11 ವರ್ಷದ ಬಾಲಕಿಯನ್ನು ಅಪರಹಣ ಮಾಡಲು ಯತ್ನಿಸಿದ ಘಟನೆ ಅಮೆರಿಕದಲ್ಲಿ ನಡೆದಿದ್ದು ಇದರ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಫ್ಲೋರಿಡಾದ ಬಸ್‌ ನಿಲ್ದಾಣ ಸಮೀಪದಲ್ಲಿ ಈ ಘಟನೆ ನಡೆದಿದೆ. ಕಾರಿನಲ್ಲಿ ಬಂದ ಅಪಹರಣಕಾರ ಬಾಲಕಿಯನ್ನು ಎತ್ತಿಕೊಂಡು ಹೋಗಲು ಪ್ರಯತ್ನಿಸುತ್ತಾನೆ. ಆದರೆ ಬಾಲಕಿ ಪ್ರತಿರೋಧ ಒಡ್ಡಿದ್ದರಿಂದ ಅವನ ಯತ್ನ ಫಲಿಸುವುದಿಲ್ಲ.
ಈ ಘಟನೆ ನಡೆದ ಮರುದಿನವೇ ಅಮೆರಿಕ ಪೊಲೀಸರು ಆರೋಪಿಯನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದಾರೆ.
ಅಪಹರಣಕಾರನ ಬಳಿ ಚಾಕು ಇತ್ತು, ಆಗ ನನಗೆ ಭಯವಾಗಿತ್ತು, ಅವನಿಂದ ತಪ್ಪಿಸಿಕೊಳ್ಳುವುದೊಂದೆ ನನ್ನ ಮುಂದೆ ಇದ್ದ ದಾರಿ ಎಂದು ಬಾಲಕಿ ಇನ್‌ಸೈಡರ್‌ ಪತ್ರಿಕೆಗೆ ನೀಡಿರುವ ಸಂದರ್ಶನದಲ್ಲಿ ಹೇಳಿದ್ದಾರೆ.
ಅಪಹರಣಕಾರ ನನ್ನ ಎತ್ತಿಕೊಂಡು ಐದಾರು ಹೆಜ್ಜೆ ಮುಂದೆ ಇಟ್ಟಾಗ, ಅವನ ಪಕ್ಕೆಗೆ ಬಲವಾಗಿ ಗುದ್ದಿದೆ. ಆಗ ಇಬ್ಬರು ಕೆಳೆಗೆ ಬಿದ್ದೆವು. ಬಳಿಕ ಅವನಿಂದ ತಪ್ಪಿಸಿಕೊಂಡೆ ಎಂದು ಬಾಲಕಿ ಹೇಳಿದ್ದಾರೆ.
