ಜೋ ಬೈಡನ್‌ ಜತೆ ವಲಸೆ ಕಾರ್ಮಿಕರ ಯೋಜನೆ ಬಗ್ಗೆ ಚರ್ಚೆ:ಆ್ಯಂಡ್ರೆಸ್

‘ಎರಡನೇ ವಿಶ್ವಯುದ್ಧ ಮತ್ತು ಅದರ ನಂತರ ದಿನಗಳಲ್ಲಿ ಅಮೆರಿಕದಲ್ಲಿ ಕಾರ್ಮಿಕರ ಕೊರತೆ ಉಂಟಾಗಿತ್ತು. ಈ ಸಮಯದಲ್ಲಿ ’ಬ್ರಸೆರೊ’ ಯೋಜನೆಯಡಿ ಮೆಕ್ಸಿಕನ್ನರಿಗೆ ಅಮೆರಿಕದಲ್ಲಿ ತಾತ್ಕಾಲಿಕವಾಗಿ ಕೆಲಸ ಮಾಡಲು ಅನುವು ಮಾಡಲಾಗಿತ್ತು. ಅದೇ ರೀತಿ ಈಗಲೂ ಅಮೆರಿಕದ ಆರ್ಥಿಕತೆಗೆ ನಮ್ಮ ಯುವ ಶಕ್ತಿಯ ಅವಶ್ಯಕತೆಯಿದೆ’ ಎಂದು ಒಬ್ರೆಡರ್ ಅವರು ಹೇಳಿದರು.

‘ಪ್ರತಿ ವರ್ಷಅಮೆರಿಕದಲ್ಲಿ 6ರಿಂದ 8 ಲಕ್ಷ ಮೆಕ್ಸಿಕನ್‌ ವಲಸೆ ಕಾರ್ಮಿಕರಿಗೆ ಕೆಲಸ ಮಾಡಲು ಅನುಮತಿ ನೀಡಬೇಕು’ ಎಂದು ಅವರು ಸಲಹೆ ನೀಡಿದ್ದಾರೆ.

‘ವಲಸೆ ಕಾರ್ಮಿಕರಿಗಾಗಿ ಸರಿಯಾದ ವ್ಯವಸ್ಥೆಯನ್ನು ಕಲ್ಪಿಸಬೇಕು. ಹಾಗಾಗಿ ಈ ಬಗ್ಗೆ ಜೋ ಬೈಡನ್‌ ಅವರೊಂದಿಗೆ ಚರ್ಚೆ ನಡೆಸುತ್ತೇನೆ’ ಎಂದು ಅವರು ತಿಳಿಸಿದರು.