ಕೊರೊನಾ ಹರಡುವಿಕೆಗೆ ಚೀನಾ ಹೊಣೆ: ಟ್ರಂಪ್
ಅಕ್ಷರ ಗಾತ್ರ :ಆ |ಆ |ಆ
ವಾಷಿಂಗ್ಟನ್‌: ಜಾಗತಿಕವಾಗಿ 4.56 ಲಕ್ಷಕ್ಕೂ ಹೆಚ್ಚು ಜನರ ಸಾವಿಗೆ ಕಾರಣವಾಗಿರುವ ಕೊರೊನಾ ವೈರಸ್ ಹರಡಲು ಚೀನಾ ಹೊಣೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಭಿಪ್ರಾಯಪಟ್ಟಿದ್ದಾರೆ ಎಂದು ಅವರ ವಕ್ತಾರ ತಿಳಿಸಿದ್ದಾರೆ.
‘ಕೊರೊನಾ ವೃದ್ಧಿಗೆ ಚೀನಾ ಕಾರಣ ಎಂದು ಅಮೆರಿಕ ಸೇನೆ ಸುಳ್ಳು ಸುದ್ದಿ ಹಬ್ಬಿಸುತ್ತಿದೆ ಎಂದು ಚೀನಾ ದೂರಿತ್ತು. ಆದರೆ, ಸೇನೆಯ ಬೆನ್ನಿಗೆ ನಿಂತ ಡೊನಾಲ್ಡ್ ಟ್ರಂಪ್, ಜಗತ್ತಿನೆಲ್ಲೆಡೆ ಕೊರೊನಾ ವೃದ್ಧಿಗೆ ಚೀನಾ ದೇಶ ಕಾರಣ ಎಂದು ಹೇಳಿದ್ದಾರೆ ಎಂದು ವೈಟ್‌ ಹೌಸ್‌ ಮಾದ್ಯಮ ಕಾರ್ಯದರ್ಶಿ ಕೇಯ್ಲಿ ಮೆಕ್‌ ಎನಾನಿ ಅವರು ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ಕೊರೊನಾ ಹುಟ್ಟಿಗೆ ಚೀನಾ ಕಾರಣ. ಇದಕ್ಕೂ ಏಷ್ಯನ್‌ ಅಮೆರಿಕನ್ನರಿಗೂ ಸಂಬಂಧವಿಲ್ಲ.ಇದರಲ್ಲಿ ಅವರದ್ದೇನು ತಪ್ಪಿಲ್ಲ ಏಷ್ಯನ್‌ ಅಮೆರಿಕನ್ನರು ನಮ್ಮ ಜೊತೆ ಸೇರಿ ಕೊರೊನಾ ವಿರುದ್ಧ ಹೋರಾಡುತ್ತಿದ್ದಾರೆ ಎಂಬುದು ಟ್ರಂಪ್ ಅವರ ಅಭಿಪ್ರಾಯ ಎಂದು ಕೇಯ್ಲಿ ಮೆಕ್‌ ಎನಾನಿ ತಿಳಿಸಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
