ದೆಹಲಿ: 100 ವಾಟ್‌ನ ಬಲ್ಬ್‌ ಬಳಸಿದ್ದಕ್ಕೆ ಬಾಡಿಗೆದಾರರನ್ನೇ ಹತ್ಯೆ ಮಾಡಿದ ಮಾಲೀಕ

ಮೃತ ವ್ಯಕ್ತಿಯನ್ನು ಜಗದೀಶ್ ಎಂದು ಗುರುತಿಸಲಾಗಿದೆ. ಜಗದೀಶ್ ರಿಕ್ಷಾ ಚಾಲಕನಾಗಿದ್ದು, ಪತ್ನಿ ಮತ್ತು ಎಂಟು ವರ್ಷ ವಯಸ್ಸಿನ ಮಗಳ ಜತೆ ಮೊದಲ ಮಹಡಿಯಲ್ಲಿ ವಾಸಿಸುತ್ತಿದ್ದರು. ಮಾಲೀಕ ಅಮಿತ್ ಮತ್ತು ಕುಟುಂಬದವರು ಗ್ರೌಂಡ್ ಫ್ಲೋರ್‌ನಲ್ಲಿ ವಾಸವಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆ ಶುಕ್ರವಾರ ನಡೆದಿದೆ.

ಜಗದೀಶ್‌ ಪತ್ನಿ ಅಡುಗೆ ಮಾಡುತ್ತಿದ್ದ ರಾತ್ರಿ 7.45ರ ವೇಳೆ ಮನೆಗೆ ಬಂದ ಮಾಲೀಕ 100 ವಾಟ್‌ನ ಬಲ್ಬ್‌ ಉಪಯೋಗಿಸುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಅದರಿಂದ ಹೆಚ್ಚು ವಿದ್ಯುತ್ ವ್ಯಯವಾಗುತ್ತದೆ ಎಂದು ಅದನ್ನು ಬದಲಾಯಿಸಿ ಎಲ್‌ಇಡಿ ಬಲ್ಬ್ ಅಳವಡಿಸಿದ್ದಾರೆ. ಬಳಿಕ ಈ ವಿಚಾರವಾಗಿ ಜಗದೀಶ್ ಮತ್ತು ಮಾಲೀಕನ ನಡುವೆ ಮಾತಿಗೆ ಮಾತು ಬೆಳೆದಿದೆ. ಈ ವೇಳೆ ಅಮಿತ್ ಹಲ್ಲೆ ನಡೆಸಿದ್ದು, ಜಗದೀಶ್ ಪ್ರಜ್ಞೆ ತಪ್ಪಿ ಬಿದ್ದಿದ್ದಾರೆ. ತಕ್ಷಣವೇ ಜಗದೀಶ್ ಪತ್ನಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ದರೂ ಚಿಕಿತ್ಸೆ ಫಲಿಸದೆ ಅವರು ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಭಾರತೀಯ ಯೋಧರನ್ನು ಚೀನಾ ವಶಕ್ಕೆ ಪಡೆದಿಲ್ಲ: ಸೇನೆ ಸ್ಪಷ್ಟನೆ