<p><strong>ಕಾಬೂಲ್:</strong> ಸಂಸ್ಥಾಪಕ ಮುಲ್ಲಾ ಓಮರ್ನ ಸಮಾಧಿ ಸ್ಥಳವನ್ನು ತಾಲಿಬಾನ್ ಸುಮಾರು 9 ವರ್ಷಗಳ ಬಳಿಕ ಬಹಿರಂಗಪಡಿಸಿದೆ.</p>.<p>2013ರಲ್ಲಿ ಮೃತನಾಗಿದ್ದ ಮುಲ್ಲಾ ಓಮರ್ನ ಸಮಾಧಿ ಸ್ಥಳವನ್ನು ಈವರೆಗೂ ತಾಲಿಬಾನ್ ಗೌಪ್ಯವಾಗಿ ಇರಿಸಿತ್ತು.</p>.<p>ಝಬುಲ್ ಪ್ರಾಂತ್ಯದ ಸೂರಿ ಜಿಲ್ಲೆಯಲ್ಲಿರುವ ಒಮರಾಝೋದಲ್ಲಿ ಮುಲ್ಲಾ ಓಮರ್ನ ಸಮಾಧಿ ಇದ್ದು, ಭಾನುವಾರ ಬೆಳಿಗ್ಗೆ ತಾಲಿಬಾನ್ ನಾಯಕರು ಅಲ್ಲಿಗೆ ಭೇಟಿ ನೀಡಿದ್ದಾರೆ ಎಂದು ತಾಲಿಬಾನ್ ವಕ್ತಾರ ಝಬಿಯುಲ್ಲಾ ಮುಜಾಹಿದ್ ಹೇಳಿದ್ದಾರೆ.</p>.<p>‘ನಮ್ಮ ಸುತ್ತಮುತ್ತ ಹಲವು ಶತ್ರುಗಳು ಇದ್ದಿದ್ದರಿಂದ ಹಾಗೂ ದೇಶವನ್ನು ವಿರೋಧಿಗಳು ಆಕ್ರಮಿಸಿಕೊಂಡಿದ್ದರಿಂದ ನಾವು ಈವರೆಗೆ ಸಮಾಧಿ ಸ್ಥಳವನ್ನು ಗೌಪ್ಯವಾಗಿಟ್ಟಿದ್ದೆವು. ಅವರ ನಿಕಟ ಸಂಬಂಧಿಕರು ಹಾಗೂ ಸ್ನೇಹಿತರಿಗೆ ಮಾತ್ರ ಸಮಾಧಿ ಸ್ಥಳದ ಬಗ್ಗೆ ಮಾಹಿತಿ ಇತ್ತು‘ ಎಂದು ಮುಜಾಹಿದ್ ಹೇಳಿದ್ದಾರೆ.</p>.<p>ಅಲ್ಲದೇ ‘ಈಗ ಜನ ಸಮಾಧಿ ಸಂದರ್ಶನಕ್ಕೆ ತೆರಳಬಹುದಾಗಿದೆ ಎನ್ನುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ‘ ಎಂದು ಅವರು ಹೇಳಿದ್ದಾರೆ.</p>.<p>ಸಮಾಧಿಯ ಚಿತ್ರವನ್ನು ತಾಲಿಬಾನ್ ಅಧಿಕಾರಿಗಳು ಹಂಚಿಕೊಂಡಿದ್ದು, ಬಿಳಿ ಇಟ್ಟಿಗೆಯಿಂದ ನಿರ್ಮಾಣ ಮಾಡಲಾಗಿರುವ ಸಮಾಧಿಗೆ, ಹಸಿರು ಲೋಹದ ಪಂಜರವನ್ನು ಅಳವಡಿಸಲಾಗಿದೆ.</p>.<p>2001ರಲ್ಲಿ ತಾಲಿಬಾನಿಗಳು ಅಧಿಕಾರ ಕಳೆದುಕೊಂಡ ಬಳಿಕ ಮುಲ್ಲಾ ಓಮರ್ನ ಆರೋಗ್ಯದ ಬಗ್ಗೆ ಹಲವು ಊಹಾಪೋಹಗಳು ಕೇಳಿ ಬಂದಿದ್ದವು. 2015ರಲ್ಲಿ ಮುಲ್ಲಾ ಓಮರ್ 2 ವರ್ಷಗಳ ಹಿಂದೆಯೇ ಮೃತನಾಗಿದ್ದಾನೆ ಎಂದು ತಾಲಿಬಾನ್ ಹೇಳಿತ್ತು.</p>.<p>1993ರಲ್ಲಿ ಮುಲ್ಲಾ ಓಮರ್ ತಾಲಿಬಾನ್ ಸಂಘಟನೆಯನ್ನು ಹುಟ್ಟು ಹಾಕಿದ್ದ. ಆ ವೇಳೆ ಆತನಿಗೆ 55 ವರ್ಷ ವಯಸ್ಸಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾಬೂಲ್:</strong> ಸಂಸ್ಥಾಪಕ ಮುಲ್ಲಾ ಓಮರ್ನ ಸಮಾಧಿ ಸ್ಥಳವನ್ನು ತಾಲಿಬಾನ್ ಸುಮಾರು 9 ವರ್ಷಗಳ ಬಳಿಕ ಬಹಿರಂಗಪಡಿಸಿದೆ.</p>.<p>2013ರಲ್ಲಿ ಮೃತನಾಗಿದ್ದ ಮುಲ್ಲಾ ಓಮರ್ನ ಸಮಾಧಿ ಸ್ಥಳವನ್ನು ಈವರೆಗೂ ತಾಲಿಬಾನ್ ಗೌಪ್ಯವಾಗಿ ಇರಿಸಿತ್ತು.</p>.<p>ಝಬುಲ್ ಪ್ರಾಂತ್ಯದ ಸೂರಿ ಜಿಲ್ಲೆಯಲ್ಲಿರುವ ಒಮರಾಝೋದಲ್ಲಿ ಮುಲ್ಲಾ ಓಮರ್ನ ಸಮಾಧಿ ಇದ್ದು, ಭಾನುವಾರ ಬೆಳಿಗ್ಗೆ ತಾಲಿಬಾನ್ ನಾಯಕರು ಅಲ್ಲಿಗೆ ಭೇಟಿ ನೀಡಿದ್ದಾರೆ ಎಂದು ತಾಲಿಬಾನ್ ವಕ್ತಾರ ಝಬಿಯುಲ್ಲಾ ಮುಜಾಹಿದ್ ಹೇಳಿದ್ದಾರೆ.</p>.<p>‘ನಮ್ಮ ಸುತ್ತಮುತ್ತ ಹಲವು ಶತ್ರುಗಳು ಇದ್ದಿದ್ದರಿಂದ ಹಾಗೂ ದೇಶವನ್ನು ವಿರೋಧಿಗಳು ಆಕ್ರಮಿಸಿಕೊಂಡಿದ್ದರಿಂದ ನಾವು ಈವರೆಗೆ ಸಮಾಧಿ ಸ್ಥಳವನ್ನು ಗೌಪ್ಯವಾಗಿಟ್ಟಿದ್ದೆವು. ಅವರ ನಿಕಟ ಸಂಬಂಧಿಕರು ಹಾಗೂ ಸ್ನೇಹಿತರಿಗೆ ಮಾತ್ರ ಸಮಾಧಿ ಸ್ಥಳದ ಬಗ್ಗೆ ಮಾಹಿತಿ ಇತ್ತು‘ ಎಂದು ಮುಜಾಹಿದ್ ಹೇಳಿದ್ದಾರೆ.</p>.<p>ಅಲ್ಲದೇ ‘ಈಗ ಜನ ಸಮಾಧಿ ಸಂದರ್ಶನಕ್ಕೆ ತೆರಳಬಹುದಾಗಿದೆ ಎನ್ನುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ‘ ಎಂದು ಅವರು ಹೇಳಿದ್ದಾರೆ.</p>.<p>ಸಮಾಧಿಯ ಚಿತ್ರವನ್ನು ತಾಲಿಬಾನ್ ಅಧಿಕಾರಿಗಳು ಹಂಚಿಕೊಂಡಿದ್ದು, ಬಿಳಿ ಇಟ್ಟಿಗೆಯಿಂದ ನಿರ್ಮಾಣ ಮಾಡಲಾಗಿರುವ ಸಮಾಧಿಗೆ, ಹಸಿರು ಲೋಹದ ಪಂಜರವನ್ನು ಅಳವಡಿಸಲಾಗಿದೆ.</p>.<p>2001ರಲ್ಲಿ ತಾಲಿಬಾನಿಗಳು ಅಧಿಕಾರ ಕಳೆದುಕೊಂಡ ಬಳಿಕ ಮುಲ್ಲಾ ಓಮರ್ನ ಆರೋಗ್ಯದ ಬಗ್ಗೆ ಹಲವು ಊಹಾಪೋಹಗಳು ಕೇಳಿ ಬಂದಿದ್ದವು. 2015ರಲ್ಲಿ ಮುಲ್ಲಾ ಓಮರ್ 2 ವರ್ಷಗಳ ಹಿಂದೆಯೇ ಮೃತನಾಗಿದ್ದಾನೆ ಎಂದು ತಾಲಿಬಾನ್ ಹೇಳಿತ್ತು.</p>.<p>1993ರಲ್ಲಿ ಮುಲ್ಲಾ ಓಮರ್ ತಾಲಿಬಾನ್ ಸಂಘಟನೆಯನ್ನು ಹುಟ್ಟು ಹಾಕಿದ್ದ. ಆ ವೇಳೆ ಆತನಿಗೆ 55 ವರ್ಷ ವಯಸ್ಸಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>