ಛತ್ರಪತಿ ಶಿವಾಜಿ ಪರಂಪರೆಯಿಂದ ಬಂದ ಅರಸೊತ್ತಿಗೆ ವಾರಸುದಾರ ಹಕ್ಕಿನಿಂದಾಗಿ ರಾಜನಾಗಿರಲಿಲ್ಲ. ಮಾವಳಿಗರೆಂಬ ದನಗಾಹಿಗಳನ್ನು ಸಂಘಟನೆ ಮಾಡಿ ಹೊಸ ಸಾಮ್ರಾಜ್ಯ ಕಟ್ಟಿದ ಮೇರುಪುರುಷ. ಗದಗಿನ ಲಕ್ಕೋಜಿ ಜಾಧವರ ಮಗಳು ಜೀಜಾಭಾಯಿ ಶಿವಾಜಿಯ ತಾಯಿ. ತಾಯಿಯಿಂದ ಶೌರ್ಯ, ಧೈರ್ಯ, ಸಾಹಸ ಗುಣಗಳನ್ನು ಬಾಲ್ಯದಲ್ಲಿಯೆ ಕಲಿತರು. ಪುಣೆ ಜಹಗೀರು ಪ್ರಾಂತ್ಯ ನೋಡಿಕೊಳ್ಳುತ್ತಿದ್ದ ಶಿವಾಜಿಯ ತಂದೆ ಶಹಜಿ ಭೌನ್ಸಲೆ ಮತ್ತು ಗುರು ದಾದಾಜಿ ಕೊಂಡದೇವ ಅವರ ಉದಾತ್ತ ಗುಣಧರ್ಮಗಳು ಬಾಲಕ ಶಿವಾಜಿಯಲ್ಲಿ ಬೆಳೆದವು.
