮುಂದಕ್ಕೆ