ಗುರುವಾರ , ಸೆಪ್ಟೆಂಬರ್ 29, 2022
29 °C

ತಿಂಗಳಿಗೆ ₹2.38 ಲಕ್ಷ ಪ್ರೋತ್ಸಾಹಧನ: ಯುದ್ಧಕ್ಕಾಗಿ ರಷ್ಯಾ ಸೇನೆಯಿಂದ ನೇಮಕಾತಿ

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

ಮಾಸ್ಕೊ: ಉಕ್ರೇನ್‌ ವಿರುದ್ಧ ಕೈಗೊಂಡಿರುವ ‘ವಿಶೇಷ ಮಿಲಿಟರಿ ಕಾರ್ಯಾಚರಣೆ’ಯಲ್ಲಿ ಹೋರಾಡಲು ರಷ್ಯಾ ಗುತ್ತಿಗೆ ಆಧಾರದಲ್ಲಿ ಸೈನಿಕರನ್ನು ನೇಮಿಸಿಕೊಳ್ಳುತ್ತಿದೆ. ಜನರನ್ನು ಆಕರ್ಷಿಸಲು ಮೊಬೈಲ್ ನೇಮಕಾತಿ ಟ್ರಕ್‌ಗಳನ್ನು ಅಲ್ಲಲ್ಲಿ ನಿಯೋಜಿಸಲಾಗುತ್ತಿದೆ. ತಿಂಗಳಿಗೆ $3,000 (₹2,38,951) ಪ್ರೋತ್ಸಾಹಧನ ನೀಡುವುದಾಗಿ ಹೇಳಿದೆ.

ಇದನ್ನೂ ಓದಿ:  

‘ಒಪ್ಪಂದದ ಆಧಾರದ ಮೇಲೆ ಮಿಲಿಟರಿ ಸೇವೆ - ನಿಜವಾದ ಮನುಷ್ಯನ ಆಯ್ಕೆ’ ಎಂಬ ಶೀರ್ಷಿಕೆಯ ಕರಪತ್ರಗಳನ್ನು ನೇಮಕಾತಿ ಟ್ರಕ್‌ಗಳ ಮೂಲಕ ಜನರಿಗೆ ವಿತರಿಸಲಾಗುತ್ತಿದೆ.

ನೇಮಕಾತಿಯಲ್ಲಿ ಪುರುಷರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿರುವುದಾಗಿ ನೇಮಕಾತಿ ಟ್ರಕ್‌ವೊಂದರ ಉಸ್ತುವಾರಿ ಅಧಿಕಾರಿ ಮಾಹಿತಿ ನೀಡಿದ್ದಾರೆ. ಕನಿಷ್ಠ ಪ್ರೌಢಶಾಲಾ ಶಿಕ್ಷಣ ಹೊಂದಿರುವ 18 ರಿಂದ 60 ವರ್ಷ ವಯಸ್ಸಿನ ರಷ್ಯನ್ನರು ಮತ್ತು ವಿದೇಶಿಗರು ನೇಮಕಾತಿಗೆ ಅರ್ಹರು ಎಂದು ಉಸ್ತುವಾರಿ ಅಧಿಕಾರಿ ಹೇಳಿದ್ದಾರೆ.

‘ದೇಶಭಕ್ತಿ ಹೊಂದಿರುವ ನಾಗರಿಕರು ವಿಶೇಷ ಮಿಲಿಟರಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಳ್ಳಬಹುದು. ಅವರಿಂದ ಮೂರು ಅಥವಾ ಆರು ತಿಂಗಳ ಒಪ್ಪಂದಕ್ಕೆ ಸಹಿ ಪಡೆಯಲಾಗುತ್ತದೆ’ ಎಂದು ಮೇಜರ್ ಸೆರ್ಗೆಯ್ ಅರ್ದಶೇವ್ ಎಂಬುವವರು ಹೇಳಿದ್ದಾರೆ.

ಕನಿಷ್ಠ ಮಾಸಿಕ ವೇತನವು 160,000 ರೂಬಲ್ಸ್‌ಗಳು (₹2,10,646) ಆಗಿದ್ದು, ಇದು ರಾಷ್ಟ್ರೀಯ ಸರಾಸರಿಗಿಂತ ಸುಮಾರು ಮೂರು ಪಟ್ಟು ಹೆಚ್ಚು.

ರಷ್ಯಾ ಆಗಲಿ, ಉಕ್ರೇನ್ ಆಗಲಿ ಈ ವರೆಗೆ ಯುದ್ಧದಲ್ಲಾದ ನಷ್ಟದ ಬಗ್ಗೆ ಬಹಿರಂಗಪಡಿಸಿಲ್ಲ. ಪಾಶ್ಚಿಮಾತ್ಯ ಗುಪ್ತಚರ ಸಂಸ್ಥೆಗಳು ಎರಡೂ ಕಡೆಗಳಲ್ಲಿ ಹತ್ತಾರು ಸಾವಿರ ಸಂಖ್ಯೆಯ ಸೈನಿಕರು ಮೃತಪಟ್ಟಿರುವುದಾಗಿ ಹೇಳಿವೆ.

ಮಾರ್ಚ್ 25 ರಿಂದ ಮಾಸ್ಕೋ ಅಧಿಕೃತ ಸಾವಿನ ಸಂಖ್ಯೆಯನ್ನು ತಿಳಿಸಿಲ್ಲ. 1,351 ರಷ್ಯಾದ ಸೈನಿಕರು ಮೃತಪಟ್ಟಿರುವುದಾಗಿಯೂ ಮತ್ತು 3,825 ಮಂದಿ ಗಾಯಗೊಂಡಿರುವುದಾಗಿಯೂ ರಷ್ಯಾ ಅಂದು ಹೇಳಿತ್ತು.

ಇವುಗಳನ್ನೂ ಓದಿ 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು