ವಾಲಿಬಾಲ್; ರಾಜ್ಯ ಪುರುಷ, ಮಹಿಳಾ ತಂಡಗಳಿಗೆ ಪ್ರಶಸ್ತಿ

ಪುರುಷರ ತಂಡವು 18–25, 25–16, 20–25, 15–11ರಿಂದ ಉತ್ತರಾಖಂಡ ತಂಡವನ್ನು ಮಣಿಸಿತು. ಮಹಿಳೆಯರ ತಂಡವು  25–21, 25–10ರಿಂದ ಒಡಿಶಾ ತಂಡದ ವಿರುದ್ಧ ಗೆಲುವು ಸಾಧಿಸಿತು.

‘ಎರಡೂ ತಂಡಗಳಿಗೆ ಚಿನ್ನದ ಪದಕ ಪ್ರದಾನ ಮಾಡಲಾಯಿತು. ಪುರುಷರ ತಂಡಕ್ಕೆ ಎಂ.ಆರ್.ರಮೇಶ್ ಮತ್ತು ಮಹಿಳೆಯರ ತಂಡಕ್ಕೆ ಗೀತಾ ತರಬೇತಿ ನೀಡಿದರು’ ಎಂದು ಕರ್ನಾಟಕ ವಾಲಿಬಾಲ್ ಅಸೋಸಿಯೇಷನ್‌ನ ಅಡ್‌ಹಾಕ್‌ ಸಮಿತಿಯ ಅಧ್ಯಕ್ಷ ಎಲ್.ಪಿ.ಅಂಟೋನಿ ಜೋಸೆಫ್‌ ಮತ್ತು ಸದಸ್ಯ ಎಂ.ಎಂ.ಗುಡಿ ತಿಳಿಸಿದ್ದಾರೆ.

ಪುರುಷರ ತಂಡದಲ್ಲಿ ಮನು ಬಿ.ಎಲ್., ಯಶವಂತ್‌ ನಾಯಕ್ ಪಿ., ಧನುಶ್‌ ಎಂ.ಎನ್‌., ಸಂದೇಶ್‌ ಜೆ.ಆರ್., ನಂದೀಶ್ ಎನ್., ಸಂತೋಷ್‌, ಸುಬ್ರಮಣಿ, ಶಿವಕುಮಾರ್‌, ಟಿ.ಮಂಜುನಾಥ, ನವೀನ್‌, ಅಶೋಕ್‌, ಅಮರೇಶ್‌ ಇದ್ದರು.

ಮಹಿಳೆಯರ ತಂಡದಲ್ಲಿ ಝಾನ್ಸಿ, ಅಂಜಲಿ, ಭವ್ಯಾ, ಇಂದುಮತಿ, ಕವಿತಾ, ಸವಿತಾ, ದೀಕ್ಷಿತಾ, ಶಿಲ್ಪಾ, ಲೇಖನಾ, ಸಿಂಚನಾ ಇದ್ದರು.