ಸೋಮವಾರ, ಜುಲೈ 4, 2022
23 °C

ಚೀನಾ ತಾಲಿಬಾನ್‌ನ್ನು ಅನುಕರಿಸುವ ಕನಸು ಕಾಣುತ್ತಿದೆ: ತೈವಾನ್

ರಾಯಿಟರ್ಸ್ Updated:

ಅಕ್ಷರ ಗಾತ್ರ : | |

ತೈಫೆ: ‘ಚೀನಾ ತಾಲಿಬಾನ್‌ನ್ನು ಅನುಕರಿಸುವ ಕನಸು ಕಾಣುತ್ತಿದೆ‘ ಎಂದು ತೈವಾನ್ ವಿದೇಶಾಂಗ ಸಚಿವ ಜೋಸೆಫ್ ವು ಆರೋಪಿಸಿದ್ದಾರೆ.

ಅಮೆರಿಕದ ಬೆಂಬಲದಿಂದ ತೈವಾನ್ ಚೀನಾದ ವಿರೋಧವನ್ನು ಕಟ್ಟಿಕೊಂಡಿದ್ದು, ‘ಅಮೆರಿಕದಿಂದ ಅಫ್ಗಾನಿಸ್ತಾನಕ್ಕೆ ಆದ ಗತಿಯೇ ನಮಗೂ ಆಗಬಹುದೇ?‘ ಎಂಬ ಬಿಸಿಬಿಸಿ ಚರ್ಚೆ ತೈವಾನ್‌ಲ್ಲಿ ಶುರುವಾಗಿದೆ.

‘ತೈವಾನ್ ಚೀನಾದ ಸಾರ್ವಭೌಮ ಪ್ರದೇಶವೆಂದು ಹೇಳಿಕೊಳ್ಳಲು ಅದು ಪ್ರಯತ್ನಿಸುತ್ತದೆ. ಆದರೆ, ನಾವು ಮಾನವೀಯತೆಯ ವಿರುದ್ಧದ ಅಪರಾಧಗಳಿಗೆ ಒಳಪಟ್ಟಿಲ್ಲ. ಚೀನಾ ತಾಲಿಬಾನ್‌ಗಳನ್ನು ಅನುಕರಿಸುವ ಕನಸು ಕಾಣುತ್ತಿದೆ‘ ಎಂದು ಜೋಸೆಫ್ ವು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ತೈವಾನ್ ಮೇಲೆ ಚೀನಾದ ಒತ್ತಡವನ್ನು ನಿಲ್ಲಿಸುವಂತೆ ಅಮೆರಿಕ ವಿದೇಶಾಂಗ ಸಚಿವಾಲಯದ ಕರೆಯನ್ನು ಪುನರುಚ್ಚಿಸಿರುವ ಜೋಸೆಫ್ ವು, ತೈವಾನ್‌ನ ಜನರ ಹಿತಾಸಕ್ತಿಗಳನ್ನು ಎತ್ತಿ ಹಿಡಿದಿರುವುದಕ್ಕೆ ಅಮೆರಿಕಕ್ಕೆ ಧನ್ಯವಾದಗಳನ್ನು ತಿಳಿಸಿದ್ದಾರೆ.

ಚೀನಾ ತನ್ನದೇ ಕ್ಸಿನ್ ಜಿಯಾಂಗ್‌ನಲ್ಲಿ ಇಸ್ಲಾಮಿಕ್ ಉಗ್ರರ ಮೇಲೆ ಒಂದು ಕಣ್ಣಿಟ್ಟಿದೆ. ಅದಾಗ್ಯೂ ಸಹ ಅದು ತಾಲಿಬಾನ್‌ನೊಂದಿಗೆ ಸಂಪರ್ಕ ಬೆಳೆಸಲು ಪ್ರಯತ್ನಿಸುತ್ತಿದೆ ಎಂದು ವು ಹೇಳಿದ್ದಾರೆ.

ಇತ್ತೀಚಿನ ತಿಂಗಳುಗಳಲ್ಲಿ ಚೀನಾ ರಾಜತಾಂತ್ರಿಕ ಮತ್ತು ಮಿಲಿಟರಿ ಒತ್ತಡವನ್ನು ತೈವಾನ್ ಮೇಲೆ ಹೆಚ್ಚಿಸಿದೆ ಎಂದು ತೈವಾನ್ ದೂರಿದೆ. ತೈವಾನ್ ಗಡಿಯಲ್ಲಿ ಚೀನಾದ ವಾಯುಪಡೆ ಮತ್ತು ನೌಕಾಪಡೆಯ ಅಭ್ಯಾಸಗಳು ಅಮೆರಿಕ ಮತ್ತು ಇತರ ಪಾಶ್ಚಿಮಾತ್ಯ ದೇಶಗಳಲ್ಲಿ ಆತಂಕವನ್ನು ಉಂಟುಮಾಡಿದೆ.

ಇವುಗಳನ್ನೂ ಓದಿ

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು