<p><strong>ಬ್ರಿಜ್ಟೌನ್, ಬಾರ್ಬಡಸ್ (ಎಎಫ್ಪಿ): </strong>ಇಂಗ್ಲೆಂಡ್ ತಂಡದವರು ಇಲ್ಲಿ ನಡೆದ ಟ್ವೆಂಟಿ–20 ಕ್ರಿಕೆಟ್ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯ ದಲ್ಲಿ ವೆಸ್ಟ್ಇಂಡೀಸ್ ತಂಡವನ್ನು ಐದು ರನ್ಗಳಿಂದ ಮಣಿಸಿದರು. ಆದರೆ ಮೊದಲೆರಡು ಪಂದ್ಯ ಜಯಿಸಿದ್ದ ವಿಂಡೀಸ್ 2–1ರಲ್ಲಿ ಸರಣಿ ಗೆದ್ದುಕೊಂಡಿತು.<br /> <br /> ಕೆನ್ಸಿಂಗ್ಟನ್ ಓವಲ್ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಇಂಗ್ಲೆಂಡ್ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಆತಿಥೇಯ ವಿಂಡೀಸ್ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 160 ರನ್ ಪೇರಿಸಿತು.<br /> <br /> <strong>ಮಿಂಚಿದ ಲಂಬ್:</strong> ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ಮುಂದಾದ ಇಂಗ್ಲೆಂಡ್ಗೆ ಉತ್ತಮ ಆರಂಭ ದೊರೆಯಿತು. ಈ ತಂಡದ ಮೈಕಲ್ ಲಂಬ್ ಕೇವಲ 40 ಎಸೆತಗಳಲ್ಲಿ 63 ರನ್ ಗಳಿಸಿದರು. ಅದರಲ್ಲಿ 9 ಬೌಂಡರಿ ಹಾಗೂ 2 ಸಿಕ್ಸರ್ಗಳಿದ್ದವು.<br /> <br /> ಮೊದಲ ವಿಕೆಟ್ಗೆ ಲಂಬ್ ಹಾಗೂ ಅಲೆಕ್ಸ್ ಹೇಲ್ಸ್ 65 ಎಸೆತಗಳಲ್ಲಿ 98 ರನ್ ಸೇರಿಸಿದರು. ಸವಾಲಿನ ಗುರಿ ಎದುರು ವಿಂಡೀಸ್ ಆರಂಭದಲ್ಲಿ ಆಘಾತ ಎದುರಿಸಿತು. ಲೆಂಡ್ಲ್ ಸಿಮನ್ಸ್ (69; 55 ಎ.) ತಂಡದ ಗೆಲುವಿಗಾಗಿ ಪ್ರಯತ್ನಿಸಿದರು. ಆದರೆ ಇತರ ಬ್ಯಾಟ್ಸ್ಮನ್ಗಳಿ ವಿಫಲರಾದರು.<br /> <br /> <strong>ಸಂಕ್ಷಿಪ್ತ ಸ್ಕೋರ್: ಇಂಗ್ಲೆಂಡ್: </strong>20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 165 (ಮೈಕೆಲ್ ಲಂಬ್ 63, ಅಲೆಕ್ಸ್ ಹೇಲ್ಸ್ 38, ಕ್ರಿಸ್ ಜೋರ್ಡಾನ್ ಔಟಾಗದೆ 25; ಕ್ರಿಶ್ಮಾರ್ ಸ್ಯಾಂಟೋಕಿ 27ಕ್ಕೆ2, ಶೆಲ್ಡೋನ್ ಕಾಟ್ರೆಲ್ 37ಕ್ಕೆ2);<br /> <strong>ವೆಸ್ಟ್ಇಂಡೀಸ್: </strong>20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 160 (ಲೆಂಡ್ಲ್ ಸಿಮನ್ಸ್ 69, ದಿನೇಶ್ ರಾಮ್ದಿನ್ 33; ಕ್ರಿಸ್ ಜೋರ್ಡಾನ್ 39ಕ್ಕೆ3, ರವಿ ಬೋಪಾರ 28ಕ್ಕೆ2); ಫಲಿತಾಂಶ: ಇಂಗ್ಲೆಂಡ್ಗೆ 5 ರನ್ ಗೆಲುವು. ಸರಣಿ 2–1ರಲ್ಲಿ ವಿಂಡೀಸ್ ಪಾಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ರಿಜ್ಟೌನ್, ಬಾರ್ಬಡಸ್ (ಎಎಫ್ಪಿ): </strong>ಇಂಗ್ಲೆಂಡ್ ತಂಡದವರು ಇಲ್ಲಿ ನಡೆದ ಟ್ವೆಂಟಿ–20 ಕ್ರಿಕೆಟ್ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯ ದಲ್ಲಿ ವೆಸ್ಟ್ಇಂಡೀಸ್ ತಂಡವನ್ನು ಐದು ರನ್ಗಳಿಂದ ಮಣಿಸಿದರು. ಆದರೆ ಮೊದಲೆರಡು ಪಂದ್ಯ ಜಯಿಸಿದ್ದ ವಿಂಡೀಸ್ 2–1ರಲ್ಲಿ ಸರಣಿ ಗೆದ್ದುಕೊಂಡಿತು.<br /> <br /> ಕೆನ್ಸಿಂಗ್ಟನ್ ಓವಲ್ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಇಂಗ್ಲೆಂಡ್ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಆತಿಥೇಯ ವಿಂಡೀಸ್ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 160 ರನ್ ಪೇರಿಸಿತು.<br /> <br /> <strong>ಮಿಂಚಿದ ಲಂಬ್:</strong> ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ಮುಂದಾದ ಇಂಗ್ಲೆಂಡ್ಗೆ ಉತ್ತಮ ಆರಂಭ ದೊರೆಯಿತು. ಈ ತಂಡದ ಮೈಕಲ್ ಲಂಬ್ ಕೇವಲ 40 ಎಸೆತಗಳಲ್ಲಿ 63 ರನ್ ಗಳಿಸಿದರು. ಅದರಲ್ಲಿ 9 ಬೌಂಡರಿ ಹಾಗೂ 2 ಸಿಕ್ಸರ್ಗಳಿದ್ದವು.<br /> <br /> ಮೊದಲ ವಿಕೆಟ್ಗೆ ಲಂಬ್ ಹಾಗೂ ಅಲೆಕ್ಸ್ ಹೇಲ್ಸ್ 65 ಎಸೆತಗಳಲ್ಲಿ 98 ರನ್ ಸೇರಿಸಿದರು. ಸವಾಲಿನ ಗುರಿ ಎದುರು ವಿಂಡೀಸ್ ಆರಂಭದಲ್ಲಿ ಆಘಾತ ಎದುರಿಸಿತು. ಲೆಂಡ್ಲ್ ಸಿಮನ್ಸ್ (69; 55 ಎ.) ತಂಡದ ಗೆಲುವಿಗಾಗಿ ಪ್ರಯತ್ನಿಸಿದರು. ಆದರೆ ಇತರ ಬ್ಯಾಟ್ಸ್ಮನ್ಗಳಿ ವಿಫಲರಾದರು.<br /> <br /> <strong>ಸಂಕ್ಷಿಪ್ತ ಸ್ಕೋರ್: ಇಂಗ್ಲೆಂಡ್: </strong>20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 165 (ಮೈಕೆಲ್ ಲಂಬ್ 63, ಅಲೆಕ್ಸ್ ಹೇಲ್ಸ್ 38, ಕ್ರಿಸ್ ಜೋರ್ಡಾನ್ ಔಟಾಗದೆ 25; ಕ್ರಿಶ್ಮಾರ್ ಸ್ಯಾಂಟೋಕಿ 27ಕ್ಕೆ2, ಶೆಲ್ಡೋನ್ ಕಾಟ್ರೆಲ್ 37ಕ್ಕೆ2);<br /> <strong>ವೆಸ್ಟ್ಇಂಡೀಸ್: </strong>20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 160 (ಲೆಂಡ್ಲ್ ಸಿಮನ್ಸ್ 69, ದಿನೇಶ್ ರಾಮ್ದಿನ್ 33; ಕ್ರಿಸ್ ಜೋರ್ಡಾನ್ 39ಕ್ಕೆ3, ರವಿ ಬೋಪಾರ 28ಕ್ಕೆ2); ಫಲಿತಾಂಶ: ಇಂಗ್ಲೆಂಡ್ಗೆ 5 ರನ್ ಗೆಲುವು. ಸರಣಿ 2–1ರಲ್ಲಿ ವಿಂಡೀಸ್ ಪಾಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
