ಪ್ರೊ ಕಬಡ್ಡಿ: ಹರಿಯಾಣ ಸ್ಟೀಲರ್ಸ್‌ಗೆ ಜಯ

ಜೈಪುರ : ವಿನಯ್ ಅವರ ಅಮೋಘ ರೇಡಿಂಗ್ ಬಲದಿಂದ ಹಾಲಿ ಚಾಂಪಿಯನ್ ಹರಿಯಾಣ ಸ್ಟೀಲರ್ಸ್ ತಂಡವು ಶುಕ್ರವಾರ ಪ್ರೊ ಕಬಡ್ಡಿ ಲೀಗ್ನ ಪಂದ್ಯದಲ್ಲಿ 34–30ರಿಂದ ಪುಣೇರಿ ಪಲ್ಟನ್ ತಂಡವನ್ನು ಮಣಿಸಿ, ಹ್ಯಾಟ್ರಿಕ್ ಜಯ ಸಾಧಿಸಿತು.

. ಸವಾಯಿ ಮಾನಸಿಂಗ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ‘ಸಾಂಪ್ರದಾಯಿಕ ಎದುರಾಳಿಗಳ ಸಪ್ತಾಹ’ದ (ರೈವಲರಿ ವೀಕ್) ಹಣಾಹಣಿಯ ಮೊದಲಾರ್ಧದಲ್ಲಿ ಸ್ಟೀಲರ್ಸ್ ತಂಡವು 9 ಅಂಕಗಳಿಂದ (19–10)ರಿಂದ ಮುನ್ನಡೆಯಲ್ಲಿತ್ತು. ದ್ವಿತೀಯಾರ್ಧದಲ್ಲಿ ಮರು ಹೋರಾಟ ಸಂಘಟಿಸಿದ ಪಲ್ಟನ್ ತಂಡವು ಸಾಂಘಿಕ ಆಟ ಪ್ರದರ್ಶಿಸಿ, ಕೇವಲ ನಾಲ್ಕು ಅಂಕಗಳಿಂದ ಸೋಲೊಪ್ಪಿಕೊಂಡಿತು.

. ಸ್ಟೀಲರ್ಸ್ ತಂಡದ ವಿನಯ್ 13 ಅಂಕ ಕಲೆಹಾಕಿದರೆ, ಶಿವಂ ಪತಾರೆ (8) ಅವರಿಗೆ ಸಾಥ್ ನೀಡಿದರು. ಪಲ್ಟನ್ ಪರ ಪಂಕಜ್ ಮೊಹಿತೆ (14) ಏಕಾಂಗಿ ಹೋರಾಟ ನಡೆಸಿದರು.

. ಹರಿಯಾಣ ತಂಡವು (10 ಅಂಕ) ಆಡಿರುವ ಏಳು ಪಂದ್ಯಗಳಲ್ಲಿ ಐದನೇ ಗೆಲುವು ದಾಖಲಿಸಿ ಲೀಗ್ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ ಬಡ್ತಿ ಪಡೆಯಿತು. ಪುಣೇರಿ ತಂಡವು (12 ಅಂಕ) ಈ ಸೋಲಿನ ಹೊರತಾಗಿಯೂ ಅಗ್ರಸ್ಥಾನ ಕಾಯ್ದುಕೊಂಡಿದೆ.

. ದಿನದ ಮತ್ತೊಂದು ಪಂದ್ಯದಲ್ಲಿ ತೆಲುಗು ಟೈಟನ್ಸ್ ತಂಡವು 43–29 ತಮಿಳು ತಲೈವಾಸ್ ತಂಡವನ್ನು ಮಣಿಸಿತು.

. ಇಂದಿನ ಪಂದ್ಯಗಳು

. ಪಟ್ನಾ ಪೈರೇಟ್ಸ್–ಡೆಲ್ಲಿ ದಬಂಗ್ (ರಾತ್ರಿ 8)

ಹರಿಯಾಣ ಸ್ಟೀಲರ್ಸ್–ತಮಿಳು ತಲೈವಾಸ್ (ರಾತ್ರಿ 9)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೊ ಕಬಡ್ಡಿ: ಹರಿಯಾಣ ಸ್ಟೀಲರ್ಸ್‌ಗೆ ಜಯ

ದಸರಾ ಉದ್ಘಾಟನೆಗೆ ಬಾನು ಮುಷ್ತಾಕ್: ಮೇಲ್ಮನವಿ ವಜಾಗೊಳಿಸಿದ ಸುಪ್ರೀಂ ಕೋರ್ಟ್

ಚಿನಕುರುಳಿ: ಶುಕ್ರವಾರ, 19 ಸೆಪ್ಟೆಂಬರ್ 2025

ಚುರುಮುರಿ: ಗುಂಡಿ ಭಾಗ್ಯ!

ದಿನ ಭವಿಷ್ಯ: ಕಾರಣವಿಲ್ಲದೆ ಮಾಡಿದ ಕೋಪವೂ ನಷ್ಟ ತರಲಿದೆ

ಐಎಸ್‌ಎಲ್‌ ಆಯೋಜಿಸಲು ಬದ್ಧ: ಕಲ್ಯಾಣ್‌ ಚೌಬೆ