ಇಸ್ರೊ ನೇತೃತ್ವದ ಬಹುರಾಷ್ಟ್ರೀಯ ಯೋಜನೆಗೆ ವಿಶ್ವಸಂಸ್ಥೆ ಒಪ್ಪಿಗೆ
ಅಕ್ಷರ ಗಾತ್ರ :ಆ |ಆ |ಆ
ವಾಷಿಂಗ್ಟನ್‌: ಉಪಗ್ರಹ ಆಧಾರಿತ ಕರಾವಳಿ ಪ್ರದೇಶದ ದತ್ತಾಂಶಗಳ ನಿಖರತೆ ಮತ್ತು ಭೂಮಿ ಆಧಾರಿತ ಅವಲೋಕನವನ್ನು ಸುಧಾರಿಸುವ ಭಾರತದ ಇಸ್ರೊ ಮತ್ತು ಅಮೆರಿಕದ ನ್ಯಾಷನಲ್‌ ಓಷಿಯಾನಿಕ್ ಅಂಡ್ ಅಟ್‌ಮಾಸ್ಪಿರಿಕ್‌ ಅಡ್ಮಿನಿಸ್ಟೇಷನ್‌ (ಎನ್‌ಒಎಎ) ಜಂಟಿಯಾಗಿ ರೂಪಿಸಿರುವ ಬಹುರಾಷ್ಟ್ರೀಯ ಯೋಜನೆಗೆ ವಿಶ್ವಸಂಸ್ಥೆ ಅನುಮೋದನೆ ನೀಡಿದೆ.
ಈ ಯೋಜನೆಗೆ ‘ಕಮಿಟಿ ಆನ್ ಅರ್ಥ್ ಅಬ್ಸವೇಷನ್ ಸೆಟಲೈಟ್ಸ್‌– ಕೋಸ್ಟಲ್ ಅಬ್ಸರ್ವೇಷನ್ಸ್, ಅಪ್ಲಿಕೇಷನ್ಸ್, ಸರ್ವೀಸ್‌ ಅಂಡ್ ಟೂಲ್ಸ್‌ (ಸಿಇಒಎಸ್‌ ಸಿಒಎಎಸ್‌ಟಿ) ಎಂದು ಹೆಸರಿಸಲಾಗಿದೆ. ಈ ಯೋಜನೆಯ ಮೂಲಕ ವಿಶ್ವಸಂಸ್ಥೆ ಗೊತ್ತುಪಡಿಸಿರುವ 17 ಸುಸ್ಥಿರ ಅಭಿವೃದ್ಧಿ ಗುರಿಗಳಲ್ಲಿ ಕೆಲವನ್ನು ಸಾಕಾರಗೊಳಿಸುವ ಉದ್ದೇಶವಿದೆ ಎಂದು ಎನ್‌ಒಎಎ ಬುಧವಾರ ಬಿಡುಗಡೆ ಮಾಡಿರುವ ಪ್ರಕಟಣೆ ತಿಳಿಸಿದೆ.
ವಿಪತ್ತು ತಂದೊಡ್ಡುವ ಅಪಾಯಗಳನ್ನು ಕಡಿಮೆ ಮಾಡುವುದು ಮತ್ತು ಖಂಡಾಂತರ ತೀರ ಪ್ರದೇಶಗಳು ಮತ್ತು ಸಣ್ಣ ದ್ವೀಪ ರಾಷ್ಟ್ರಗಳಲ್ಲಿ ಸಂಭವಿಸುವ ಅಪಾಯಗಳನ್ನು ತಪ್ಪಿಸುವುದು ಈ ಯೋಜನೆಗಳ ಉದ್ದೇಶವಾಗಿದೆ.
‘ಈ ಯೋಜನೆಯಲ್ಲಿ, ಪ್ರವಾಹ, ಕರಾವಳಿ ಪರಿಸರದಲ್ಲಿ ಭೂಮಿಯ ಬಳಕೆ, ನೀರಿನ ಗುಣಮಟ್ಟ, ಭೂ ಕುಸಿತ ಸೇರಿದಂತೆ ಕಡಲಿನಿಂದ ಭೂಪ್ರದೇಶಕ್ಕೆ ಉಂಟಾಗುವ ಹಾನಿಯನ್ನು ಅಧ್ಯಯನ ಮಾಡುವುದು ಹಾಗೂ ಈ ಸಮಸ್ಯೆಗಳಿಗೆ ಈಗಿರುವ ಪರಿಹಾರ ಕಾರ್ಯವನ್ನು ಮತ್ತಷ್ಟು ಸುಧಾರಿಸುವ ಕುರಿತು ಅಧ್ಯಯನ ನಡೆಸಲಾಗುತ್ತದೆ‘ ಎಂದು ಪ್ರಕಟಣೆ ತಿಳಿಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
