ಬೆಂಗಳೂರು: ಕರ್ನಾಟಕದ ಯಶಸ್ವಿನಿ ಘೋರ್ಪಡೆ ಅವರು ಟ್ಯೂನಿಷಿಯಾದ ಟ್ಯುನಿಸ್ನಲ್ಲಿ ನಡೆದ ಯೂತ್ ಕಂಟೆಂಡರ್ ಟೇಬಲ್ ಟೆನಿಸ್ ಟೂರ್ನಿಯಲ್ಲಿ 17 ವರ್ಷದೊಳಗಿನವರ ವಿಭಾಗದಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ.
ಮಂಗಳವಾರ ನಡೆದ ಟೂರ್ನಿಯ ಫೈನಲ್ ಹಣಾಹಣಿಯಲ್ಲಿ ಅವರು 11–6, 14–12, 11–7ರಿಂದ ಈಜಿಪ್ಟ್ನ ಫರೀದಾ ಬಾದವಿ ಅವರನ್ನು ಮಣಿಸಿದರು.
ಸೆಮಿಫೈನಲ್ನ ಜಿದ್ದಾಜಿದ್ದಿ ಪೈಪೋಟಿಯಲ್ಲಿ ಭಾರತದವರೇ ಆದ ಲಕ್ಷಿತಾ ನಾರಂಗ್ ಎದುರು 8-11, 11-4, 11-6, 13-11ರಿಂದ ಯಶಸ್ವಿನಿ ಅವರು ಜಯ ಸಾಧಿಸಿದರು.
