ಮಂಗಳವಾರ, ಏಪ್ರಿಲ್ 13, 2021
23 °C
ಜೋ ಬೈಡನ್‌ ಆಯ್ಕೆಗೆ ಆಕ್ಷೇಪ

ಆರೋಗ್ಯ ಕಾರ್ಯದರ್ಶಿ ಹುದ್ದೆಗೆ ಬೆಕೆರ್ರಾ ಆಯ್ಕೆ: ರಿಪಬ್ಲಿಕನ್‌ ಪಕ್ಷದ ವಿರೋಧ

ಎಪಿ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ಆರೋಗ್ಯ ಕಾರ್ಯದರ್ಶಿ ಹುದ್ದೆಗೆ ಕ್ಸೆವಿಯರ್‌ ಬೆಕೆರ್ರಾ ಅವರನ್ನು ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಆಯ್ಕೆ ಮಾಡಿರುವುದಕ್ಕೆ ರಿಪಬ್ಲಿಕನ್‌ ಪಕ್ಷದಿಂದ ವಿರೋಧ ವ್ಯಕ್ತವಾಗಿದೆ.

ಕ್ಯಾಲಿಫೋರ್ನಿಯಾ ಅಟಾರ್ನಿ ಜನರಲ್‌ ಆಗಿದ್ದಾಗ ಕ್ಸೆವಿಯರ್‌ ಗರ್ಭಪಾತ ಹಕ್ಕುಗಳಿಗೆ ಸಂಬಂಧಿಸಿದಂತೆ ಬೆಂಬಲ ಸೂಚಿಸಿ ಸಮರ್ಥಿಸಿಕೊಂಡಿದ್ದರಿಂದ ವಿವಾದಕ್ಕೆ ಒಳಗಾಗಿದ್ದರು.

ಕ್ಸೆವಿಯರ್‌ ಅವರ ನಾಮನಿರ್ದೇಶನದ ಬಗ್ಗೆ ಸೆನೆಟ್‌ ಹಣಕಾಸು ಸಮಿತಿಯಲ್ಲಿ ಬುಧವಾರ ಮತ ಚಲಾವಣೆ ಮಾಡುವ ಮೂಲಕ ನಿರ್ಧಾರವಾಗಲಿದೆ.

63 ವರ್ಷದ ಕ್ಸೆವಿಯರ್‌ ಬೆಕೆರ್ರಾ ಅವರು ಗರ್ಭಪಾತಕ್ಕೆ ನಿರ್ಬಂಧ ವಿಧಿಸಿದ್ದಕ್ಕೆ ಡೊನಾಲ್ಡ್‌ ಟ್ರಂಪ್‌ ಆಡಳಿತವನ್ನು ಟೀಕಿಸಿದ್ದರು. ಇದಕ್ಕೆ ಸಂಬಂಧಿಸಿದಂತೆ 124 ಮೊಕದ್ದಮೆಗಳನ್ನು ಸಹ ದಾಖಲಿಸಿದ್ದರು.

2020ರ ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಸಂದರ್ಭದಲ್ಲಿ 10ರಲ್ಲಿ 6 ಮತದಾರರು ಎಲ್ಲ ಪ್ರಕರಣಗಳಲ್ಲಿ ಅಥವಾ ಬಹುತೇಕ ಪ್ರಕರಣಗಳಲ್ಲಿ ಗರ್ಭಪಾತವನ್ನು ಕಾನೂನುಬದ್ಧಗೊಳಿಸಬೇಕು ಎಂದು ‘ಎನ್‌ಒಆರ್‌ಸಿ’ ಸಂಸ್ಥೆ ನಡೆಸಿದ ಸಮೀಕ್ಷೆಯಲ್ಲಿ ತಿಳಿಸಿದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು