<p><strong>ಬೆಂಗಳೂರು:</strong> ‘ಜಗತ್ತಿನ ರಕ್ಷಕ ಎಂದು ಕರೆಸಿಕೊಳ್ಳುವ ಪಾದ್ರಿಯ ಮೇಲೆ ಲೈಂಗಿಕ ಕಿರುಕುಳದ ಆರೋಪ ಮಾಡಿದರೆ ನನ್ನನ್ನು ಯಾರು ನಂಬುತ್ತಾರೆ’ ಹೀಗೆ ಪ್ರಶ್ನಿಸಿದ್ದು ಕೇರಳದ ಸಿಸ್ಟರ್ ಜೆಸ್ಮಿ. ಬದುಕಿನಲ್ಲಿ ತಮಗಾದ ಅನುಭವವನ್ನು ಅವರು ‘ಮೀ–ಟೂ’ ಚರ್ಚೆಯ ಸಂದರ್ಭದಲ್ಲಿ ಹಂಚಿಕೊಂಡರು.</p>.<p>‘ನಾನು ಕೆಲಸಕ್ಕೆ ಸೇರಿ ಒಂದೆರಡು ವರ್ಷಗಳು ಎಲ್ಲವೂ ಚೆನ್ನಾಗಿದೆ ಅನ್ನಿಸಿತು. ಶಿಕ್ಷಣ ಸಂಸ್ಥೆಯಲ್ಲಿ ಎಷ್ಟೊಂದು ಪವಿತ್ರವಾದ ವಾತಾವರಣ ಇದೆ ಎಂದು ಭಾಸವಾಗಿತ್ತು. ಆದರೆ ಕೆಲವೇ ವರ್ಷ<br />ಗಳಲ್ಲಿ ಪಾದ್ರಿಯೊಬ್ಬರ ನಡವಳಿಕೆ ನನ್ನಲ್ಲಿ ಆತಂಕ ಉಂಟುಮಾಡಿತು. ಬಟ್ಟೆ ಇಲ್ಲದೆ ನನ್ನನ್ನು ನೋಡುವ ಅಭಿಲಾಷೆಯನ್ನು ಅವರು ವ್ಯಕ್ತಪಡಿಸಿದ್ದರು. ಹಲವು ವರ್ಷ ಅವರ ಮಾತುಗಳನ್ನು ಸಹಿಸಿಕೊಂಡ ಮೇಲೆ ನಾನು ಅಲ್ಲಿಂದ ಹೊರಬಂದೆ’ ಎಂದು ಅವರು ಕಣ್ಣಾಲಿ ತುಂಬಿಕೊಂಡರು.</p>.<p>‘ಪಾದ್ರಿ ವಿರುದ್ಧವೇ ಆರೋಪ ಮಾಡಿದ್ದರಿಂದ ನಾನು ಸಾಕಷ್ಟು ನೋವು ಅನುಭವಿಸಬೇಕಾಯಿತು. ನಾನು ಹೋರಾಟಕ್ಕೆ ಮುಂದಾದ ಬಳಿಕ, ಇದಕ್ಕೆ ಬೆಂಬಲ ಸೂಚಿಸಿ ಜರ್ಮನಿಯಿಂದಲೂ ನನಗೆ ಇ–ಮೇಲ್ ಬಂದಿದೆ. ಸಾಮಾಜಿಕ ಜಾಲತಾಣದಲ್ಲಿ ನನ್–ಟೂ (ಧರ್ಮಭಗಿನಿಯರಿಗೂ) ಆಂದೋಲನ ಆರಂಭಿಸುವುದಾಗಿ ಅವರು ಹೇಳಿದರು’ ಎಂದು ತಿಳಿಸಿದರು.</p>.<p>ಆತ್ಮಕತೆ ‘ಅಮೆನ್’ ಮೂಲಕ ಜೆಸ್ಮಿ ಅವರು ತಮ್ಮ ಮೇಲಾದ ಲೈಂಗಿಕ ಕಿರುಕುಳವನ್ನು ಬಹಿರಂಗಪಡಿಸಿದ್ದರು. ಇದು ಮೀ–ಟೂ ಆಂದೋಲನವನ್ನು ಇನ್ನಷ್ಟು ತೀವ್ರಗೊಳಿಸಿತ್ತು.</p>.<p>‘ನನಗಿಂತ 30 ವರ್ಷ ಹಿರಿಯರಾದ ವ್ಯಕ್ತಿಯೊಬ್ಬರು ಲೈಂಗಿಕ ಕಿರುಕುಳ ನೀಡಿದರು. ಆದರೆ ಕಚೇರಿಯಲ್ಲಿ ಕೆಲವರು ನನ್ನನ್ನು ನಂಬಲಿಲ್ಲ’ ಎಂದು ಪತ್ರಕರ್ತೆ ಸಂಧ್ಯಾ ಮೆನನ್ ಹೇಳಿದರು.</p>.<p>‘ಮನೆಗೆ ಬನ್ನಿ ಎಂದು ಪದೇ ಪದೇ ಹಿಂಸೆ ಮಾಡುತ್ತಿದ್ದರೂ ಕೆಲವು ಕಾಲ ಸಹಿಸಿಕೊಳ್ಳಬೇಕಾಯಿತು’ ಎಂದು ಕಿರುತೆರೆ ಕಲಾವಿದೆ ವಿಂತಾ ನಂದಾ ಹೇಳಿಕೊಂಡರು.</p>.<p>‘ಮೀ–ಟೂ ಈಗ ‘ವೀ–ಟೂ’ ಆಗಿ ಬದಲಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಆಂದೋಲನವಾಗಿ ರೂಪುಗೊಂಡಿದೆ. ಇದರಿಂದ ಸಾಕಷ್ಟು ಮಹಿಳೆಯರಿಗೆ ಧ್ವನಿ ಸಿಕ್ಕಿದೆ’ ಎಂದು ಪತ್ರಕರ್ತೆ ಬರ್ಖಾ ದತ್ ಅಭಿಪ್ರಾಯಪಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ಜಗತ್ತಿನ ರಕ್ಷಕ ಎಂದು ಕರೆಸಿಕೊಳ್ಳುವ ಪಾದ್ರಿಯ ಮೇಲೆ ಲೈಂಗಿಕ ಕಿರುಕುಳದ ಆರೋಪ ಮಾಡಿದರೆ ನನ್ನನ್ನು ಯಾರು ನಂಬುತ್ತಾರೆ’ ಹೀಗೆ ಪ್ರಶ್ನಿಸಿದ್ದು ಕೇರಳದ ಸಿಸ್ಟರ್ ಜೆಸ್ಮಿ. ಬದುಕಿನಲ್ಲಿ ತಮಗಾದ ಅನುಭವವನ್ನು ಅವರು ‘ಮೀ–ಟೂ’ ಚರ್ಚೆಯ ಸಂದರ್ಭದಲ್ಲಿ ಹಂಚಿಕೊಂಡರು.</p>.<p>‘ನಾನು ಕೆಲಸಕ್ಕೆ ಸೇರಿ ಒಂದೆರಡು ವರ್ಷಗಳು ಎಲ್ಲವೂ ಚೆನ್ನಾಗಿದೆ ಅನ್ನಿಸಿತು. ಶಿಕ್ಷಣ ಸಂಸ್ಥೆಯಲ್ಲಿ ಎಷ್ಟೊಂದು ಪವಿತ್ರವಾದ ವಾತಾವರಣ ಇದೆ ಎಂದು ಭಾಸವಾಗಿತ್ತು. ಆದರೆ ಕೆಲವೇ ವರ್ಷ<br />ಗಳಲ್ಲಿ ಪಾದ್ರಿಯೊಬ್ಬರ ನಡವಳಿಕೆ ನನ್ನಲ್ಲಿ ಆತಂಕ ಉಂಟುಮಾಡಿತು. ಬಟ್ಟೆ ಇಲ್ಲದೆ ನನ್ನನ್ನು ನೋಡುವ ಅಭಿಲಾಷೆಯನ್ನು ಅವರು ವ್ಯಕ್ತಪಡಿಸಿದ್ದರು. ಹಲವು ವರ್ಷ ಅವರ ಮಾತುಗಳನ್ನು ಸಹಿಸಿಕೊಂಡ ಮೇಲೆ ನಾನು ಅಲ್ಲಿಂದ ಹೊರಬಂದೆ’ ಎಂದು ಅವರು ಕಣ್ಣಾಲಿ ತುಂಬಿಕೊಂಡರು.</p>.<p>‘ಪಾದ್ರಿ ವಿರುದ್ಧವೇ ಆರೋಪ ಮಾಡಿದ್ದರಿಂದ ನಾನು ಸಾಕಷ್ಟು ನೋವು ಅನುಭವಿಸಬೇಕಾಯಿತು. ನಾನು ಹೋರಾಟಕ್ಕೆ ಮುಂದಾದ ಬಳಿಕ, ಇದಕ್ಕೆ ಬೆಂಬಲ ಸೂಚಿಸಿ ಜರ್ಮನಿಯಿಂದಲೂ ನನಗೆ ಇ–ಮೇಲ್ ಬಂದಿದೆ. ಸಾಮಾಜಿಕ ಜಾಲತಾಣದಲ್ಲಿ ನನ್–ಟೂ (ಧರ್ಮಭಗಿನಿಯರಿಗೂ) ಆಂದೋಲನ ಆರಂಭಿಸುವುದಾಗಿ ಅವರು ಹೇಳಿದರು’ ಎಂದು ತಿಳಿಸಿದರು.</p>.<p>ಆತ್ಮಕತೆ ‘ಅಮೆನ್’ ಮೂಲಕ ಜೆಸ್ಮಿ ಅವರು ತಮ್ಮ ಮೇಲಾದ ಲೈಂಗಿಕ ಕಿರುಕುಳವನ್ನು ಬಹಿರಂಗಪಡಿಸಿದ್ದರು. ಇದು ಮೀ–ಟೂ ಆಂದೋಲನವನ್ನು ಇನ್ನಷ್ಟು ತೀವ್ರಗೊಳಿಸಿತ್ತು.</p>.<p>‘ನನಗಿಂತ 30 ವರ್ಷ ಹಿರಿಯರಾದ ವ್ಯಕ್ತಿಯೊಬ್ಬರು ಲೈಂಗಿಕ ಕಿರುಕುಳ ನೀಡಿದರು. ಆದರೆ ಕಚೇರಿಯಲ್ಲಿ ಕೆಲವರು ನನ್ನನ್ನು ನಂಬಲಿಲ್ಲ’ ಎಂದು ಪತ್ರಕರ್ತೆ ಸಂಧ್ಯಾ ಮೆನನ್ ಹೇಳಿದರು.</p>.<p>‘ಮನೆಗೆ ಬನ್ನಿ ಎಂದು ಪದೇ ಪದೇ ಹಿಂಸೆ ಮಾಡುತ್ತಿದ್ದರೂ ಕೆಲವು ಕಾಲ ಸಹಿಸಿಕೊಳ್ಳಬೇಕಾಯಿತು’ ಎಂದು ಕಿರುತೆರೆ ಕಲಾವಿದೆ ವಿಂತಾ ನಂದಾ ಹೇಳಿಕೊಂಡರು.</p>.<p>‘ಮೀ–ಟೂ ಈಗ ‘ವೀ–ಟೂ’ ಆಗಿ ಬದಲಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಆಂದೋಲನವಾಗಿ ರೂಪುಗೊಂಡಿದೆ. ಇದರಿಂದ ಸಾಕಷ್ಟು ಮಹಿಳೆಯರಿಗೆ ಧ್ವನಿ ಸಿಕ್ಕಿದೆ’ ಎಂದು ಪತ್ರಕರ್ತೆ ಬರ್ಖಾ ದತ್ ಅಭಿಪ್ರಾಯಪಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
