ಉಕ್ರೇನ್‌ ಸೇನಾ ನೆಲೆಯ ಮೇಲೆ ರಷ್ಯಾದ ವೈಮಾನಿಕ ದಾಳಿ: 51ಕ್ಕೂ ಹೆಚ್ಚು ಮಂದಿ ಸಾವು

ಲುವಿವ್ :ಉಕ್ರೇನ್ನ ಪೂರ್ವ ಮತ್ತು ಕೇಂದ್ರ ಭಾಗವನ್ನು ಗುರಿಯಾಗಿಸಿ ದಾಳಿ ನಡೆಸುತ್ತಿದ್ದ ರಷ್ಯಾ ಪಡೆಗಳು ಭಾನುವಾರ ಪಶ್ಚಿಮ ಭಾಗದಿಂದಲೂ ದಾಳಿ ಆರಂಭಿಸಿವೆ. ಪೋಲೆಂಡ್ ಗಡಿ ಹತ್ತಿರದಲ್ಲಿರುವ ಉಕ್ರೇನ್ನ ಸೇನಾ ನೆಲೆ ಮತ್ತು ಜನವಸತಿ ಪ್ರದೇಶಗಳ ಮೇಲೆ ರಷ್ಯಾ ಯುದ್ಧ ವಿಮಾನಗಳು ಬಾಂಬ್ ಮತ್ತು ಕ್ಷಿಪಣಿಗಳ ಸುರಿಮಳೆಗರೆದಿವೆ. ಇದರಿಂದ 51ಕ್ಕೂ ಹೆಚ್ಚು ಜನರುಮೃತಪಟ್ಟಿದ್ದಾರೆ.

. ಪೋಲೆಂಡ್ ಗಡಿಗೆ 25 ಕಿ.ಮೀ. ಅಂತರದಲ್ಲಿರುವಯವೊರಿವ್ ಸೇನಾ ನೆಲೆ ಮೇಲೆರಷ್ಯಾ ವಿಮಾನಗಳು ಸುಮಾರು 30 ರಾಕೆಟ್ಗಳನ್ನು ಉಡಾಯಿಸಿವೆ. ಕನಿಷ್ಠ 35 ಮಂದಿ ಮೃತಪಟ್ಟಿದ್ದು, 134 ಜನರು ಗಾಯಗೊಂಡಿದ್ದಾರೆ. ಇಡೀ ಪ್ರದೇಶದಲ್ಲಿ ದಟ್ಟ ಹೊಗೆ, ಬೆಂಕಿ ಆವರಿಸಿದೆ. ಆಂಬುಲೆನ್ಸ್ಗಳು ಸ್ಥಳಕ್ಕೆ ಧಾವಿಸಿವೆ ಎಂದು ಸ್ಥಳೀಯ ಗವರ್ನರ್ ಮಾಕ್ಸಿಮ್ ನೀಡಿರುವ ಮಾಹಿತಿ ಆಧರಿಸಿ ರಾಯಿಟರ್ಸ್ ಸುದ್ದಿಸಂಸ್ಥೆ ವರದಿ ಮಾಡಿದೆ.

. ಇಲ್ಲಿನ ಸೇನಾ ತರಬೇತಿ ಕೇಂದ್ರದಲ್ಲಿನ್ಯಾಟೊ ಪಡೆಗಳೊಂದಿಗೆ ಜಂಟಿ ಸಮರಾಭ್ಯಾಸ ಚಟುವಟಿಕೆಗಳನ್ನು ಉಕ್ರೇನ್ ನಡೆಸುತ್ತಿತ್ತು. ಯವೊರಿವ್ನ ಅಂತರರಾಷ್ಟ್ರೀಯ ಶಾಂತಿಪಾಲನ ಮತ್ತು ಭದ್ರತಾ ಕೇಂದ್ರದಲ್ಲಿ ವಿದೇಶಿ ಮಿಲಿಟರಿ ತರಬೇತುದಾರರು ಈಹಿಂದೆ ಕಾರ್ಯನಿರ್ವಹಿಸಿದ್ದರು. ವಾಯು ದಾಳಿ ನಡೆದಾಗ ಈ ಕೇಂದ್ರದಲ್ಲಿಅವರ ಇರುವಿಕೆಯ ಬಗ್ಗೆ ತಿಳಿದು ಬಂದಿಲ್ಲ.

. ಸೇನಾ ಕಾರ್ಯಾಚರಣೆ 18ನೇ ದಿನಕ್ಕೆ ಕಾಲಿಟ್ಟಿರುವಾಗ ಉಕ್ರೇನ್ನ ಪಶ್ಚಿಮ ಭಾಗದಲ್ಲಿ ರಷ್ಯಾ ನಡೆಸಿದ ಅತಿ ದೊಡ್ಡ ದಾಳಿ ಇದು. ಇದನ್ನು ಪೋಲೆಂಡ್ ಖಂಡಿಸಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರರು ತಿಳಿಸಿದರು.

. ಇದನ್ನೂ ಓದಿ– ರಷ್ಯಾ-ಉಕ್ರೇನ್ ಸಂಘರ್ಷ: ಪ್ರಧಾನಿ ಮೋದಿ ಅಧ್ಯಕ್ಷತೆಯಲ್ಲಿ ಉನ್ನತ ಮಟ್ಟದ ಸಭೆ

. 9 ಮಂದಿ ಸಾವು: ದಕ್ಷಿಣದ ಒಡೆಸ್ಸಾ ಬಂದರು ಸಮೀಪದ ಮೈಕೊಲೈವ್ ನಗರದ ಮೇಲೂ ರಷ್ಯಾ ನಡೆಸಿದ ವಾಯು ದಾಳಿಗೆ 9 ಮಂದಿ ಮೃತಪಟ್ಟರು ಎಂದು ಪ್ರಾದೇಶಿಕ ಗವರ್ನರ್ ವಿಟಾಲಿಯ ಕಿಮ್ ತಿಳಿಸಿದರು.

. ರಷ್ಯಾ ಪಡೆಗಳು ಕೀವ್ ವಶಕ್ಕೆ ಮುನ್ನುಗ್ಗಿ ಬರುತ್ತಿದ್ದು, ನಗರ ಸಮೀಪಿಸುತ್ತಿವೆ. ಸದ್ಯದಲ್ಲೇ ಇಡೀ ನಗರವನ್ನು ರಷ್ಯಾ ಸೇನೆ ಸುತ್ತುವರಿಯುವ ಸಾಧ್ಯತೆ ಇದೆ ಎಂದುಅವರು ಹೇಳಿದ್ದಾರೆ.

. 7 ನಿರಾಶ್ರಿತರು ಸಾವು: ಕೀವ್ ಸಮೀಪದ ಪೆರೆಮೊಹಾ ಹಳ್ಳಿಯ ಬಳಿ ನಿರಾಶ್ರಿತರನ್ನು ಸ್ಥಳಾಂತರಿಸುತ್ತಿದ್ದ ಮಾನವೀಯ ಬೆಂಗಾವಲು ಪಡೆಯ ಮೇಲೆ ರಷ್ಯಾ ಪಡೆಗಳು ಭಾನುವಾರ ನಡೆಸಿದ ಶೆಲ್ ದಾಳಿಗೆ ಒಂದು ಮಗು ಸೇರಿ ಉಕ್ರೇನಿನ ಏಳು ನಾಗರಿಕರು ಮೃತಪಟ್ಟಿದ್ದಾರೆ.

. ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸುತ್ತಿದ್ದ ನಿರಾಶ್ರಿತರ ಮೇಲೆ ರಷ್ಯಾ ಶೆಲ್ ದಾಳಿ ನಡೆಸುವ ಮೂಲಕ ಅವರು ಹಿಂದಿರುಗುವಂತೆ ಮಾಡಿದೆ. ಈ ಘಟನೆಯಲ್ಲಿ ಹಲವು ಮಂದಿ ಗಾಯಗೊಂಡಿದ್ದಾರೆ ಎಂದುಉಕ್ರೇನ್ ರಕ್ಷಣಾ ಸಚಿವಾಲಯ ತಿಳಿಸಿದೆ.

. ಮಾನವೀಯ ಕಾರಿಡಾರ್ಗಳನ್ನುಸಂಘರ್ಷಪೀಡಿತ ವಲಯಗಳಾಚೆಗೆ ತೆರೆಯುವುದಾಗಿ ರಷ್ಯಾ ಹೇಳಿದೆ. ಆದರೆ, ಉಕ್ರೇನ್ ಅಧಿಕಾರಿಗಳು, ರಷ್ಯಾ ಪಡೆಗಳು ಮಾನವೀಯ ಕಾರಿಡಾರ್ಗಳಿಗೆ ಅಡ್ಡಿಪಡಿಸುತ್ತಿದ್ದು, ನಾಗರಿಕರ ಮೇಲೆ ಗುಂಡು ಹಾರಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

. ಇದನ್ನೂ ಓದಿ– ರಷ್ಯಾ ಬಾಂಬ್ ದಾಳಿಯ ನಡುವೆಯೂ ನಗುತ್ತಿದ್ದೇವೆ: ಉಕ್ರೇನ್ ನಟನ ಮಾರ್ಮಿಕ ಸಂದೇಶ

. ಮತ್ತೊಬ್ಬ ಮೇಯರ್ ಅಪಹರಣ: ಶನಿವಾರವಷ್ಟೇಮೆಲಿಟೊಪೊಲ್ ನಗರದ ಮೇಯರ್ ಇವಾನ್ ಪೆಡೊರೊವ್ ಅವರನ್ನು ಅಪಹರಿಸಿದ್ದರಷ್ಯಾ ಪಡೆಗಳು, ಭಾನುವಾರನಿಪ್ರೊರುದ್ನೆ ನಗರದ ಮೇಯರ್ ಯುಗ್ಗಿನ್ಮತ್ವೀವ್ ಎಂಬುವವರನ್ನು ಝಪೊರಿಝಿಯಾದಿಂದ ಅಪಹರಿಸಿದ್ದಾರೆ ಎಂದುಉಕ್ರೇನ್ ವಿದೇಶಾಂಗ ವ್ಯವಹಾರಗಳ ಸಚಿವಡಿಮಿಟ್ರೊ ಕುಲೆಬಾ ಭಾನುವಾರ ಟ್ವೀಟ್ ಮಾಡಿದ್ದಾರೆ.

. ‘ಸ್ಥಳೀಯ ನಾಗರಿಕರು ತಿರುಗಿ ಬಿದ್ದಿರುವುದಕ್ಕೆ ರಷ್ಯಾ ಸೈನಿಕರು ಇಂತಹ ಭಯೋತ್ಪಾದನೆಯ ಹಾದಿ ಹಿಡಿದಿದ್ದಾರೆ. ಉಕ್ರೇನ್ ಮತ್ತು ಪ್ರಜಾಪ್ರಭುತ್ವದ ವಿರುದ್ಧ ರಷ್ಯಾ ನಡೆಸುತ್ತಿರುವ ಭಯೋತ್ಪಾದನೆ ನಿಲ್ಲಿಸಲು ಎಲ್ಲ ರಾಷ್ಟ್ರಗಳೂ ಒಗ್ಗೂಡಬೇಕು’ ಎಂದುಝಪ್ರೊರಿಝಿಯಾ ಪ್ರದೇಶದ ರಾಜ್ಯ ಆಡಳಿತದ ಮುಖ್ಯಸ್ಥ ಒಲೆಕ್ಸಾಂಡರ್ ಸ್ಟಾರುಖ್ ಮನವಿ ಮಾಡಿದ್ದಾರೆ.

. ಅಪಹರಣಕ್ಕೊಳಗಾಗಿರುವ ಮೇಯರ್ಗಳನ್ನು ಸುರಕ್ಷಿತವಾಗಿ ಬಿಡುಗಡೆ ಮಾಡಿಸಲು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿಜರ್ಮನಿ, ಫ್ರಾನ್ಸ್ ಹಾಗೂ ಇಸ್ರೇಲ್ ದೇಶಗಳ ಸಹಾಯ ಯಾಚಿಸಿದ್ದಾರೆ.

. ದಿನದ ಬೆಳವಣಿಗೆಗಳು * ಉಕ್ರೇನಿನ 50 ನಿರಾಶ್ರಿತರನ್ನು ಕರೆದೊಯ್ಯುತ್ತಿದ್ದ ಬಸ್ಇಟಲಿಯ ಎಮಿಲಿಯಾ-ರೊಮಾಗ್ನ ಪ್ರಾಂತ್ಯದ ಫೊರ್ಲಿಯಲ್ಲಿ ಉರುಳಿಬಿದ್ದು, ಒಬ್ಬರು ಮೃತಪಟ್ಟಿದ್ದಾರೆ. ಈ ಬಸ್ ಅಡ್ರಿಯಾಟಿಕ್ ಬಂದರು ನಗರ ಪೆಸ್ಕರಾಗೆ ತೆರಳುತ್ತಿತ್ತು * ಉಕ್ರೇನ್ ಮೇಲಿನ ಸೇನಾ ಕಾರ್ಯಾಚರಣೆ ವಿರೋಧಿಸಿ ರಷ್ಯಾ ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದ 250ಕ್ಕೂ ಹೆಚ್ಚು ನಾಗರಿಕರನ್ನು ರಷ್ಯಾ ಪೊಲೀಸರು ವಶಕ್ಕೆ ಪಡೆದಿದ್ದಾರೆ * ಉಕ್ರೇನ್ನಲ್ಲಿ ರಷ್ಯಾ ಹೊಸ ‘ಕೈಗೊಂಬೆ-ಗಣರಾಜ್ಯ’ ಸ್ಥಾಪಿಸುವ ಪ್ರಯತ್ನ ನಡೆಸುತ್ತಿದೆ. ಉಕ್ರೇನ್ ಅನ್ನು ಒಡೆಯಲು ಹುನ್ನಾರ ನಡೆಸಿದೆ– ವೊಲೊಡಿಮಿರ್ ಝೆಲೆನ್ಸ್ಕಿ ಆರೋಪ * ಮಾನವೀಯ ಕಾರಿಡಾರ್ಗಳ ಮೂಲಕ ಇದುವರೆಗೆ 1.25 ಲಕ್ಷ ನಾಗರಿಕರನ್ನು ಸ್ಥಳಾಂತರಿಸಲಾಗಿದೆ–ಝೆಲೆನ್ಸ್ಕಿ * ಉಕ್ರೇನ್ ನಿರಾಶ್ರಿತ ಕುಟುಂಬಕ್ಕೆ ಮಾಸಿಕ ತಲಾ 350 ಪೌಂಡ್ ಧನ ಸಹಾಯ ನೀಡುವುದಾಗಿ ಬ್ರಿಟನ್ ಭರವಸೆ * ಪಾಶ್ಚಿಮಾತ್ಯ ರಾಷ್ಟ್ರಗಳ ನಿರ್ಬಂಧಗಳಿಂದ ಅರ್ಥವ್ಯವಸ್ಥೆಗೆ ಆಗಿರುವ ನಷ್ಟವನ್ನು ಸರಿಪಡಿಸಿಕೊಳ್ಳಲು ಚೀನಾದ ನೆರವಿನ ನಿರೀಕ್ಷೆಯಲ್ಲಿದೆ ರಷ್ಯಾ. ಆದರೆ, ರಷ್ಯಾದ ಆರ್ಥಿಕತೆಯ ಪುನಶ್ಚೇತನಕ್ಕೆ ನೆರವು ನೀಡದಂತೆ ಚೀನಾಕ್ಕೆ ಅಮೆರಿಕ ಎಚ್ಚರಿಕೆ ನೀಡಿದೆ * ರಷ್ಯಾ ಸೈನಿಕರಿಂದ ಮರಿಯುಪೋಲ್ ನಗರವೊಂದರಲ್ಲೇ ಈವರೆಗೆ 2,100 ನಾಗರಿಕರ ಹತ್ಯೆ– ಉಕ್ರೇನ್ ಅಧಿಕಾರಿಗಳ ಹೇಳಿಕೆ * ಉಕ್ರೇನ್ ಮೇಲಿನ ರಷ್ಯಾ ಆಕ್ರಮಣ ಸಂಬಂಧ ಅಮೆರಿಕದ ಉನ್ನತ ನಿಯೋಗ ಸೋಮವಾರ ಚೀನಾದ ಉನ್ನತ ಅಧಿಕಾರಿಗಳೊಂದಿಗೆ ರೋಮ್ನಲ್ಲಿ ಮಹತ್ವದ ಮಾತುಕತೆ ನಡೆಸುವುದಾಗಿ ಶ್ವೇತಭವನ ಹೇಳಿದೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಕ್ರೇನ್‌ ಸೇನಾ ನೆಲೆಯ ಮೇಲೆ ರಷ್ಯಾದ ವೈಮಾನಿಕ ದಾಳಿ: 51ಕ್ಕೂ ಹೆಚ್ಚು ಮಂದಿ ಸಾವು

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌

ವಿಂಬಲ್ಡನ್‌ ಟೆನಿಸ್ ಟೂರ್ನಿ: ಮ್ಯಾಡಿಸನ್‌ಗೆ ಲಾರಾ ಆಘಾತ

ಡುರಾಂಡ್‌ ಕಪ್‌: ಪ್ರಶಸ್ತಿಗೆ 24 ತಂಡಗಳ ಪೈಪೋಟಿ

IND vs ENG: ಬ್ರೂಕ್-ಸ್ಮಿತ್ ತ್ರಿಶತಕ ಜೊತೆಯಾಟ; ಇಂಗ್ಲೆಂಡ್ ದಿಟ್ಟ ಹೋರಾಟ

‘ಕಿಚ್ಚಸ್ ಕಿಂಗ್ಸ್ ಬೆಂಗಳೂರು’ಕ್ಕೆ ಚಾಲನೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌