ಕೋವಿಡ್‌–19: ದುಬೈ, ಬಹರೇನ್‌ನಿಂದ ತಾಯ್ನಾಡಿಗೆ ಮರಳಿದ 541 ಭಾರತೀಯರು 

ಚೆನ್ನೈ: ಬಹರೇನ್‌ ಮತ್ತು ದುಬೈನಿಂದ ಏರ್ ಇಂಡಿಯಾದ ಮೂರು ವಿಶೇಷ ವಿಮಾನಗಳು ಶನಿವಾರ ಬೆಳಗ್ಗೆ 541 ಭಾರತೀಯರನ್ನು ಕರೆತಂದವು ಎಂದು ವಿಮಾನಯಾನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ದುಬೈನಿಂದ ಎರಡು ವಿಶೇಷ ವಿಮಾನಗಳ ಮೂಲಕ 359 ಭಾರತೀಯರು ಚೆನ್ನೈನ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದ್ದಾರೆ. ಮೊದಲ ವಿಮಾನದಲ್ಲಿ 177  ಹಾಗೂ ಎರಡನೇ ವಿಮಾನದಲ್ಲಿ ಮೂವರು ಮಕ್ಕಳು ಸೇರಿದಂತೆ 182 ಜನರು ಬಂದಿದ್ದಾರೆ. 

Tamil Nadu: Another special flight from United Arab Emirates (UAE)'s Dubai, carrying around 177 Indian nationals, has arrived at Chennai International Airport. #VandeBharatMission https://t.co/E94ORsRakb

— ANI (@ANI) May 8, 2020

ಇದನ್ನೂ ಓದಿ: ಸಿಂಗಪುರದಿಂದ 234 ಮಂದಿ ಭಾರತೀಯರನ್ನು ಕರೆತಂದ ಏರ್ ಇಂಡಿಯಾ

ಬಹರೇನ್‌ನಿಂದ ಕೊಚ್ಚಿಗೆ ಆಗಮಿಸಿದ ವಿಶೇಷ ವಿಮಾನದಲ್ಲಿ 182 ಭಾರತೀಯರು ತವರಿಗೆ ಮರಳಿದ್ದಾರೆ.

Air India flight with 182 Indians from Bahrain arrive at Cochin International Airport

Read @ANI Story | https://t.co/33LvSR8uPb pic.twitter.com/Kx5y3J8zgO

— ANI Digital (@ani_digital) May 8, 2020

ವಿದೇಶಗಳಿಂದ ಬಂದ ಎಲ್ಲಾ ಪ್ರಯಾಣಿಕರನ್ನು ಸ್ಕ್ರೀನ್‌ ಟೆಸ್ಟ್‌ಗೆ ಒಳಪಡಿಸಲಾಗಿದೆ ಎಂದು ವಿಮಾನಯಾನ ಹಾಗೂ ಸ್ಥಳೀಯ ಆರೋಗ್ಯ ಇಲಾಖೆ ಸಿಬ್ಬಂದಿಗಳು ಮಾಹಿತಿ ನೀಡಿದ್ದಾರೆ.

ವಿದೇಶಗಳಲ್ಲಿ ಸಿಲುಕಿರುವ ಭಾರತೀಯರನ್ನು ಹಂತಹಂತವಾಗಿ ವಾಪಸ್ ಕರೆಸಿಕೊಳ್ಳುವ ವಂದೇ ಭಾರತ್‌ ಮಿಷನ್‌ ಯೋಜನೆಗೆ ಕೇಂದ್ರ ಸರ್ಕಾರ ಚಾಲನೆ ನೀಡಿದೆ. ಇದರ ಭಾಗವಾಗಿ, ಲಾಕ್‌ಡೌನ್‌ನಿಂದಾಗಿ ವಿದೇಶದಲ್ಲಿ ಸಿಲುಕಿರುವ ಸುಮಾರು 15 ಸಾವಿರ ಭಾರತೀಯ ಪ್ರಜೆಗಳನ್ನು ಮರಳಿ ತಾಯ್ನಾಡಿಗೆ ಕರೆತರಲು ಮೇ 13ರವರೆಗೆ ಏರ್‌ ಇಂಡಿಯಾದ 64 ವಿಮಾನಗಳು ಕಾರ್ಯನಿರ್ವಹಿಸಲಿವೆ ಎಂದೂ ಸರ್ಕಾರ ಹೇಳಿದೆ.