ಕೊರಿಯಾ ಮಾಸ್ಟರ್ಸ್‌: ಭಾರತದ ಸವಾಲು ಅಂತ್ಯ

ಸುವೊನ್: ಭಾರತದ ಎಚ್.ಎಸ್.ಪ್ರಣಯ್ ಅವರು ಬಲ ಪಕ್ಕೆಲುಬಿನ ನೋವಿನಿಂದಾಗಿ ಕೊರಿಯಾ ಮಾಸ್ಟರ್ಸ್ 500 ಟೂರ್ನಿಯ ಟೂರ್ನಿಯ ಮೊದಲ ಸುತ್ತಿನ ಪಂದ್ಯವನ್ನು ಅರ್ಧದಲ್ಲೇ ತ್ಯಜಿಸಿದರು. ಆಯುಷ್ ಶೆಟ್ಟಿ ಮತ್ತು ಇತರ ಆಟಗಾರರೂ ಬುಧವಾರ ಹೊರಬೀಳುವುದರೊಂದಿಗೆ ಭಾರತದ ಸವಾಲು ಈ ಟೂರ್ನಿಯ ಬೇಗ ಅಂತ್ಯಗೊಂಡಿತು.

. 33 ವರ್ಷ ವಯಸ್ಸಿನ ಪ್ರಣಯ್, ಇಂಡೊನೇಷ್ಯಾದ ಚಿಕೊ ಆರಾ ದ್ವಿ ವಾರ್ದೊಯೊ ಎದುರು 5–8 ಹಿನ್ನಡೆಯ ವೇಳೆ ಕ್ರಾಸ್ ಕೋರ್ಟ್ ಸ್ಮ್ಯಾಶ್ ಆಡಿದಾಗ ಅವರಿಗೆ ನೋವು ಕಾಣಿಸಿಕೊಂಡಿತು. ಚಿಕಿತ್ಸೆ ಪಡೆದು ಆಟಕ್ಕೆ ಮರಳಿದರೂ ಅವರು ಸರಾಗವಾಗಿ ಆಡಲಾಗದೇ 8–16ರಲ್ಲಿದ್ದಾಗ ಪಂದ್ಯ ಬಿಟ್ಟುಕೊಟ್ಟರು.

. ಈ ವರ್ಷ ಅಮೆರಿಕ ಓಪನ್ ಸೂಪರ್ 300 ಟೂರ್ನಿ ಗೆದ್ದಿದ್ದ ಆಯುಷ್ ಶೆಟ್ಟಿ 18–21, 18–21 ರಲ್ಲಿ ತೈವಾನ್ನ ಸು ಲಿ ಯಾಂಗ್ ಅವರಿಗೆ 47 ನಿಮಿಷಗಳಲ್ಲಿ ಮಣಿದರು.

. ಕಿರಣ್ ಜಾರ್ಜ್ ಸ್ಫೂರ್ತಿಯುತವಾಗಿ ಆಡಿದರೂ ಅಂತಿಮವಾಗಿ 14–21, 22–20, 14–21 ರಿಂದ ಮಾಜಿ ವಿಶ್ವ ಚಾಂಪಿಯನ್ ಲೊ ಕೀನ್ ಯೂ (ಸಿಂಗಪುರ) ಅವರಿಗೆ ಮಣಿದರು.

. ಮಹಿಳೆಯರ ಸಿಂಗಲ್ಸ್ನಲ್ಲಿ ಅನುಪಮಾ ಉಪಾಧ್ಯಾಯ 16–21, 15–21 ರಿಂದ ವಿಶ್ವ ಕ್ರಮಾಂಕದಲ್ಲಿ ಎಂಟನೇ ಸ್ಥಾನದಲ್ಲಿರುವ ಪುತ್ರಿ ವಾರ್ದನಿ ಅವರಿಗೆ ಸೋತರು.

. ಮಿಶ್ರ ಡಬಲ್ಸ್ನಲ್ಲಿ ಮೋಹಿತ್ ಜಗ್ಲಾನ್– ಲಕ್ಷಿತಾ ಜಗ್ಲಾನ್ 7–21, 14–21ರಲ್ಲಿ ಜಪಾನ್ನ ಯುಯಿಚಿ ಶಿಮೊಗಾಮಿ– ಸಯಾಕಾ ಹೊಬಾರ ಎದುರು ಹಿಮ್ಮೆಟ್ಟಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊರಿಯಾ ಮಾಸ್ಟರ್ಸ್‌: ಭಾರತದ ಸವಾಲು ಅಂತ್ಯ

ಚಿನಕುರುಳಿ | ಬುಧವಾರ, 24 ಸೆಪ್ಟೆಂಬರ್ 2025

ಚುರುಮುರಿ: ತರಕಾರಿ ತೆರಿಗೆ

ದಿನ ಭವಿಷ್ಯ: ರೈತರಿಗೆ ಬೆಳೆಗಳಿಗೆ ಉತ್ತಮ ಬೆಲೆ ದೊರೆಯುವ ಸಂಭವವಿದೆ

ನವರಾತ್ರಿಯ ಸಂದರ್ಭದಲ್ಲಿ ಈ ವಸ್ತುಗಳನ್ನು ಮನೆಗೆ ತಂದರೆ ಸಮೃದ್ಧಿ ಇಮ್ಮಡಿ

Asia Cup: ಅಭಿಷೇಕ್ ಅರ್ಧಶತಕ; ಬಾಂಗ್ಲಾ ಗೆಲುವಿಗೆ 169 ರನ್ ಗುರಿ ಒಡ್ಡಿದ ಭಾರತ