ಈ ಪಂದ್ಯದಲ್ಲಿ ಸಿಂಧು ಆರಂಭಿಕ ಗೇಮ್ಸ್‌ನಲ್ಲಿ ಮೊದಲಿಗೆ ಪಾಯಿಂಟ್ ಗಳಿಸಿದರು. ಈ ಹಂತದಲ್ಲಿ ರಕ್ಷಣಾತ್ಮಕವಾಗಿ ಆಡಿದ್ದ ಯೂ ಫೀ ನಂತರ ತಿರುಗಿಬಿದ್ದರು. 3–3ರ ಸಮಬಲದ ನಂತರ ಕ್ರಾಸ್‌ಕೋರ್ಟ್ ಮತ್ತು ಫೋರ್‌ಹ್ಯಾಂಡ್ ಹೊಡೆಗಳನ್ನು ಯೂ ಫೀ ಪರಿಣಾಮಕಾರಿಯಾಗಿ ಬಳಸಿದರು. ಆದರೆ ಅವರಿಗೆ ಚುರುಕಾದ ರಿಟರ್ನ್‌ಗಳನ್ನು ನೀಡುವಲ್ಲಿ ಸಿಂಧು ಸಫಲರಾಗಲಿಲ್ಲ. 11–7ರ ಮುನ್ನಡೆಯೊಂದಿಗೆ ಯೂ ಫೀ ತಮ್ಮ ಪ್ರಾಬಲ್ಯ ವಿಸ್ತರಿಸಿದರು. 17–12ರವರೆಗೂ ಯೂಫೀ ತಮ್ಮ ಮುನ್ನಡೆಯನ್ನು ಬೆಳೆಸಿದರು. ಕ್ರಾಸ್‌ಕೋರ್ಟ್ ರಿಟರ್ನ್‌ಗಳ ಮೂಲಕ ಎರಡು ಪಾಯಿಂಟ್ ಪಡೆದ ಸಿಂಧು 15–17ರಿಂದ ಅಂತರ ತಗ್ಗಿಸಿದರು. ಆದರೆ ತಮ್ಮ ಮುನ್ನಡೆಯನ್ನು ಯಾವುದೇ ಹಂತದಲ್ಲಿಯೂ ಯೂ ಫಿ ಬಿಟ್ಟುಕೊಡಲಿಲ್ಲ.
