<p><strong>ಮಾಸ್ಕೊ: </strong>ರಷ್ಯಾದ ರಾಷ್ಟ್ರೀಯ ಬಾಕ್ಸಿಂಗ್ ತಂಡದ ಕೋಚ್ ಆ್ಯಂಟನ್ ಕಡುಶಿನ್ಗೆ ಕೋವಿಡ್ ಸೋಂಕು ಇರುವುದು ದೃಢಪಟ್ಟಿದೆ.ಲಂಡನ್ನಲ್ಲಿ ಕಳೆದ ತಿಂಗಳು ನಡೆದಿದ್ದ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಟೂರ್ನಿಯಲ್ಲಿ ಪಾಲ್ಗೊಂಡ ತಂಡದೊಂದಿಗೆ ಅವರು ತೆರಳಿದ್ದರು.</p>.<p>ಮಿಡಲ್ವೇಟ್ ವಿಭಾಗದಲ್ಲಿ 2019ರ ವಿಶ್ವ ಚಾಂಪಿಯನ್ ಆಗಿದ್ದ ಗ್ಲೆಬ್ ಬಕ್ಷಿಗೆ ತರಬೇತಿ ನೀಡುತ್ತಿರುವ ಕಡುಶಿನ್ ತಮಗೆ ಕೋವಿಡ್ ಇರುವುದನ್ನು ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ.</p>.<p>‘ಲಂಡನ್ನಿಂದ ಮರಳಿದ ನಂತರ ಮಾರ್ಚ್ 25ರಂದು ವಿಪರೀತ ಜ್ವರ ಕಾಡಿತ್ತು. ಪರೀಕ್ಷೆ ಮಾಡಿಸಿದಾಗ ಕೋವಿಡ್ ಇರುವುದು ಗೊತ್ತಾಗಿದೆ. ಈಗ ಮನೆಯಲ್ಲೇ ಇದ್ದು ಸ್ವಯಂ ಐಸೊಲೇಷನ್ಗೆ ಒಳಗಾಗಿದ್ದೇನೆ’ ಎಂದು ಅವರು ಬರೆದುಕೊಂಡಿದ್ದಾರೆ.</p>.<p>‘ಕಡುಶಿನ್ ಅವರಿಗೆ ಸಣ್ಣ ಪ್ರಮಾಣದಲ್ಲಿ ಸೋಂಕು ಆಗಿದೆ. ಹೀಗಾಗಿ ಪರಿಸ್ಥಿತಿ ನಿಯಂತ್ರಣದಲ್ಲಿದೆ. ಕೋಚ್ ಬಿಟ್ಟರೆ ಲಂಡನ್ನಿಂದ ಮರಳಿದ ಬಾಕ್ಸರ್ಗಳ ಪೈಕಿ ಯಾರಲ್ಲೂ ಸೋಂಕು ಕಾಣಿಸಿಕೊಂಡಿಲ್ಲ’ ಎಂದು ರಷ್ಯಾ ಬಾಕ್ಸಿಂಗ್ ಫೆಡರೇಷನ್ ಮುಖ್ಯಸ್ಥ ಉಮರ್ ಕ್ರೆಮ್ಲೆವ್ ತಿಳಿಸಿದ್ದಾರೆ.</p>.<p>ಕೊರೊನಾ ವೈರಸ್ ಹಾವಳಿ ಹೆಚ್ಚುತ್ತಿದ್ದ ಕಾರಣ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಪಂದ್ಯಗಳನ್ನು ಮಾರ್ಚ್ 16ರಂದು ದಿಢೀರ್ ಆಗಿ ರದ್ದುಗೊಳಿಸಲಾಗಿತ್ತು. ಲಂಡನ್ನಿಂದ ಮರಳಿದ ಕ್ರೊವೇಷ್ಯಾದ ಮೂವರು ಬಾಕ್ಸರ್ಗಳು ಮತ್ತು ಟರ್ಕಿಯ ಇಬ್ಬರು ಬಾಕ್ಸರ್ಗಳು ಹಾಗೂ ಕೋಚ್ಗೆ ಕೋವಿಡ್ ಇರುವುದು ದೃಢಪಟ್ಟಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಾಸ್ಕೊ: </strong>ರಷ್ಯಾದ ರಾಷ್ಟ್ರೀಯ ಬಾಕ್ಸಿಂಗ್ ತಂಡದ ಕೋಚ್ ಆ್ಯಂಟನ್ ಕಡುಶಿನ್ಗೆ ಕೋವಿಡ್ ಸೋಂಕು ಇರುವುದು ದೃಢಪಟ್ಟಿದೆ.ಲಂಡನ್ನಲ್ಲಿ ಕಳೆದ ತಿಂಗಳು ನಡೆದಿದ್ದ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಟೂರ್ನಿಯಲ್ಲಿ ಪಾಲ್ಗೊಂಡ ತಂಡದೊಂದಿಗೆ ಅವರು ತೆರಳಿದ್ದರು.</p>.<p>ಮಿಡಲ್ವೇಟ್ ವಿಭಾಗದಲ್ಲಿ 2019ರ ವಿಶ್ವ ಚಾಂಪಿಯನ್ ಆಗಿದ್ದ ಗ್ಲೆಬ್ ಬಕ್ಷಿಗೆ ತರಬೇತಿ ನೀಡುತ್ತಿರುವ ಕಡುಶಿನ್ ತಮಗೆ ಕೋವಿಡ್ ಇರುವುದನ್ನು ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ.</p>.<p>‘ಲಂಡನ್ನಿಂದ ಮರಳಿದ ನಂತರ ಮಾರ್ಚ್ 25ರಂದು ವಿಪರೀತ ಜ್ವರ ಕಾಡಿತ್ತು. ಪರೀಕ್ಷೆ ಮಾಡಿಸಿದಾಗ ಕೋವಿಡ್ ಇರುವುದು ಗೊತ್ತಾಗಿದೆ. ಈಗ ಮನೆಯಲ್ಲೇ ಇದ್ದು ಸ್ವಯಂ ಐಸೊಲೇಷನ್ಗೆ ಒಳಗಾಗಿದ್ದೇನೆ’ ಎಂದು ಅವರು ಬರೆದುಕೊಂಡಿದ್ದಾರೆ.</p>.<p>‘ಕಡುಶಿನ್ ಅವರಿಗೆ ಸಣ್ಣ ಪ್ರಮಾಣದಲ್ಲಿ ಸೋಂಕು ಆಗಿದೆ. ಹೀಗಾಗಿ ಪರಿಸ್ಥಿತಿ ನಿಯಂತ್ರಣದಲ್ಲಿದೆ. ಕೋಚ್ ಬಿಟ್ಟರೆ ಲಂಡನ್ನಿಂದ ಮರಳಿದ ಬಾಕ್ಸರ್ಗಳ ಪೈಕಿ ಯಾರಲ್ಲೂ ಸೋಂಕು ಕಾಣಿಸಿಕೊಂಡಿಲ್ಲ’ ಎಂದು ರಷ್ಯಾ ಬಾಕ್ಸಿಂಗ್ ಫೆಡರೇಷನ್ ಮುಖ್ಯಸ್ಥ ಉಮರ್ ಕ್ರೆಮ್ಲೆವ್ ತಿಳಿಸಿದ್ದಾರೆ.</p>.<p>ಕೊರೊನಾ ವೈರಸ್ ಹಾವಳಿ ಹೆಚ್ಚುತ್ತಿದ್ದ ಕಾರಣ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಪಂದ್ಯಗಳನ್ನು ಮಾರ್ಚ್ 16ರಂದು ದಿಢೀರ್ ಆಗಿ ರದ್ದುಗೊಳಿಸಲಾಗಿತ್ತು. ಲಂಡನ್ನಿಂದ ಮರಳಿದ ಕ್ರೊವೇಷ್ಯಾದ ಮೂವರು ಬಾಕ್ಸರ್ಗಳು ಮತ್ತು ಟರ್ಕಿಯ ಇಬ್ಬರು ಬಾಕ್ಸರ್ಗಳು ಹಾಗೂ ಕೋಚ್ಗೆ ಕೋವಿಡ್ ಇರುವುದು ದೃಢಪಟ್ಟಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>