ಮೆಕ್ಸಿಕೊ ನಗರ: ಮೆಕ್ಸಿಕೊದಲ್ಲಿ ಕಳೆದ 24 ಗಂಟೆಗಳಲ್ಲಿ 10,677 ಕೋವಿಡ್‌ ಪ್ರಕರಣಗಳು ದೃಢಪಟ್ಟಿದ್ದು, 1,474 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಇದರೊಂದಿಗೆ ಮೆಕ್ಸಿಕೊದಲ್ಲಿ ಸೋಂಕಿತರ ಸಂಖ್ಯೆ 19,68,566 ಕ್ಕೆ ಏರಿಕೆಯಾಗಿದೆ. ಆ ಪೈಕಿ 1,71,234 ಮಂದಿ ಸಾವಿಗೀಡಾಗಿದ್ದಾರೆ. ಈವರೆಗೆ 15,28,304 ಮಂದಿ ಸೋಂಕಿತರು ಗುಣಮುಖರಾಗಿದ್ದು, ಸದ್ಯ 2,69,028 ಸಕ್ರಿಯ ಪ್ರಕರಣಗಳಿವೆ.
ವಿಶ್ವದಾದ್ಯಂತ ಇದುವರೆಗೆ 10.82 ಕೋಟಿಗೂ ಹೆಚ್ಚು ಕೋವಿಡ್‌ ಪ್ರಕರಣಗಳು ಪತ್ತೆಯಾಗಿವೆ. ಆ ಪೈಕಿ 23,78,759 ಮಂದಿ ಸೋಂಕಿತರು ಸಾವಿಗೀಡಾಗಿದ್ದಾರೆ. ಈವರೆಗೆ 8,03,27,049 ಮಂದಿ ಗುಣಮುಖರಾಗಿದ್ದಾರೆ. ಸದ್ಯ ವಿಶ್ವದಲ್ಲಿ 2,54,38,749 ಸಕ್ರಿಯ ಪ್ರಕರಣಗಳಿವೆ.
ಅತಿ ಹೆಚ್ಚು ಪ್ರಕರಣಗಳನ್ನು ಹೊಂದಿರುವ ಅಮೆರಿಕದಲ್ಲಿ 95,84,499, ಫ್ರಾನ್ಸ್‌ನಲ್ಲಿ 30,87,129, ಬ್ರೆಜಿಲ್‌ನಲ್ಲಿ 8,36,208, ಇಟಲಿಯಲ್ಲಿ 4,05,019, ರಷ್ಯಾದಲ್ಲಿ 4,10,639 ಸಕ್ರಿಯ ಪ್ರಕರಣಗಳಿವೆ.
