ಟೆನಿಸ್‌: ಸೋಹಾ, ಆಕಾಂಕ್ಷಾ ಜೋಡಿಗೆ ಪ್ರಶಸ್ತಿ

ರಾಜ್ಯ ಟೆನಿಸ್ ಸಂಸ್ಥೆ ಆಯೋಜಿಸಿರುವ ಟೂರ್ನಿಯಲ್ಲಿ ಶುಕ್ರವಾರ ನಡೆದ ಫೈನಲ್‌ ಪಂದ್ಯದಲ್ಲಿ ಅಗ್ರ ಶ್ರೇಯಾಂಕದ ಜೋಡಿ ತಮಿಳುನಾಡಿನ ಸಂಹಿತಾ ಸಾಯಿ ಮತ್ತು ಅವಂತಿಕಾ ಸಾಯಿ ಅವರನ್ನು 6-0, 6-2ರಲ್ಲಿ ಸೋಹಾ–ಆಕಾಂಕ್ಷಾ ಮಣಿಸಿದರು.

ಶನಿವಾರ ನಡೆಯಲಿರುವ ಸಿಂಗಲ್ಸ್‌ನಲ್ಲಿ ಸೋಹಾ ಮತ್ತು ಆಕಾಂಕ್ಷಾ ಪ್ರಶಸ್ತಿಗಾಗಿ ಪರಸ್ಪರ ಸೆಣಸುವರು. ಪಡುಕೋಣೆ–ದ್ರಾವಿಡ್ ಸೆಂಟರ್ ಫಾರ್ ಸ್ಪೋರ್ಟ್ಸ್ ಎಕ್ಸಲೆನ್ಸ್‌ ಆವರಣದಲ್ಲಿ ನಡೆದ ಸೆಮಿಫೈನಲ್‌ನಲ್ಲಿ ಹಾಲಿ ಚಾಂಪಿಯನ್ ಮತ್ತು ಅಗ್ರ ಶ್ರೇಯಾಂಕದ ಸೋಹಾ ನಾಲ್ಕನೇ ಶ್ರೇಯಾಂಕದ ಆಟಗಾರ್ತಿ ಮಹಾರಾಷ್ಟ್ರದ ಪೂಜಾ ಇಂಗಳೆ ವಿರುದ್ಧ7-6, 6-2ರಲ್ಲಿ ಜಯ ಗಳಿಸಿದರು.

ಸಂಹಿತಾ ಸಾಯಿ ವಿರುದ್ಧ ನಡೆದ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಆಕಾಂಕ್ಷಾ 6-0, 6-2ರಲ್ಲಿ ಗೆಲುವು ಸಾಧಿಸಿದರು.