ಪತ್ರಕರ್ತ ಸತೀಶ್ ಚಪ್ಪರಿಕೆ ಅವರು ಸುದೀರ್ಘ ಬಿಡುವಿನ ಬಳಿಕ ಕಥೆಗಾರರಾಗಿ ಮತ್ತೆ ಕನ್ನಡಿಗರ ಮುಂದೆ ಬಂದಿದ್ದಾರೆ. ಅವರ ಮೊದಲ ಕಥಾ ಸಂಕಲನ ಪ್ರಕಟವಾಗಿ ಹಲವು ವರ್ಷಗಳ ಬಳಿಕ ಅವರ ಎರಡನೇ ಕಥಾ ಸಂಕಲನ ‘ವರ್ಜಿನ್ ಮೊಹಿತೊ’ ಇದೀಗ ಓದುಗರ ಕೈಯಲ್ಲಿದೆ. ಸಂಕಲನದಲ್ಲಿ ಒಟ್ಟು ಏಳು ಕಥೆಗಳಿವೆ. ಅದರಲ್ಲಿ ಆರು ಕಥೆಗಳು ಆಷಾಢದ ಮಳೆ ಹನಿಗಳ ಮಧ್ಯೆ ಹುಟ್ಟಿದಂಥವು ಎಂದು ಲೇಖಕರು ಹೇಳಿಕೊಂಡಿದ್ದಾರೆ. ಆದರೆ, ಒಂದರ ನೆರಳು, ಮತ್ತೊಂದರ ಮೇಲೆ ಬಿದ್ದಿಲ್ಲ. ಅಷ್ಟರಮಟ್ಟಿಗೆ ಒಂದಕ್ಕಿಂತ ಇನ್ನೊಂದು ಅನನ್ಯ. ಸಮಕಾಲೀನ ಬದುಕಿನ ಸಂಘರ್ಷಗಳನ್ನು ವಿಶ್ಲೇಷಿಸುವ ಗುಣ ಈ ಕಥೆಗಳಲ್ಲಿ ಕಾಣುತ್ತದೆ.