Tokyo Olympics: ಬಹುಮುಖ ಪ್ರತಿಭೆಗೆ ಬಾಕ್ಸಿಂಗ್ ಪದಕ
ಅಕ್ಷರ ಗಾತ್ರ :ಆ |ಆ |ಆ
ಟೋಕಿಯೊ (ಎಎಫ್‌ಪಿ): ಲಾರೆನ್ಸ್ ಪ್ರೈಸ್‌... ಟ್ಯಾಕ್ಸಿ ಚಾಲಕಿ, ವೇಲ್ಸ್‌ ತಂಡದ ಫುಟ್‌ಬಾಲ್ ಆಟಗಾರ್ತಿ, ಅಂತರಾಷ್ಟ್ರೀಯ ಯೂತ್‌ ವಾಲಿಬಾಲ್‌ ಆಡಿದವರು. ಕಿಕ್‌ಬಾಕ್ಸಿಂಗ್‌ನಲ್ಲಿ ಮಾಜಿ ವಿಶ್ವ ಚಾಂಪಿಯನ್. ಈ ಪ್ರತಿಭೆಗೆ ಈಗ ಒಲಿಂಪಿಕ್ಸ್ ಬಾಕ್ಸಿಂಗ್ ಚಿನ್ನ ಒಲಿದಿದೆ.
ಭಾನುವಾರ ಇಲ್ಲಿ ನಡೆದ ಮಿಡ್ಲ್‌ವೇಟ್‌ ವಿಭಾಗದ ಫೈನಲ್ ಹಣಾಹಣಿಯಲ್ಲಿ ಅವರು ಚೀನಾದ ಕಿಯಾನ್ ಲೀ ಅವರನ್ನು 5-0ಯಿಂದ ಪರಾಭವಗೊಳಿಸಿದರು.
ಮಹಿಳೆಯರ ಲೈಟ್ ವೇಟ್ ವಿಭಾಗದ ಚಿನ್ನವು ಐರ್ಲೆಂಡ್‌ನ ಕೆಲ್ಲಿ ಆ್ಯನ್‌ ಹ್ಯಾರಿಂಗ್ಟನ್ ಅವರ ಪಾಲಾಯಿತು. ಅಂತಿಮ ಸುತ್ತಿನ ಬೌಟ್‌ನಲ್ಲಿ ಅವರು 5-0ಯಿಂದ ಬ್ರೆಜಿಲ್‌ನ ಬಿಟ್ರಿಜ್‌ ಫೆರಿಯೆರಾ ಅವರನ್ನು ಮಣಿಸಿದರು.
ಜಿದ್ದಾಜಿದ್ದಿನಿಂದ ಕೂಡಿದ್ದ ಪುರು ಷರ ಲೈಟ್‌ವೇಟ್‌ ಫೈನಲ್ ಬೌಟ್‌ನಲ್ಲಿ ಕ್ಯೂಬಾದ ಆ್ಯಂಡಿ ಕ್ರುಜ್ 4-1ರಿಂದ ಅಮೆರಿಕದ ಕೆಯಿಶವಾನ್‌ ಡೇವಿಡ್‌ ಅವರನ್ನು ಮಣಿಸಿ ಚಿನ್ನದ ಪದಕಕ್ಕೆ ಮುತ್ತಿಟ್ಟರು. ಪುರುಷರ ಸೂಪರ್ ಹೆವಿವೇಟ್ ವಿಭಾಗದ ಫೈನಲ್‌ನಲ್ಲಿ ಉಜ್ಬೆಕಿಸ್ತಾನದ ಬಿ ಜಲೊಲೊವ್ ಅವರು ಅಮೆರಿಕದ ಟೊರೆಜ್ ಜೂನಿಯರ್ ಎದುರು ಗೆದ್ದು ಬೀಗಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
