ಬುಧವಾರ, ಜೂನ್ 29, 2022
24 °C
240 ಕೋಟಿ ಡಾಲರ್ ವಂಚನೆ ಆರೋಪ

70 ವರ್ಷ ಜೈಲು ಶಿಕ್ಷೆಯ ಆತಂಕದಲ್ಲಿ ಬಿಟ್‌ಕನೆಕ್ಟ್ ಸಂಸ್ಥಾಪಕ ಭಾರತೀಯ ಪ್ರಜೆ

ಪಿಟಿಐ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್: 240 ಕೋಟಿ ಡಾಲರ್ ಮೌಲ್ಯದ ಜಾಗತಿಕ ನಕಲಿ ಯೋಜನೆ ರೂಪಿಸಿದ ಆರೋಪದ ಮೇಲೆ ಕ್ರಿಪ್ಟೋಕರೆನ್ಸಿ ಹೂಡಿಕೆ ವೇದಿಕೆ ಬಿಟ್‌ಕನೆಕ್ಟ್, ಸಂಸ್ಥಾಪಕ ಭಾರತೀಯ ಪ್ರಜೆ ವಿರುದ್ಧ ದೋಷಾರೋಪ ಹೊರಿಸಲಾಗಿದೆ ಎಂದು ಅಮೆರಿಕದ ಫೆಡರಲ್ ತನಿಖಾ ಸಂಸ್ಥೆ ತಿಳಿಸಿದೆ.

ನ್ಯಾಯಾಲಯದ ದಾಖಲೆಗಳ ಪ್ರಕಾರ, ಬಿಟ್‌ಕಾಯಿನ್ 3.4 ಶತಕೋಟಿಯ ಗರಿಷ್ಠ ಮಾರುಕಟ್ಟೆ ಬಂಡವಾಳೀಕರಣವನ್ನು ತಲುಪಿದೆ ಎಂದು ಗುಜರಾತ್‌ನ ಹೇಮಾಲ್‌ ಮೂಲದ ಸತೀಶ್ ಕುಂಭಾನಿ (36) ಬಿಟ್‌ಕನೆಕ್ಟ್‌ನ ‘ಲೆಂಡಿಂಗ್ ಪ್ರೋಗ್ರಾಂ’ಬಗ್ಗೆ ಹೂಡಿಕೆದಾರರನ್ನು ದಾರಿ ತಪ್ಪಿಸಿದ್ದಾರೆ ಎಂದು ನ್ಯಾಯಾಂಗ ಇಲಾಖೆ ಹೇಳಿದೆ.

‘ಈ ಯೋಜನೆ ಮೂಲಕ ಹೂಡಿಕೆದಾರರಿಗೆ 200 ಕೋಟಿ ಡಾಲರ್‌ಗಿಂತಲೂ ಹೆಚ್ಚು ವಂಚನೆ ಮಾಡಲಾಗಿದೆ’ ಎಂದು ದಕ್ಷಿಣ ಕ್ಯಾಲಿಫೋರ್ನಿಯಾದ ಅಮೆರಿಕದ ಅಟಾರ್ನಿ ರಾಂಡಿ ಗ್ರಾಸ್ಮನ್ ಶುಕ್ರವಾರ ಹೇಳಿದ್ದಾರೆ.

ಬಿಟ್‌ಕಾಯಿನ್ ಬೆಲೆ ಕುರಿತ ತಪ್ಪು ಮಾಹಿತಿ, ಪರವಾನಗಿ ಪಡೆಯದೆ ಹಣ ರವಾನೆ ಮತ್ತು ಅಕ್ರಮವಾಗಿ ಅಂತರರಾಷ್ಟ್ರೀಯ ಹಣ ವರ್ಗಾವಣೆಯ ಸಂಚು ಆರೋಪವನ್ನು ಕುಂಭಾನಿ ಮೇಲೆ ಹೊರಿಸಲಾಗಿದೆ. ಈ ಮೂರು ಆರೋಪಗಳಲ್ಲಿ ಅವರು ತಪ್ಪಿತಸ್ಥರೆಂದು ಸಾಬೀತಾದರೆ ಗರಿಷ್ಠ 70 ವರ್ಷಗಳ ಜೈಲು ಶಿಕ್ಷೆಯನ್ನು ಅನುಭವಿಸಬೇಕಾಗುತ್ತದೆ.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು