ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಸಮಿತಿಗೆ ಪಾಕಿಸ್ತಾನ ಮರು ಆಯ್ಕೆ

Last Updated 14 ಅಕ್ಟೋಬರ್ 2020, 8:00 IST
ಅಕ್ಷರ ಗಾತ್ರ

ಇಸ್ಲಾಮಾಬಾದ್‌: ಪಾಕಿಸ್ತಾನದಲ್ಲಿ ಮಾನವ ಹಕ್ಕುಗಳು ದಮನವಾಗುತ್ತಿವೆ ಎಂಬ ಆರೋಪಗಳ ನಡುವೆಯೂ, ಆ ರಾಷ್ಟ್ರ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಸಮಿತಿಗೆ ಮರು ಆಯ್ಕೆಯಾಗಿದೆ.

ಏಷ್ಯಾ– ಪೆಸಿಫಿಕ್‌ನ ವಲಯದ ಐದು ಅಭ್ಯರ್ಥಿಗಳ ಪೈಕಿ ಪಾಕಿಸ್ತಾನಕ್ಕೆ ಅತಿ ಹೆಚ್ಚು ಮತಗಳು ಲಭಿಸಿವೆ. ಪಾಕಿಸ್ತಾನ 169, ಉಜ್ಬೇಕಿಸ್ತಾನ 164, ನೇಪಾಳ 150, ಚೀನಾ 139 ಮತಗಳನ್ನು ಪಡೆದು ಆಯ್ಕೆಯಾಗಿವೆ.

ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಸಮಿತಿ ಚುನಾವಣೆಗೆ ಸ್ಪರ್ಧಿಸಿದ್ದಚೀನಾ, ರಷ್ಯಾ, ಸೌದಿ ಅರೇಬಿಯಾ, ಕ್ಯೂಬಾ,‍ ಪಾಕಿಸ್ತಾನ ಮತ್ತು ಉಜ್ಬೇಕಿಸ್ತಾನ ದೇಶಗಳನ್ನು ವಿರೋಧಿಸಬೇಕು ಎಂದು ಕಳೆದ ವಾರ ಯುರೋಪ್‌ನ ಮಾನವ ಹಕ್ಕುಗಳ ಗುಂಪು, ಅಮೆರಿಕ ಮತ್ತು ಕೆನಡಾ ರಾಷ್ಟ್ರಗಳು ಕರೆ ನೀಡಿದ್ದವು. ಆ ದೇಶಗಳ ಮಾನವ ಹಕ್ಕುಗಳ ಹಿನ್ನೆಲೆಯೇ ಅವರನ್ನು ಅನರ್ಹರನ್ನಾಗಿಸಿವೆ ಎಂದು ಗುಂಪುಗಳು ಪ್ರತಿಪಾದಿಸಿದ್ದವು.

‌ಆದರೆ, ಈ ಬಾರಿ ರಷ್ಯಾ ಮತ್ತು ಕ್ಯೂಬಾ ರಾಷ್ಟ್ರಗಳು ಅವಿರೋಧವಾಗಿ ಆಯ್ಕೆಯಾದವು. ಪಾಕಿಸ್ತಾನ 2018 ಜ.1 ರಿಂದ ಎಚ್‌ಆರ್‌ಸಿಯ ಸದಸ್ಯ ರಾಷ್ಟ್ರವಾಗಿದ್ದು, ಇದೀಗ ಮರು ಆಯ್ಕೆಯಾಗಿದೆ. ಅದರ ಸದಸ್ಯತ್ವ ಅವಧಿ ಮೂರು ವರ್ಷ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT