<p><strong>ಟೋಕಿಯೊ:</strong> ಒಲಿಂಪಿಕ್ಸ್ ಈಜುಕೊಳದಲ್ಲಿ ಭಾನುವಾರ ಅಚ್ಚರಿಯ ಫಲಿತಾಂಶ ಹೊರಬಿದ್ದಿತು.</p>.<p>ಟ್ಯುನಿಷಿಯಾದ ಚಿಗುರು ಮೀಸೆಯ ಹುಡುಗ ಅಹ್ಮದ್ ಹಫ್ನಾವುಯಿ 400 ಮೀಟರ್ಸ್ ಫ್ರೀಸ್ಟೈಲ್ನಲ್ಲಿ ಚಿನ್ನದ ಪದಕ ಜಯಿಸಿ ಬೆರಗು ಮೂಡಿಸಿದರು.</p>.<p>ಹಿಂದಿನ ಒಲಿಂಪಿಕ್ಸ್ಗಳಲ್ಲಿ ಅಮೆರಿಕದವರೇ ಪ್ರಾಬಲ್ಯ ಮೆರೆದಿದ್ದರು. ಹೀಗಾಗಿ ಎಲ್ಲರ ಕಣ್ಣುಗಳೂ ಈ ದೇಶದ ಈಜುಪಟುಗಳ ಮೇಲೆಯೇ ನೆಟ್ಟಿದ್ದವು. ಎಂಟು ಲ್ಯಾಪ್ಗಳ ರೇಸ್ನಲ್ಲಿ ತನಗಿಂತಲೂ ಹಿರಿಯ ಹಾಗೂ ಅನುಭವಿ ಈಜುಪಟುಗಳನ್ನು ಹಿಂದಿಕ್ಕಿದ 18 ವರ್ಷದ ಅಹ್ಮದ್ ಖುಷಿಯಿಂದ ಹಿಗ್ಗಿದರು.</p>.<p>ಈಜುಕೊಳಕ್ಕೆ ಧುಮುಕಿದ ಕ್ಷಣದಿಂದಲೇ ವೇಗವಾಗಿ ನೀರನ್ನು ಸೀಳಿಕೊಂಡು ಮುಂದೆ ಸಾಗಿದ ಅವರು 3 ನಿಮಿಷ 43.36 ಸೆಕೆಂಡುಗಳಲ್ಲಿ ಗುರಿ ಕ್ರಮಿಸಿದರು.</p>.<p>ಆಸ್ಟ್ರೇಲಿಯಾದ ಜಾಕ್ ಮೆಕ್ಲಾಹ್ಲಿನ್ ಈ ವಿಭಾಗದ ಬೆಳ್ಳಿಯ ಪದಕ ಪಡೆದರು. ಅವರು ನಿಗದಿತ ಗುರಿ ಮುಟ್ಟಲು 3 ನಿಮಿಷ 43.52 ಸೆಕೆಂಡು ತೆಗೆದುಕೊಂಡರು. ಅಮೆರಿಕದ ಕೀರನ್ ಸ್ಮಿತ್ (3:43.94) ಕಂಚಿನ ಪದಕಕ್ಕೆ ತೃಪ್ತರಾದರು.</p>.<p>‘ನೀರಿಗೆ ಧುಮುಕಿದ ಕೂಡಲೇ ಪದಕದ ಬಗ್ಗೆಯೇ ಯೋಚಿಸುತ್ತಿದೆ. ಸಮಯದ ಬಗ್ಗೆ ತಲೆಕೆಡಿಸಿಕೊಳ್ಳಲೇ ಇಲ್ಲ’ ಎಂದು ಅಹ್ಮದ್ ಪ್ರತಿಕ್ರಿಯಿಸಿದರು.</p>.<p>ಅಹ್ಮದ್, ಅವಸ್ ಮೆಲೌಲಿ ನಂತರ ಒಲಿಂಪಿಕ್ಸ್ ಈಜು ಸ್ಪರ್ಧೆಯಲ್ಲಿ ಚಿನ್ನ ಜಯಿಸಿದ ಟ್ಯುನಿಷಿಯಾದ ಕ್ರೀಡಾಪಟು ಎಂಬ ಹಿರಿಮೆ ತಮ್ಮದಾಗಿಸಿಕೊಂಡರು. 37 ವರ್ಷದ ಮೆಲೌಲಿ, 2008ರ ಬೀಜಿಂಗ್ ಒಲಿಂಪಿಕ್ಸ್ನ 1,500 ಮೀಟರ್ಸ್ ಸ್ಪರ್ಧೆಯಲ್ಲಿ ಚಿನ್ನಕ್ಕೆ ಮುತ್ತಿಟ್ಟಿದ್ದರು.</p>.<p><strong>ಚೇಸ್ಗೆ ಚಿನ್ನ:</strong> ಪುರುಷರ 400 ಮೀಟರ್ಸ್ ವೈಯಕ್ತಿಕ ಮೆಡ್ಲೆಯಲ್ಲಿ ಅಮೆರಿಕದ ಚೇಸ್ ಕಲಿಸ್ ಚಿನ್ನ ಜಯಿಸಿದರು. ಅವರು 4 ನಿಮಿಷ 09.42 ಸೆಕೆಂಡುಗಳಲ್ಲಿ ಗುರಿ ಕ್ರಮಿಸಿದರು. ಅಮೆರಿಕದವರೇ ಆದ ಜೇ ಲಿದರ್ಲ್ಯಾಂಡ್ (4:10.28) ಮತ್ತು ಆಸ್ಟ್ರೇಲಿಯಾದ ಬ್ರೆಂಡನ್ ಸ್ಮಿತ್ (4:10.38) ಕ್ರಮವಾಗಿ ಬೆಳ್ಳಿ ಮತ್ತು ಕಂಚು ಪಡೆದರು.</p>.<p>ಮಹಿಳೆಯರ 400 ಮೀಟರ್ಸ್ ವೈಯಕ್ತಿಕ ಮೆಡ್ಲೆ ಸ್ಪರ್ಧೆಯಲ್ಲಿ ಜಪಾನ್ನ ಯೂಹಿ ಒಹಾಶಿ (4:32.08) ಚಿನ್ನದ ಪದಕ ಗೆದ್ದರು. ಅಮೆರಿಕದ ಎಮಾ ಯೆಮಂಟ್ (4:32.76) ಬೆಳ್ಳಿ ಮತ್ತು ಹ್ಯಾಲಿ ಫ್ಲಿಂಕಿಂಗರ್ (4:34.90) ಕಂಚು ಜಯಿಸಿದರು.</p>.<p>ಮಹಿಳೆಯರ 4X100 ಮೀ. ಫ್ರೀಸ್ಟೈಲ್ ರಿಲೆ ಸ್ಪರ್ಧೆಯ ಚಿನ್ನ ಆಸ್ಟ್ರೇಲಿಯಾದ ಪಾಲಾಯಿತು. ಈ ತಂಡ 3 ನಿಮಿಷ 29.69 ಸೆಕೆಂಡುಗಳಲ್ಲಿ ಗುರಿ ತಲುಪಿ ವಿಶ್ವ ದಾಖಲೆ ನಿರ್ಮಿಸಿತು. ಕೆನಡಾ (3:32.78) ಮತ್ತು ಅಮೆರಿಕ (3:32.81) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕಗಳನ್ನು ಪಡೆದವು.</p>.<p><strong>ಮಾನಾ, ಶ್ರೀಹರಿಗೆ ನಿರಾಸೆ</strong></p>.<p>ಭಾರತದ ಈಜುಪಟುಗಳಾದ ಶ್ರೀಹರಿ ನಟರಾಜನ್ ಹಾಗೂ ಮಾನಾ ಪಟೇಲ್ ಸೆಮಿಫೈನಲ್ ಪ್ರವೇಶಿಸಲು ವಿಫಲರಾದರು. 100 ಮೀಟರ್ಸ್ ಬ್ಯಾಕ್ಸ್ಟ್ರೋಕ್ನ ಹೀಟ್ಸ್ನಲ್ಲಿ ಶ್ರೀಹರಿ ಆರನೇ ಸ್ಥಾನ (54.31ಸೆ) ಪಡೆದರು. ಒಟ್ಟಾರೆ ಅವರು 27ನೇಯವರಾದರು. ಈ ವಿಭಾಗದಲ್ಲಿ ಒಟ್ಟು 40 ಈಜುಪಟುಗಳು ಪಾಲ್ಗೊಂಡಿದ್ದರು. ಮಾನಾ 1 ನಿಮಿಷ 05.20 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ಅವರು ಒಟ್ಟಾರೆ 39ನೇಯವರಾಗಿ ಸ್ಪರ್ಧೆ ಕೊನೆಗೊಳಿಸಿದರು.</p>.<p>***</p>.<p>ಪದಕವನ್ನು ಟ್ಯುನಿಷಿಯಾದ ಜನರಿಗೆ ಅರ್ಪಿಸುತ್ತೇನೆ. ವಿಜಯ ವೇದಿಕೆಯಲ್ಲಿ ರಾಷ್ಟ್ರಗೀತೆ ಮೊಳಗಿದ ವೇಳೆ ಖುಷಿಯಿಂದ ಕಣ್ಣುಗಳು ತೇವಗೊಂಡವು. ಈ ಸಾಧನೆ ಹೆಮ್ಮೆಯ ಭಾವ ಮೂಡಿಸಿದೆ.</p>.<p><strong>-ಅಹ್ಮದ್ ಹಫ್ನಾವುಯಿ, ಟ್ಯುನಿಷಿಯಾದ ಈಜುಪಟು</strong></p>.<p><strong>***</strong></p>.<p>ಅಹ್ಮದ್ ಅವರು ಅದ್ಭುತ ರೀತಿಯಲ್ಲಿ ಈಜಿದರು. ಒಲಿಂಪಿಕ್ಸ್ನಲ್ಲಿ ಯಾರು ಬೇಕಾದರೂ ಪದಕ ಗೆಲ್ಲಬಹುದು ಎಂಬುದನ್ನು ಅವರು ನಿರೂಪಿಸಿದ್ದಾರೆ.<strong> </strong></p>.<p><strong>- ಮೈಕಲ್ ಫೆಲ್ಪ್ಸ್, ಅಮೆರಿಕದ ಹಿರಿಯ ಈಜುಪಟು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ:</strong> ಒಲಿಂಪಿಕ್ಸ್ ಈಜುಕೊಳದಲ್ಲಿ ಭಾನುವಾರ ಅಚ್ಚರಿಯ ಫಲಿತಾಂಶ ಹೊರಬಿದ್ದಿತು.</p>.<p>ಟ್ಯುನಿಷಿಯಾದ ಚಿಗುರು ಮೀಸೆಯ ಹುಡುಗ ಅಹ್ಮದ್ ಹಫ್ನಾವುಯಿ 400 ಮೀಟರ್ಸ್ ಫ್ರೀಸ್ಟೈಲ್ನಲ್ಲಿ ಚಿನ್ನದ ಪದಕ ಜಯಿಸಿ ಬೆರಗು ಮೂಡಿಸಿದರು.</p>.<p>ಹಿಂದಿನ ಒಲಿಂಪಿಕ್ಸ್ಗಳಲ್ಲಿ ಅಮೆರಿಕದವರೇ ಪ್ರಾಬಲ್ಯ ಮೆರೆದಿದ್ದರು. ಹೀಗಾಗಿ ಎಲ್ಲರ ಕಣ್ಣುಗಳೂ ಈ ದೇಶದ ಈಜುಪಟುಗಳ ಮೇಲೆಯೇ ನೆಟ್ಟಿದ್ದವು. ಎಂಟು ಲ್ಯಾಪ್ಗಳ ರೇಸ್ನಲ್ಲಿ ತನಗಿಂತಲೂ ಹಿರಿಯ ಹಾಗೂ ಅನುಭವಿ ಈಜುಪಟುಗಳನ್ನು ಹಿಂದಿಕ್ಕಿದ 18 ವರ್ಷದ ಅಹ್ಮದ್ ಖುಷಿಯಿಂದ ಹಿಗ್ಗಿದರು.</p>.<p>ಈಜುಕೊಳಕ್ಕೆ ಧುಮುಕಿದ ಕ್ಷಣದಿಂದಲೇ ವೇಗವಾಗಿ ನೀರನ್ನು ಸೀಳಿಕೊಂಡು ಮುಂದೆ ಸಾಗಿದ ಅವರು 3 ನಿಮಿಷ 43.36 ಸೆಕೆಂಡುಗಳಲ್ಲಿ ಗುರಿ ಕ್ರಮಿಸಿದರು.</p>.<p>ಆಸ್ಟ್ರೇಲಿಯಾದ ಜಾಕ್ ಮೆಕ್ಲಾಹ್ಲಿನ್ ಈ ವಿಭಾಗದ ಬೆಳ್ಳಿಯ ಪದಕ ಪಡೆದರು. ಅವರು ನಿಗದಿತ ಗುರಿ ಮುಟ್ಟಲು 3 ನಿಮಿಷ 43.52 ಸೆಕೆಂಡು ತೆಗೆದುಕೊಂಡರು. ಅಮೆರಿಕದ ಕೀರನ್ ಸ್ಮಿತ್ (3:43.94) ಕಂಚಿನ ಪದಕಕ್ಕೆ ತೃಪ್ತರಾದರು.</p>.<p>‘ನೀರಿಗೆ ಧುಮುಕಿದ ಕೂಡಲೇ ಪದಕದ ಬಗ್ಗೆಯೇ ಯೋಚಿಸುತ್ತಿದೆ. ಸಮಯದ ಬಗ್ಗೆ ತಲೆಕೆಡಿಸಿಕೊಳ್ಳಲೇ ಇಲ್ಲ’ ಎಂದು ಅಹ್ಮದ್ ಪ್ರತಿಕ್ರಿಯಿಸಿದರು.</p>.<p>ಅಹ್ಮದ್, ಅವಸ್ ಮೆಲೌಲಿ ನಂತರ ಒಲಿಂಪಿಕ್ಸ್ ಈಜು ಸ್ಪರ್ಧೆಯಲ್ಲಿ ಚಿನ್ನ ಜಯಿಸಿದ ಟ್ಯುನಿಷಿಯಾದ ಕ್ರೀಡಾಪಟು ಎಂಬ ಹಿರಿಮೆ ತಮ್ಮದಾಗಿಸಿಕೊಂಡರು. 37 ವರ್ಷದ ಮೆಲೌಲಿ, 2008ರ ಬೀಜಿಂಗ್ ಒಲಿಂಪಿಕ್ಸ್ನ 1,500 ಮೀಟರ್ಸ್ ಸ್ಪರ್ಧೆಯಲ್ಲಿ ಚಿನ್ನಕ್ಕೆ ಮುತ್ತಿಟ್ಟಿದ್ದರು.</p>.<p><strong>ಚೇಸ್ಗೆ ಚಿನ್ನ:</strong> ಪುರುಷರ 400 ಮೀಟರ್ಸ್ ವೈಯಕ್ತಿಕ ಮೆಡ್ಲೆಯಲ್ಲಿ ಅಮೆರಿಕದ ಚೇಸ್ ಕಲಿಸ್ ಚಿನ್ನ ಜಯಿಸಿದರು. ಅವರು 4 ನಿಮಿಷ 09.42 ಸೆಕೆಂಡುಗಳಲ್ಲಿ ಗುರಿ ಕ್ರಮಿಸಿದರು. ಅಮೆರಿಕದವರೇ ಆದ ಜೇ ಲಿದರ್ಲ್ಯಾಂಡ್ (4:10.28) ಮತ್ತು ಆಸ್ಟ್ರೇಲಿಯಾದ ಬ್ರೆಂಡನ್ ಸ್ಮಿತ್ (4:10.38) ಕ್ರಮವಾಗಿ ಬೆಳ್ಳಿ ಮತ್ತು ಕಂಚು ಪಡೆದರು.</p>.<p>ಮಹಿಳೆಯರ 400 ಮೀಟರ್ಸ್ ವೈಯಕ್ತಿಕ ಮೆಡ್ಲೆ ಸ್ಪರ್ಧೆಯಲ್ಲಿ ಜಪಾನ್ನ ಯೂಹಿ ಒಹಾಶಿ (4:32.08) ಚಿನ್ನದ ಪದಕ ಗೆದ್ದರು. ಅಮೆರಿಕದ ಎಮಾ ಯೆಮಂಟ್ (4:32.76) ಬೆಳ್ಳಿ ಮತ್ತು ಹ್ಯಾಲಿ ಫ್ಲಿಂಕಿಂಗರ್ (4:34.90) ಕಂಚು ಜಯಿಸಿದರು.</p>.<p>ಮಹಿಳೆಯರ 4X100 ಮೀ. ಫ್ರೀಸ್ಟೈಲ್ ರಿಲೆ ಸ್ಪರ್ಧೆಯ ಚಿನ್ನ ಆಸ್ಟ್ರೇಲಿಯಾದ ಪಾಲಾಯಿತು. ಈ ತಂಡ 3 ನಿಮಿಷ 29.69 ಸೆಕೆಂಡುಗಳಲ್ಲಿ ಗುರಿ ತಲುಪಿ ವಿಶ್ವ ದಾಖಲೆ ನಿರ್ಮಿಸಿತು. ಕೆನಡಾ (3:32.78) ಮತ್ತು ಅಮೆರಿಕ (3:32.81) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕಗಳನ್ನು ಪಡೆದವು.</p>.<p><strong>ಮಾನಾ, ಶ್ರೀಹರಿಗೆ ನಿರಾಸೆ</strong></p>.<p>ಭಾರತದ ಈಜುಪಟುಗಳಾದ ಶ್ರೀಹರಿ ನಟರಾಜನ್ ಹಾಗೂ ಮಾನಾ ಪಟೇಲ್ ಸೆಮಿಫೈನಲ್ ಪ್ರವೇಶಿಸಲು ವಿಫಲರಾದರು. 100 ಮೀಟರ್ಸ್ ಬ್ಯಾಕ್ಸ್ಟ್ರೋಕ್ನ ಹೀಟ್ಸ್ನಲ್ಲಿ ಶ್ರೀಹರಿ ಆರನೇ ಸ್ಥಾನ (54.31ಸೆ) ಪಡೆದರು. ಒಟ್ಟಾರೆ ಅವರು 27ನೇಯವರಾದರು. ಈ ವಿಭಾಗದಲ್ಲಿ ಒಟ್ಟು 40 ಈಜುಪಟುಗಳು ಪಾಲ್ಗೊಂಡಿದ್ದರು. ಮಾನಾ 1 ನಿಮಿಷ 05.20 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ಅವರು ಒಟ್ಟಾರೆ 39ನೇಯವರಾಗಿ ಸ್ಪರ್ಧೆ ಕೊನೆಗೊಳಿಸಿದರು.</p>.<p>***</p>.<p>ಪದಕವನ್ನು ಟ್ಯುನಿಷಿಯಾದ ಜನರಿಗೆ ಅರ್ಪಿಸುತ್ತೇನೆ. ವಿಜಯ ವೇದಿಕೆಯಲ್ಲಿ ರಾಷ್ಟ್ರಗೀತೆ ಮೊಳಗಿದ ವೇಳೆ ಖುಷಿಯಿಂದ ಕಣ್ಣುಗಳು ತೇವಗೊಂಡವು. ಈ ಸಾಧನೆ ಹೆಮ್ಮೆಯ ಭಾವ ಮೂಡಿಸಿದೆ.</p>.<p><strong>-ಅಹ್ಮದ್ ಹಫ್ನಾವುಯಿ, ಟ್ಯುನಿಷಿಯಾದ ಈಜುಪಟು</strong></p>.<p><strong>***</strong></p>.<p>ಅಹ್ಮದ್ ಅವರು ಅದ್ಭುತ ರೀತಿಯಲ್ಲಿ ಈಜಿದರು. ಒಲಿಂಪಿಕ್ಸ್ನಲ್ಲಿ ಯಾರು ಬೇಕಾದರೂ ಪದಕ ಗೆಲ್ಲಬಹುದು ಎಂಬುದನ್ನು ಅವರು ನಿರೂಪಿಸಿದ್ದಾರೆ.<strong> </strong></p>.<p><strong>- ಮೈಕಲ್ ಫೆಲ್ಪ್ಸ್, ಅಮೆರಿಕದ ಹಿರಿಯ ಈಜುಪಟು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
