ಸ್ವಿಸ್‌ ಓಪನ್‌ | ಸಿಂಧುಗೆ ಸೋಲು, ಕ್ವಾರ್ಟರ್‌ಗೆ ಸಾತ್ವಿಕ್‌–ಚಿರಾಗ್
ಬಾಸೆಲ್‌ : ಭಾರತದ ಸಾತ್ವಿಕ್‌ಸಾಯಿರಾಜ್‌ ರಣಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಜೋಡಿ ಸ್ವಿಸ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯ ಕ್ವಾರ್ಟರ್ ಫೈನಲ್‌ ಪ್ರವೇಶಿಸಿತು. ಆದರೆ ಇಲ್ಲಿ ಸತತ ಎರಡನೇ ಪ್ರಶಸ್ತಿ ಗೆಲ್ಲಬೇಕೆಂಬ ಪಿ.ವಿ.ಸಿಂಧು ಅವರ ಕನಸು ಭಗ್ನಗೊಂಡಿತು.
ಗುರುವಾರ ರಾತ್ರಿ ನಡೆದ ಪುರುಷರ ಡಬಲ್ಸ್‌ ವಿಭಾಗದ ಪ್ರೀಕ್ವಾರ್ಟರ್‌ ಫೈನಲ್‌ನಲ್ಲಿ ಸಾತ್ವಿಕ್‌– ಚಿರಾಗ್ ಜೋಡಿ 21–21, 21–17, 28–26 ರಲ್ಲಿ ತೈವಾನ್‌ನ ಫಾಂಗ್‌ ಚಿ ಲೀ– ಫಾಂಗ್‌ ಜೆನ್‌ ಲೀ ಅವರನ್ನು ಪ್ರಯಾಸದಿಂದ ಮಣಿಸಿತು.
ಸಿಂಧುಗೆ ನಿರಾಸೆ: ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಪ್ರಶಸ್ತಿಯನ್ನು ತಮ್ಮಲ್ಲೇ ಉಳಿಸಿಕೊಳ್ಳಬೇಕೆಂಬ ಭಾರತದ ಅನುಭವಿ ಆಟಗಾರ್ತಿ ಸಿಂಧು ಅವರ ಆಸೆ ಕೈಗೂಡಲಿಲ್ಲ.
ಪ್ರೀಕ್ವಾರ್ಟರ್‌ ಫೈನಲ್‌ನಲ್ಲಿ ಸಿಂಧು 15-21, 21-12, 18-21 ರಲ್ಲಿ ಇಂಡೊನೇಷ್ಯಾದ ಪುತ್ರಿ ಕುಸುಮಾ ವರ್ದನಿ ಕೈಯಲ್ಲಿ ಆಘಾತ ಅನುಭವಿಸಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.