ಅಮೆರಿಕ ಸೇನೆಯ ನೆರವು ಕೋರಿದ ಹೈಟಿ ಹಂಗಾಮಿ ಪ್ರಧಾನಿ

'ಖಂಡಿತವಾಗಿಯೂ ನಮಗೆ ಸಹಾಯ ಬೇಕು ಮತ್ತು ನಮ್ಮ ಅಂತರರಾಷ್ಟ್ರೀಯ ಪಾಲುದಾರರನ್ನು ಸಹಾಯಕ್ಕಾಗಿ ವಿನಂತಿ ಮಾಡಿದ್ದೇವೆ. ನಮ್ಮ ಜೊತೆಗಾರರು ಪರಿಸ್ಥಿತಿಯನ್ನು ನಿಭಾಯಿಸಲು ದೇಶದ ಪೊಲೀಸರಿಗೆ ಸಹಾಯ ಮಾಡಬಹುದೆಂದು ಭಾವಿಸುತ್ತೇನೆ' ಎಂದಿದ್ದಾರೆ.

ಇದನ್ನೂ ಓದಿ:ಹೈಟಿ ಅಧ್ಯಕ್ಷರ ಹತ್ಯೆ: ಇಬ್ಬರು ಅಮೆರಿಕ ಪ್ರಜೆಗಳು ಸೇರಿ 17 ಶಂಕಿತರು ವಶಕ್ಕೆ

'ಅಧಿಕಾರಕ್ಕಾಗಿ ಹೋರಾಟ, ಇದರಲ್ಲಿ ನಂಬಿಕೆಯಿಲ್ಲ. ಹೈಟಿಯಲ್ಲಿ ಅಧ್ಯಕ್ಷರಾಗಲು ಇರುವುದು ಒಂದೇ ಮಾರ್ಗ, ಅದೇನೆಂದರೆ ಚುನಾವಣೆ' ಎಂದು ಹೇಳಿದ್ದಾರೆ.

ಏತನ್ಮಧ್ಯೆ ಹೈಟಿ ಅಧ್ಯಕ್ಷರ ಕೊಲೆ ತನಿಖೆಗೆ ನೆರವಾಗಲು ಎಫ್‌ಬಿಐ ತನಿಖಾ ಸಂಸ್ಥೆ ಹಾಗೂ ಹೋಮ್‌ಲ್ಯಾಂಡ್ ಭದ್ರತಾ ಅಧಿಕಾರಿಗಳನ್ನು ರವಾನಿಸುವುದಾಗಿ ಅಮೆರಿಕ ಹೇಳಿದೆ.

ಮೊಯಿಸ್ ಹತ್ಯೆಯಲ್ಲಿ ಭಾಗಿಯಾಗಿರುವ ಕೊಲಂಬಿಯಾದವರನ್ನು ನಾಲ್ಕು ಕಂಪನಿಗಳು ನೇಮಕ ಮಾಡಿಕೊಂಡಿವೆ ಮತ್ತು ಡೊಮಿನಿಕನ್ ರಿಪಬ್ಲಿಕ್ ಮೂಲಕ ಎರಡು ಗುಂಪುಗಳಾಗಿ ಕೆರಿಬಿಯನ್ ರಾಷ್ಟ್ರಕ್ಕೆ ಪ್ರಯಾಣಿಸಿದ್ದರು ಎಂದು ಕೊಲಂಬಿಯಾ ಪೊಲೀಸರು ಮಾಹಿತಿ ನೀಡಿದ್ದಾರೆ.

ಹೈಟಿಯ ರಾಷ್ಟ್ರೀಯ ಪೊಲೀಸ್‌ ಪಡೆ ಮುಖ್ಯಸ್ಥ ಲಿಯಾನ್‌ ಚಾರ್ಲ್‌ಸ್‌ ಹೇಳಿಕೆಯ ಪ್ರಕಾರ, ಹೈಟಿ ಅಧ್ಯಕ್ಷರ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ವರೆಗೆ 17 ಮಂದಿ ಶಂಕಿತರನ್ನು ಬಂಧಿಸಲಾಗಿದೆ.