ವಾಷಿಂಗ್ಟನ್: ಕಳೆದ ಒಂದು ತಿಂಗಳಲ್ಲಿ ವಿಶ್ವದಾದ್ಯಂತ ಹೊಸ ಕೋವಿಡ್ ಪ್ರಕರಣಗಳ ಸಂಖ್ಯೆ 44.5ರಷ್ಟು ಇಳಿಕೆಯಾಗಿದೆ. ದಿನಕ್ಕೆ ಸರಾಸರಿ 4,12,700 ಪ್ರಕರಣಗಳು ದಾಖಲಾಗಿವೆ.
ಜಿನೀವಾ ವಿಶ್ವವಿದ್ಯಾಲಯದ ಜಾಗತಿಕ ಆರೋಗ್ಯ ಸಂಸ್ಥೆಯ ನಿರ್ದೇಶಕರಾದ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಆಂಟೊಯಿನ್ ಫ್ಲಹಾಲ್ಟ್, ‘ಪ್ರಪಂಚದ ಎಲ್ಲೆಡೆ ಹೊಸ ಕೋವಿಡ್ ಪ್ರಕರಣಗಳ ಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಕುಸಿತ ಕಂಡುಬಂದಿದೆ’ ಎಂದು ಹೇಳಿದ್ದಾರೆ.
ವಿಶ್ವದಾದ್ಯಂತ ಇದುವರೆಗೆ 10.87 ಕೋಟಿ ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. ಆ ಪೈಕಿ 23,94,005 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ. ದಿನದಿಂದ ದಿನಕ್ಕೆ ಚೇತರಿಕೆ ಪ್ರಮಾಣ ಹೆಚ್ಚಿದ್ದು, ಈವರೆಗೆ 8,07,35,754 ಮಂದಿ ಸೋಂಕಿತರು ಗುಣಮುಖರಾಗಿದ್ದಾರೆ. ಸದ್ಯ ವಿಶ್ವದಲ್ಲಿ 2,54,46,831 ಸಕ್ರಿಯ ಪ್ರಕರಣಗಳಿವೆ.
ಅತಿ ಹೆಚ್ಚು ಪ್ರಕರಣಗಳನ್ನು ಹೊಂದಿರುವ ಅಮೆರಿಕದಲ್ಲಿ 95,73,871, ಫ್ರಾನ್ಸ್ನಲ್ಲಿ 31,07,185, ಬ್ರೆಜಿಲ್ನಲ್ಲಿ 8,49,766, ಇಟಲಿಯಲ್ಲಿ 4,02,174, ರಷ್ಯಾದಲ್ಲಿ 4,04,501 ಸಕ್ರಿಯ ಪ್ರಕರಣಗಳಿವೆ.