ಅಪ್ಪ ಒಂದು ದೊಡ್ಡ ಮರವಿದ್ದಂತೆ. ಆ ಮರದ ನೆರಳಿನಾಸರೆಯಲ್ಲಿ ಬೆಳೆಯುವ ಮಗಳಿಗೆ ಅಪ್ಪ ಕಲಿಸುವ ಜೀವನಪಾಠ ಅಗಾಧವಾದ ಶಕ್ತಿ ನೀಡುತ್ತದೆ, ಬದುಕಿನುದ್ದಕ್ಕೂ ಕೈಹಿಡಿದು ಮುನ್ನಡೆಸುತ್ತದೆ. ಅಂತಹ ಪ್ರೀತಿಪಾತ್ರನಿಗೊಂದು ಖುಷಿಯ ಅಪ್ಪುಗೆ ನೀಡಲು ‘ಫಾದರ್ಸ್ ಡೇ’ (ಜೂನ್ 15) ಸುಸಂದರ್ಭವಾಗಿ ಒದಗಿಬಂದಿದೆ. ವಿವಿಧ ಕ್ಷೇತ್ರಗಳಲ್ಲಿ ಛಾಪು ಮೂಡಿಸಿರುವ ಮಹಿಳೆಯರು ತಮ್ಮ ಪಾಲಿನ ‘ಎವರ್ಗ್ರೀನ್ ಹೀರೊ’ ಅಪ್ಪನೊಂದಿಗಿನ ಒಡನಾಟವನ್ನು ಇಲ್ಲಿ ಹಂಚಿಕೊಂಡಿದ್ದಾರೆ.
