ಕೋವಿಡ್ ಯುದ್ಧದಲ್ಲಿ ಧರ್ಮಾಂಧತೆ ಬೇಡ: ಟ್ವಿಟಿಗರ ಸಲಹೆ

ಬೆಂಗಳೂರು : ನೀವು ಹಾದಿಯಲ್ಲಿ ಮುಳ್ಳು ಹಾಕ್ತಾ ಹೋಗಿ, ನಾವು ಪ್ರೀತಿ ಹೂವನ್ನು ನೆಡುತ್ತಾ ಹೋಗ್ತೀವಿ...ನಿಮ್ಮ ದ್ವೇಷದ ಸೂರ್ಯನ ಧಗೆಗೆ ಪ್ರೀತಿಯ ಮಳೆ ಚೆಲ್ಲಿ ಕಾಮನಬಿಲ್ಲಿನಿಂದ ಮುಚ್ಚಿ ಬಿಡ್ತೀವಿ... ಏನ್ ಬೇಕಾದರೂ ಮಾಡಿ ಸರ್, ನಮ್ಮೂರಲ್ಲಿ ಎಲ್ಲರೂ ನಮ್ಮೋರೆ...

. ‘ಕೋವಿಡ್ ಸಂದರ್ಭದಲ್ಲಿ ಧರ್ಮಾಂಧತೆ ಬೇಡ’ ಎಂಬ ಆಶಯದೊಂದಿಗೆ ಸಮಾನ ಮನಸ್ಕರು ಭಾನುವಾರ ಟ್ವಿಟರ್ನಲ್ಲಿ ‘ನಮ್ಮೂರ ಎಲ್ಲರೂ ನಮ್ಮೋರು’ ಹ್ಯಾಶ್ಟ್ಯಾಗ್ ಅಡಿ ನಡೆಸಿದ ‘ಪ್ರೀತಿಗಾಗಿ ಬೆಂಗಳೂರು’ ಅಭಿಯಾನದಲ್ಲಿ ಕೆಲವರು ಮಾಡಿದ ಟ್ವೀಟ್ಗಳಿವು.

. ‘ತಮ್ಮ ವೈಫಲ್ಯಗಳನ್ನು ಮುಚ್ಚಿಡಲು ಕೆಲವು ರಾಜಕಾರಣಿಗಳು ಧರ್ಮವನ್ನು ಮುಂದಿಟ್ಟು ನಮ್ಮನ್ನು ಬೇರೆ ಮಾಡಲು ಹೊರಟಿದ್ದಾರೆ. ನಾವು ಇದನ್ನು ಬಿಡುವುದಿಲ್ಲ, ನಾವೆಲ್ಲರೂ ಒಂದಾಗಿ ಕೋವಿಡ್ ಸೋಂಕನ್ನು ಎದುರಿಸುತ್ತೇವೆ ಎಂದು ತೋರಿಸೋಣ’ ಎಂಬ ಗುರಿಯೊಂದಿಗೆ ನಡೆದ ಈ ಅಭಿಯಾನದಲ್ಲಿ ಕಾರ್ಮಿಕ ಸಂಫಟನೆಗಳು, ಕಲಾವಿದರು,ವಕೀಲರು, ಯುವತಿ-ಯುವಕರು, ವಿಜ್ಞಾನಿಗಳು, ಮಹಿಳಾ ಹೋರಾಟಗಾರರು ಸೇರಿದಂತೆ ಸಾವಿರಾರು ಜನ ಟ್ವೀಟ್ ಮಾಡಿದರು.

. ಕೋವಿಡ್ ಬಿಕ್ಕಟ್ಟಿನ ಈ ಕಷ್ಟ ಕಾಲದಲ್ಲಿ, ಹಾಸಿಗೆ, ಆಮ್ಲಜನಕ, ಲಸಿಕೆ, ಔಷಧಿ ಇವೆಲ್ಲವನ್ನೂ ಸಮರ್ಪಕವಾಗಿ ನೀಡಬೇಕು ಎಂದು ಸರ್ಕಾರವನ್ನು ಒತ್ತಾಯಿಸಿದರು.

. ಕನ್ನಡ, ಇಂಗ್ಲಿಷ್ ಸೇರಿದಂತೆ ಹಲವು ಭಾಷೆಗಳಲ್ಲಿ ಸರ್ಕಾರಕ್ಕೆ ಅನೇಕ ಸಂದೇಶಗಳನ್ನು ಜನ ನೀಡಿದರು. ತಾವು ಹೇಳಬೇಕಾದ ಸಾಲುಗಳನ್ನು ಫಲಕಗಳಲ್ಲಿ ಬರೆದುಕೊಂಡು ಕೆಲವರು ಟ್ವಿಟರ್ನಲ್ಲಿ ಪ್ರದರ್ಶಿಸಿದರೆ, ಹಾಡು, ಕವಿತೆಗಳ ಮೂಲಕ ಅನೇಕರು ಸಂದೇಶ ನೀಡಿದರು.

. ‘ಕೋವಿಡ್ ಕಡೆ ಗಮನ ಕೊಡಿ, ಜಾತಿ-ಧರ್ಮ ಈಗಾದರೂ ಬಿಡಿ’ ಎಂದು ಹಲವರು ಸಲಹೆ ನೀಡಿದರೆ, ‘ಯುಗಾದಿ ಬಂದಾಗ ಡಿವಿಜಿ ರೋಡು, ಕ್ರಿಸ್ಮಸ್ ಬಂದಾಗ ಬ್ರಿಗೇಡ್ ರೋಡು, ರಮ್ಜಾನ್ ಬಂದಾಗ ಮಸೀದಿ ರೋಡು, ಈ ಒಗ್ಗಟ್ಟನ್ನು ಮುರೀಬೇಡ, ಬಿಟ್ಟುಬಿಡು’ ಎಂದು ಹೇಳುವ ಮೂಲಕ ಹಲವರು ಸಾಮರಸ್ಯದ ಪಾಠ ಮಾಡಿದರು.

. ‘ನಿಮ್ಮ ಬದ್ಧತೆಯ ಕೊರತೆಯನು ಮುಚ್ಚಿಹಾಕಲು ಧರ್ಮಾಂಧತೆಯ ಮತ್ತೊಂದು ಸೋಂಕನ್ನು ಹರಡಬೇಡಿ’ ಎಂದು ಕೆಲವರು ಚುಚ್ಚಿದರೆ, ‘ಜನರೇ ಬದುಕುಳಿಯದಿದ್ದರೆ ಯಾವ ಜಾತಿ? ಯಾವ ಧರ್ಮ?, ಕೊಳಕು ರಾಜಕೀಯ ಪಕ್ಕಕ್ಕಿಡಿ, ಲಸಿಕೆ ಆಮ್ಲಜನಕ ತಂದುಕೊಡಿ’ ಎಂದು ಒತ್ತಾಯಿಸಿದವರು ಅನೇಕ ಮಂದಿ.

. ‘ಈ ನಾಡು ಸರ್ವಜನಾಂಗದ ಶಾಂತಿಯ ತೋಟ, ಬೂಟಾಟಿಕೆ ಸಾಕು ಲಸಿಕೆ ಬೇಕು’ ಎಂದು ಅನೇಕರು ರಾಜಕಾರಣಿಗಳಿಗೆ ಸಲಹೆ ನೀಡಿದರು.

. ರಶ್ಮಿ ರವಿಕುಮಾರ್, ಶೃಂಗ, ನಿಧಿ, ಜಾಕೊಬ್, ಭಾವನಾ, ಭಟ್ಟಾಚಾರ್ಯ, ವಿನಯ್ ಕುಮಾರ್, ವಿನಯ್ ಶ್ರೀನಿವಾಸ್ ಸೇರಿದಂತೆ ಹಲವು ಟ್ವೀಟ್ ಮಾಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್ ಯುದ್ಧದಲ್ಲಿ ಧರ್ಮಾಂಧತೆ ಬೇಡ: ಟ್ವಿಟಿಗರ ಸಲಹೆ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ