<p><strong>ಮೆಲ್ಬರ್ನ್: </strong>ವಯಸ್ಸಿನ ಹಂಗು ತೊರೆದು ಎದುರಾಳಿಗೆ ಕಠಿಣ ಸವಾಲೊಡ್ಡಿದ ಅಮೆರಿಕದ ವೀನಸ್ ವಿಲಿಯಮ್ಸ್ ಈ ವರ್ಷದ ಮೊದಲ ಪಂದ್ಯದಲ್ಲಿ ಶುಭಾರಂಭ ಮಾಡಿದ್ದಾರೆ. ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಗೆ ಒಂದು ವಾರ ಬಾಕಿ ಇರುವಾಗ ಇಲ್ಲಿ ಭಾನುವಾರ ನಡೆದ ಯರಾ ವ್ಯಾಲಿ ಕ್ಲಾಸಿಕ್ ಟೂರ್ನಿಯ ಪಂದ್ಯದಲ್ಲಿ ಅವರು ಅರಾಂಕ್ಸ ರೂಸ್ ವಿರುದ್ಧ 6–1, 6–3ರಲ್ಲಿ ಜಯ ಗಳಿಸಿದರು.</p>.<p>ಭಾನುವಾರ ನಡೆದ ಇತರ ಟೂರ್ನಿಗಳಲ್ಲಿ ಲ್ಯಾಟ್ವಿಯಾದ ಜೆಲೆನಾ ಓಸ್ತಪೆಂಕೊ ಮತ್ತು ಫ್ರಾನ್ಸ್ನ ಕರೊಲಿನಾ ಗಾರ್ಸಿಯಾ ಕೂಡ ವರ್ಷದ ಮೊದಲ ಗೆಲುವು ಸಾಧಿಸಿದರು.</p>.<p>14 ದಿನ ಕ್ವಾರಂಟೈನ್ನಲ್ಲಿ ಕಳೆದು ಬಂದಿದ್ದ 40 ವರ್ಷದ ವೀನಸ್ ಅವರು ನೆದರ್ಲೆಂಡ್ ಆಟಗಾರ್ತಿಯ ಎದುರು ಆರಂಭದಲ್ಲಿ ಕೊಂಚ ಹಿನ್ನಡೆ ಅನುಭವಿಸಿದರು. ಆದರೆ ಆಟಕ್ಕೆ ಕುದುರಿಕೊಂಡ ನಂತರ ಸುಲಭವಾಗಿ ಪಾಯಿಂಟ್ಗಳನ್ನು ಕಲೆ ಹಾಕಿ ಗೆಲುವು ಸಾಧಿಸಿದರು. ಮೆಲ್ಬರ್ನ್ ಪಾರ್ಕ್ನಲ್ಲಿ ನಡೆದ ಈ ಪಂದ್ಯ 65 ನಿಮಿಷಗಳಲ್ಲಿ ಮುಕ್ತಾಯಗೊಂಡಿತು.</p>.<p>ಫ್ರೆಂಚ್ ಓಪನ್ ಟೂರ್ನಿಯ 2017ರ ಆವೃತ್ತಿಯಲ್ಲಿ ಪ್ರಶಸ್ತಿ ಗೆದ್ದಿರುವ ಜೆಲೆನಾ ಓಸ್ತಪೆಂಕೊ ಗಿಪ್ಸ್ ಲ್ಯಾಂಡ್ ಟ್ರೋಫಿಯ ಪಂದ್ಯದಲ್ಲಿ 4–6, 6–3, 6–1ರಲ್ಲಿ ಸಾರಾ ಎರಾನಿ ಅವರನ್ನು ಮಣಿಸಿದರು. ವಿಶ್ವ ಕ್ರಮಾಂಕದಲ್ಲಿ ಈ ಹಿಂದೆ ನಾಲ್ಕನೇ ಸ್ಥಾನದಲ್ಲಿದ್ದ ಕರೊಲಿನಾ ಗಾರ್ಸಿಯಾ 6–3, 6–4ರಲ್ಲಿ ಆಸ್ಟ್ರೇಲಿಯಾದ ಅರಿನಾ ರೊಡಿಯೊನೊವಾ ವಿರುದ್ಧ ಜಯ ಗಳಿಸಿದರು. ಅರಿನಾ, ವೈಲ್ಡ್ ಕಾರ್ಡ್ ಮೂಲಕ ಟೂರ್ನಿಗೆ ಪ್ರವೇಶ ಪಡೆದಿದ್ದರು.</p>.<p>ಡ್ಯಾನಿಯೆಲಿ ಕೊಲಿನ್ಸ್ 75 ನಿಮಿಷಗಳಲ್ಲಿ 6–3, 6–3ರಲ್ಲಿ ಬೆಲ್ಜಿಯಂನ ಸಲೀನ್ ಬೊನವೆಂಚರ್ ವಿರುದ್ಧ ಗೆಲುವು ಸಾಧಿಸಿದರು. ಅಮೆರಿಕದ ಶೆಲ್ಲಿ ರೋಜರ್ಸ್ 6–2, 7–5ರಲ್ಲಿ ಫಿಯೊನಾ ಫೆರೊ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್: </strong>ವಯಸ್ಸಿನ ಹಂಗು ತೊರೆದು ಎದುರಾಳಿಗೆ ಕಠಿಣ ಸವಾಲೊಡ್ಡಿದ ಅಮೆರಿಕದ ವೀನಸ್ ವಿಲಿಯಮ್ಸ್ ಈ ವರ್ಷದ ಮೊದಲ ಪಂದ್ಯದಲ್ಲಿ ಶುಭಾರಂಭ ಮಾಡಿದ್ದಾರೆ. ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಗೆ ಒಂದು ವಾರ ಬಾಕಿ ಇರುವಾಗ ಇಲ್ಲಿ ಭಾನುವಾರ ನಡೆದ ಯರಾ ವ್ಯಾಲಿ ಕ್ಲಾಸಿಕ್ ಟೂರ್ನಿಯ ಪಂದ್ಯದಲ್ಲಿ ಅವರು ಅರಾಂಕ್ಸ ರೂಸ್ ವಿರುದ್ಧ 6–1, 6–3ರಲ್ಲಿ ಜಯ ಗಳಿಸಿದರು.</p>.<p>ಭಾನುವಾರ ನಡೆದ ಇತರ ಟೂರ್ನಿಗಳಲ್ಲಿ ಲ್ಯಾಟ್ವಿಯಾದ ಜೆಲೆನಾ ಓಸ್ತಪೆಂಕೊ ಮತ್ತು ಫ್ರಾನ್ಸ್ನ ಕರೊಲಿನಾ ಗಾರ್ಸಿಯಾ ಕೂಡ ವರ್ಷದ ಮೊದಲ ಗೆಲುವು ಸಾಧಿಸಿದರು.</p>.<p>14 ದಿನ ಕ್ವಾರಂಟೈನ್ನಲ್ಲಿ ಕಳೆದು ಬಂದಿದ್ದ 40 ವರ್ಷದ ವೀನಸ್ ಅವರು ನೆದರ್ಲೆಂಡ್ ಆಟಗಾರ್ತಿಯ ಎದುರು ಆರಂಭದಲ್ಲಿ ಕೊಂಚ ಹಿನ್ನಡೆ ಅನುಭವಿಸಿದರು. ಆದರೆ ಆಟಕ್ಕೆ ಕುದುರಿಕೊಂಡ ನಂತರ ಸುಲಭವಾಗಿ ಪಾಯಿಂಟ್ಗಳನ್ನು ಕಲೆ ಹಾಕಿ ಗೆಲುವು ಸಾಧಿಸಿದರು. ಮೆಲ್ಬರ್ನ್ ಪಾರ್ಕ್ನಲ್ಲಿ ನಡೆದ ಈ ಪಂದ್ಯ 65 ನಿಮಿಷಗಳಲ್ಲಿ ಮುಕ್ತಾಯಗೊಂಡಿತು.</p>.<p>ಫ್ರೆಂಚ್ ಓಪನ್ ಟೂರ್ನಿಯ 2017ರ ಆವೃತ್ತಿಯಲ್ಲಿ ಪ್ರಶಸ್ತಿ ಗೆದ್ದಿರುವ ಜೆಲೆನಾ ಓಸ್ತಪೆಂಕೊ ಗಿಪ್ಸ್ ಲ್ಯಾಂಡ್ ಟ್ರೋಫಿಯ ಪಂದ್ಯದಲ್ಲಿ 4–6, 6–3, 6–1ರಲ್ಲಿ ಸಾರಾ ಎರಾನಿ ಅವರನ್ನು ಮಣಿಸಿದರು. ವಿಶ್ವ ಕ್ರಮಾಂಕದಲ್ಲಿ ಈ ಹಿಂದೆ ನಾಲ್ಕನೇ ಸ್ಥಾನದಲ್ಲಿದ್ದ ಕರೊಲಿನಾ ಗಾರ್ಸಿಯಾ 6–3, 6–4ರಲ್ಲಿ ಆಸ್ಟ್ರೇಲಿಯಾದ ಅರಿನಾ ರೊಡಿಯೊನೊವಾ ವಿರುದ್ಧ ಜಯ ಗಳಿಸಿದರು. ಅರಿನಾ, ವೈಲ್ಡ್ ಕಾರ್ಡ್ ಮೂಲಕ ಟೂರ್ನಿಗೆ ಪ್ರವೇಶ ಪಡೆದಿದ್ದರು.</p>.<p>ಡ್ಯಾನಿಯೆಲಿ ಕೊಲಿನ್ಸ್ 75 ನಿಮಿಷಗಳಲ್ಲಿ 6–3, 6–3ರಲ್ಲಿ ಬೆಲ್ಜಿಯಂನ ಸಲೀನ್ ಬೊನವೆಂಚರ್ ವಿರುದ್ಧ ಗೆಲುವು ಸಾಧಿಸಿದರು. ಅಮೆರಿಕದ ಶೆಲ್ಲಿ ರೋಜರ್ಸ್ 6–2, 7–5ರಲ್ಲಿ ಫಿಯೊನಾ ಫೆರೊ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
