ಕಾನ್ಪುರ: ಭಾರತ ಮತ್ತು ನ್ಯೂಜಿಲೆಂಡ್ ಮೊದಲ ಟೆಸ್ಟ್ ಪಂದ್ಯದ ವೇಳೆ ವೀಕ್ಷಕರ ಗ್ಯಾಲರಿಯಲ್ಲಿ ಬಾಯಲ್ಲಿ ಗುಟ್ಕಾ ತುಂಬಿಕೊಂಡು ಫೋನ್ನಲ್ಲಿ ಮಾತನಾಡುತ್ತಿರುವಂತೆ ಕಾಣುತ್ತಿದ್ದ ವ್ಯಕ್ತಿಯೊಬ್ಬರ ವಿಡಿಯೊ ಮತ್ತು ಫೋಟೊಗಳು ಭಾರಿ ವೈರಲ್ ಆಗಿತ್ತು. ವಿವಿಧ ರೀತಿಯಲ್ಲಿ ನೆಟ್ಟಿಗರು ಟ್ರೋಲ್ ಮಾಡಿದ್ದರು.
ಗ್ರೀನ್ಪಾರ್ಕ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಗುಟ್ಕಾ ಜಗಿಯುವ ಭಂಗಿಯಲ್ಲಿ ಕ್ಯಾಮೆರಾ ಕಣ್ಣುಗಳಲ್ಲಿ ಸೆರೆಯಾದ ವ್ಯಕ್ತಿಯು ಸಾಮಾಜಿಕ ಜಾಲತಾಣಗಳಲ್ಲಿ 'ಗುಟ್ಕಾ ಮ್ಯಾನ್' ಎಂದೇ ಪರಿಚಿತರಾದರು. ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್, ಡಾ. ಕುಮಾರ್ ವಿಶ್ವಾಸ್ ಸೇರಿದಂತೆ ಕೆಲವು ಪ್ರಸಿದ್ಧ ವ್ಯಕ್ತಿಗಳು ಕೂಡ 'ಗುಟ್ಕಾ ಮ್ಯಾನ್'ನ ಮೀಮ್ಸ್ ಹಂಚಿಕೊಂಡಿದ್ದರು.
'ಗುಟ್ಕಾ ಮ್ಯಾನ್' ಎಂದು ಅಪಖ್ಯಾತಿಗೆ ಒಳಗಾದ ವ್ಯಕ್ತಿಯನ್ನು ಕಾನ್ಪುರದ ಮಹೇಶ್ವರಿ ಮಹೋಲ್ ನಿವಾಸಿ ಶೋಬಿತ್ ಪಾಂಡೆ ಎಂದು ಗುರುತಿಸಲಾಗಿದೆ. 'ಪಂದ್ಯದ ವೇಳೆ ಗುಟ್ಕಾ ಜಗಿಯುತ್ತಿರಲಿಲ್ಲ, ಎಲೆಯಡಿಕೆ ತಿನ್ನುತ್ತಿದ್ದೆ' ಎಂದು ಎಎನ್ಐಗೆ ಶೋಬಿತ್ ಸ್ಪಷ್ಟಪಡಿಸಿದ್ದಾರೆ.
'ಮೊದಲನೆಯದಾಗಿ ನಾನು ತಂಬಾಕು ಸೇವನೆ ಮಾಡುತ್ತಿರಲಿಲ್ಲ ಎಂಬುದನ್ನು ಸ್ಪಷ್ಟಪಡಿಸುತ್ತೇನೆ. ನಾನು ವೀಳ್ಯದೆಲೆ ಅಡಿಕೆ ತಿನ್ನುತ್ತಿದ್ದೆ. ಆ ಸಂದರ್ಭದಲ್ಲಿ ನನ್ನ ಸ್ನೇಹಿತನ ಜೊತೆ ಫೋನ್ನಲ್ಲಿ ಮಾತನಾಡುತ್ತಿದ್ದೆ. ಅವನು ಕೂಡ ಅದೇ ಪಂದ್ಯವನ್ನು ಸ್ಟೇಡಿಯಂನ ಮತ್ತೊಂದು ಬದಿಯಲ್ಲಿ ಕುಳಿತು ವೀಕ್ಷಿಸುತ್ತಿದ್ದ. ಕೇವಲ ಸುಮಾರು 10 ಸೆಕೆಂಡ್ನ ಫೋನ್ ಕಾಲ್ ಅಷ್ಟೇ. ಅದು ವೈರಲ್ ಆಯಿತು. ಫೋನ್ನಲ್ಲಿ ಮಾತನಾಡುತ್ತಿದ್ದ ಅದೇ ಸ್ನೇಹಿತ ವಿಡಿಯೊ ವೈರಲ್ ಆಗಿರುವ ಬಗ್ಗೆ ತಿಳಿಸಿದ. ವಿಡಿಯೊ ಕಾಡ್ಗಿಚ್ಚಿನಂತೆ ಹರಡಿದೆ' ಎಂದು ಶೋಬಿತ್ ವಿವರಿಸಿದ್ದಾರೆ.
ಶೋಬಿತ್ಗೆ ವೈಯಕ್ತಿಕ ಕಿರಿಕಿರಿಗಿಂತ ಹೆಚ್ಚಾಗಿ ತನ್ನ ಸಹೋದರಿಯೂ ಆ ವಿಡಿಯೊದಲ್ಲಿರುವುದು ಚಿಂತೆಗೀಡು ಮಾಡಿದೆ. ಕೆಲವು ಕಿಡಿಗೇಡಿಗಳು ಅಶ್ಲೀಲ ಕಮೆಂಟ್ಗಳನ್ನು ಹರಿಯಬಿಡುತ್ತಿರುವುದರಿಂದ ಮಾನಸಿಕ ಹಿಂಸೆಯಾಗಿದೆ ಎಂದು ಶೋಬಿತ್ ಅಳಲು ತೋಡಿಕೊಂಡಿದ್ದಾರೆ.
'ನಾನೇನು ತಪ್ಪು ಮಾಡಿಲ್ಲ. ಇದರಿಂದ ನನಗೇನು ಭಯ ಅಥವಾ ಮುಜುಗರ ಎಂದೆನಿಸುತ್ತಿಲ್ಲ. ಆದರೆ ನನ್ನ ಸಹೋದರಿಯ ವಿರುದ್ಧ ಕೆಲವು ಕಿಡಿಗೇಡಿಗಳು ಅಶ್ಲೀಲಕಾಮೆಂಟ್ಗಳು ಮಾಡುತ್ತಿರುವುದರಿಂದ ಬೇಸರವಾಗಿದೆ. ಮತ್ತೊಂದು ಕಡೆ ಮಾಧ್ಯಮಗಳಿಂದ ಸಾಕಷ್ಟು ದೂರವಾಣಿ ಕರೆಗಳು ಬರುತ್ತಿದ್ದು, ಕಿರಿಕಿರಿ ಎಂದೆನಿಸುತ್ತಿದೆ' ಎಂದು ಶೋಬಿತ್ ಹೇಳಿದ್ದಾರೆ.
Man of the ‘Day’ #INDvsNZ pic.twitter.com/8OLbBqq3AO
— Awanish Sharan (@AwanishSharan) November 25, 2021
कानहीपुर में मैच अहै आज 🤪❤️😂👏👏 pic.twitter.com/MpNVGstBZF
— Dr Kumar Vishvas (@DrKumarVishwas) November 25, 2021
😅 #INDvNZ pic.twitter.com/JpRSwzk8RQ
— Wasim Jaffer (@WasimJaffer14) November 25, 2021
Why is everyone drooling over this man, as a Kanpur guy apna toh rozz ka h ese logo ke beech rehna https://t.co/G0O691f6fi
— A (@itsAnkur4real) November 25, 2021
मैच कोई भी जीते , 5 दिन के मैच में पहले ही दिन Man Of The Match मिल गया 😂 #GoKanpur 🤟🏻 pic.twitter.com/yMjtiLNuga
— RJ Raunac (@rjraunac) November 25, 2021
Vimal walo ka kya heavy promotion ho rha hai yrrr😂🤣🤣🤣#KanpurTest #gutka #TestCricket pic.twitter.com/uYMhF4I0Gb
— Ashwin01 (@AshwinSonone1) November 25, 2021
When you are on a date with your crush and your bestie calls to say 'nahi pategi' pic.twitter.com/GPf3eDBr6Q
— SwatKat💃 (@swatic12) November 25, 2021
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.