<p>ರಾಕ್ಸಾಫ್, ಪೊಲೆಂಡ್ (ಪಿಟಿಐ): ಭಾರತದ ಕೋಮಲಿಕಾ ಬಾರಿ ಇಲ್ಲಿ ನಡೆಯುತ್ತಿರುವ ವಿಶ್ವ ಯೂತ್ ಆರ್ಚರಿ 21 ವರ್ಷದೊಳಗಿನವರ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.</p>.<p>18 ವರ್ಷದೊಳಗಿನವರ ರಿಕರ್ವ್ ವಿಶ್ವ ಚಾಂಪಿಯನ್ ಆಗಿರುವ ಕೊಮಲಿಕಾ ಗುರುವಾರ ನಡೆದ ಸೆಮಿಫೈನಲ್ನಲ್ಲಿ 6–4(28-27, 25-28, 28-26, 25-30, 29-25) ರಿಂದ ಅಮೆರಿಕದ ಕ್ಯಾಸಿ ಕೌಫೋಲ್ಡ್ ಸವಾಲು ಮೀರಿ ನಿಂತರು.</p>.<p>ಆರನೇ ಶ್ರೇಯಾಂಕದ ಕೋಮಲಿಕಾ ಭಾನುವಾರ ನಡೆಯಲಿರುವ ಫೈನಲ್ನಲ್ಲಿ ಸ್ಪೇನ್ ದೇಶದ ನಾಲ್ಕನೇ ಶ್ರೇಯಾಂಕದ ಎಲಿಯಾ ಕ್ಯಾನಾಲೆಸ್ ಅವರನ್ನು ಎದುರಿಸುವರು. ಒಂದೊಮ್ಮೆ ಇಲ್ಲಿ ಅವರು ಪದಕ ಜಯಿಸಿದರೆ, ದೀಪಿಕಾ ಕುಮಾರಿ ಅವರ ದಾಖಲೆಯನ್ನು ಸರಿಗಟ್ಟುವರು.</p>.<p>2009 ರಿಂದ 2011ರ ಅವಧಿಯಲ್ಲಿ ದೀಪಿಕಾ ಜೂನಿಯರ್ ಮತ್ತು ಕೆಡೆಟ್ ವಿಬಾಗಗಳಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು. ಈ ಸಾಧನೆ ಮಾಡಿದ ಭಾರತದ ಏಕೈಕ ಮಹಿಳಾ ಆರ್ಚರ್ ಅವರಾಗಿದ್ದಾರೆ.</p>.<p>‘ಫೈನಲ್ನಲ್ಲಿ ನನ್ನ ಸಂಪೂರ್ಣ ಸಾಮರ್ಥ್ಯವನ್ನು ಪಣಕ್ಕೊಡ್ಡುತ್ತೇನೆ. ನನ್ನ ಪದಕ ಸಂಗ್ರಹಕ್ಕೆ ಮತ್ತೊಂದು ಚಿನ್ನವನ್ನು ಸೇರಿಸುತ್ತೇನೆ’ ಎಂದು ಜೆಮ್ಷೆಡ್ಪುರದ ಕೋಮಲಿಕಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<p>ಫೈನಲ್ಗೆ ಸಾಕ್ಷಿ: ಜೂನಿಯರ್ ಬಾಲಕಿಯರ ವಿಭಾಗದ ಕೌಂಪೌಡ್ ವಿಭಾಗದ ಫೈನಲ್ಗೆ ಸಾಕ್ಷಿ ಚೌಧರಿ ಪ್ರವೇಶಿಸಿದ್ದಾರೆ.</p>.<p>ಸಾಕ್ಷಿ 144–142 ರಿಂದ ಅಮೆರಿಕದ ಅನಾ ಸ್ಕಾರ್ಬರೊ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದರು. ಅವರು ಫೈನಲ್ನಲ್ಲಿ ಕ್ರೊವೆಷ್ಯಾದ ಅಮಂದಾ ಮ್ಲಿನಾರಿಚ್ ಅವರನ್ನು ಎದುರಿಸುವರು.</p>.<p>ಬಾಲಕರ ವಿಭಾಗದಲ್ಲಿ ರಿಷಭ್ ಯಾದವ್ ಕೂಡ ಕಂಚಿನ ಪದಕದ ಸುತ್ತಿಗೆ ಪ್ರವೇಶಿಸಿರುವರು.</p>.<p>ವೈಯಕ್ತಿಕ ವಿಭಾಗದ ಸೆಮಿಫೈನಲ್ನಲ್ಲಿ ರಿಷಭ್ 146–147 ರಿಂದ ಇಸ್ತೊನಿಯಾದ ರಾಬಿನ್ ಜಾಮ್ತಾ ಎದುರು ಸೋತರು. ಅವರು ಕಂಚಿನ ಪದಕದ ಸುತ್ತಿನಲ್ಲಿ ಮೆಕ್ಸಿಕೊದ ಸೆಬಾಸ್ಟಿಯನ್ ಗಾರ್ಸಿಯಾ ವಿರುದ್ಧ ಸ್ಪರ್ಧಿಸುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರಾಕ್ಸಾಫ್, ಪೊಲೆಂಡ್ (ಪಿಟಿಐ): ಭಾರತದ ಕೋಮಲಿಕಾ ಬಾರಿ ಇಲ್ಲಿ ನಡೆಯುತ್ತಿರುವ ವಿಶ್ವ ಯೂತ್ ಆರ್ಚರಿ 21 ವರ್ಷದೊಳಗಿನವರ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.</p>.<p>18 ವರ್ಷದೊಳಗಿನವರ ರಿಕರ್ವ್ ವಿಶ್ವ ಚಾಂಪಿಯನ್ ಆಗಿರುವ ಕೊಮಲಿಕಾ ಗುರುವಾರ ನಡೆದ ಸೆಮಿಫೈನಲ್ನಲ್ಲಿ 6–4(28-27, 25-28, 28-26, 25-30, 29-25) ರಿಂದ ಅಮೆರಿಕದ ಕ್ಯಾಸಿ ಕೌಫೋಲ್ಡ್ ಸವಾಲು ಮೀರಿ ನಿಂತರು.</p>.<p>ಆರನೇ ಶ್ರೇಯಾಂಕದ ಕೋಮಲಿಕಾ ಭಾನುವಾರ ನಡೆಯಲಿರುವ ಫೈನಲ್ನಲ್ಲಿ ಸ್ಪೇನ್ ದೇಶದ ನಾಲ್ಕನೇ ಶ್ರೇಯಾಂಕದ ಎಲಿಯಾ ಕ್ಯಾನಾಲೆಸ್ ಅವರನ್ನು ಎದುರಿಸುವರು. ಒಂದೊಮ್ಮೆ ಇಲ್ಲಿ ಅವರು ಪದಕ ಜಯಿಸಿದರೆ, ದೀಪಿಕಾ ಕುಮಾರಿ ಅವರ ದಾಖಲೆಯನ್ನು ಸರಿಗಟ್ಟುವರು.</p>.<p>2009 ರಿಂದ 2011ರ ಅವಧಿಯಲ್ಲಿ ದೀಪಿಕಾ ಜೂನಿಯರ್ ಮತ್ತು ಕೆಡೆಟ್ ವಿಬಾಗಗಳಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು. ಈ ಸಾಧನೆ ಮಾಡಿದ ಭಾರತದ ಏಕೈಕ ಮಹಿಳಾ ಆರ್ಚರ್ ಅವರಾಗಿದ್ದಾರೆ.</p>.<p>‘ಫೈನಲ್ನಲ್ಲಿ ನನ್ನ ಸಂಪೂರ್ಣ ಸಾಮರ್ಥ್ಯವನ್ನು ಪಣಕ್ಕೊಡ್ಡುತ್ತೇನೆ. ನನ್ನ ಪದಕ ಸಂಗ್ರಹಕ್ಕೆ ಮತ್ತೊಂದು ಚಿನ್ನವನ್ನು ಸೇರಿಸುತ್ತೇನೆ’ ಎಂದು ಜೆಮ್ಷೆಡ್ಪುರದ ಕೋಮಲಿಕಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<p>ಫೈನಲ್ಗೆ ಸಾಕ್ಷಿ: ಜೂನಿಯರ್ ಬಾಲಕಿಯರ ವಿಭಾಗದ ಕೌಂಪೌಡ್ ವಿಭಾಗದ ಫೈನಲ್ಗೆ ಸಾಕ್ಷಿ ಚೌಧರಿ ಪ್ರವೇಶಿಸಿದ್ದಾರೆ.</p>.<p>ಸಾಕ್ಷಿ 144–142 ರಿಂದ ಅಮೆರಿಕದ ಅನಾ ಸ್ಕಾರ್ಬರೊ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದರು. ಅವರು ಫೈನಲ್ನಲ್ಲಿ ಕ್ರೊವೆಷ್ಯಾದ ಅಮಂದಾ ಮ್ಲಿನಾರಿಚ್ ಅವರನ್ನು ಎದುರಿಸುವರು.</p>.<p>ಬಾಲಕರ ವಿಭಾಗದಲ್ಲಿ ರಿಷಭ್ ಯಾದವ್ ಕೂಡ ಕಂಚಿನ ಪದಕದ ಸುತ್ತಿಗೆ ಪ್ರವೇಶಿಸಿರುವರು.</p>.<p>ವೈಯಕ್ತಿಕ ವಿಭಾಗದ ಸೆಮಿಫೈನಲ್ನಲ್ಲಿ ರಿಷಭ್ 146–147 ರಿಂದ ಇಸ್ತೊನಿಯಾದ ರಾಬಿನ್ ಜಾಮ್ತಾ ಎದುರು ಸೋತರು. ಅವರು ಕಂಚಿನ ಪದಕದ ಸುತ್ತಿನಲ್ಲಿ ಮೆಕ್ಸಿಕೊದ ಸೆಬಾಸ್ಟಿಯನ್ ಗಾರ್ಸಿಯಾ ವಿರುದ್ಧ ಸ್ಪರ್ಧಿಸುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
