ಅಮೆರಿಕ ಸಂಸತ್ತು ಈಗ ಅಂಗೀಕರಿಸಿರುವ ಮಸೂದೆಯು ಹಾಂಗ್ಕಾಂಗ್ನ ಸ್ವಾಯತ್ತೆಗೆ ಭಂಗ ತರುವ ಸಮೂಹ, ಸಂಸ್ಥೆಗಳ ಮೇಲೆ ನಿರ್ಬಂಧ ಹೇರಲು ಅವಕಾಶ ಕಲ್ಪಿಸಲಿದೆ. ಹಾಂಗ್ಕಾಂಗ್ನಲ್ಲಿ ಪ್ರತಿಭಟನೆ ಹತ್ತಿಕ್ಕುತ್ತಿರುವ ಪೊಲೀಸ್ ವ್ಯವಸ್ಥೆ, ಕಾಯ್ದೆ ರೂಪಿಸಲು ಕಾರಣಕರ್ತರಾದ ಚೀನಾದ ಕಮ್ಯುನಿಸ್ಟ್ ಪಕ್ಷದ ಅಧಿಕಾರಿವರ್ಗವು ಈ ಸಮೂಹದಲ್ಲಿ ಸೇರಲಿವೆ. ಅಲ್ಲದೆ, ಚೀನಾದ ಭದ್ರತಾ ಕಾಯ್ದೆಯನ್ನು ಬೆಂಬಲಿಸುವ ಉದ್ದಿಮೆಗಳ ಮೇಲೆ ನಿರ್ಬಂಧ ಹೇರಲೂ ಮಸೂದೆ ಅಮೆರಿಕಕ್ಕೆ ಅವಕಾಶ ನೀಡಲಿದೆ.