ಗುರುವಾರ , ಮೇ 13, 2021
36 °C

`ಟಿಡಿಎಸ್' ವಿಳಂಬ; ರೂ.1ಲಕ್ಷ ದಂಡ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ಮೂಲದಲ್ಲೇ ಕಡಿತ ಮಾಡಿದ ತೆರಿಗೆ(ಟಿಡಿಎಸ್) ಅಥವಾ ಮೂಲದಲ್ಲೇ ಸಂಗ್ರಹಿಸಿದ ತೆರಿಗೆಯನ್ನು(ಟಿಸಿಎಸ್) ನಿಗದಿತ ಅವಧಿಯೊಳಗೆ ಸರ್ಕಾರಕ್ಕೆ ಜಮಾ ಮಾಡದೇ ಇದ್ದರೆ ರೂ.200ರಿಂದ ರೂ.1 ಲಕ್ಷದವರೆಗೂ ದಂಡ ವಿಧಿಸಲಾಗುವುದು ಎಂದು ಆದಾಯ ತೆರಿಗೆ ಇಲಾಖೆ ಎಚ್ಚರಿಕೆ ನೀಡಿದೆ.



ಈ ಬಗ್ಗೆ ಅಧಿಕೃತ ತೆರಿಗೆ ಕಡಿತದಾರ ಸಂಸ್ಥೆಗಳಿಗೆ ಮಾಹಿತಿ ನೀಡಿರಿ ಮತ್ತು ಸಂಗ್ರಹವಾದ ತೆರಿಗೆ ಮೊತ್ತ ಸರ್ಕಾರದ ಖಜಾನೆಗೆ ಜಮಾ ಆಗುವಂತೆ ನೋಡಿಕೊಳ್ಳಿರಿ ಎಂದು ದೇಶದ ಎಲ್ಲೆಡೆಯ `ಟಿಡಿಎಸ್' ಕಚೇರಿಗಳಿಗೆ `ಕೇಂದ್ರ ನೇರ ತೆರಿಗೆ ಮಂಡಳಿ'(ಸಿಬಿಡಿಟಿ) ಬುಧವಾರ ನಿರ್ದೇಶನ ನೀಡಿದೆ.



ಅಧಿಕೃತವಾಗಿ `ಟಿಡಿಎಸ್' ಅಥವಾ `ಟಿಸಿಎಸ್' ಕ್ರಮ ಕೈಗೊಳ್ಳುವ ಸಂಸ್ಥೆಗಳು ಸಂಗ್ರಹಿಸಿದ ತೆರಿಗೆ ಮತ್ತು ಲೆಕ್ಕಪತ್ರ ವಿವರಗಳನ್ನು ನಿಗದಿತ ಅವಧಿಯೊಳಗೆ ಸಲ್ಲಿಸಲೇಬೇಕು. ಇಲ್ಲವಾದರೆ ಖಾಸಗಿ ಅಥವಾ ಸರ್ಕಾರಿ ಸಂಸ್ಥೆಯೇ ಆಗಿರಲಿ ದಿನಕ್ಕೆ ರೂ.100ರ ಲೆಕ್ಕದಲ್ಲಿ ದಂಡ ಪಾವತಿಸಬೇಕಾಗುತ್ತದೆ ಎಂದು `ಸಿಬಿಡಿಟಿ' ಸ್ಪಷ್ಟವಾಗಿ ಹೇಳಿದೆ.



ಕಳೆದ ಹಣಕಾಸು ವರ್ಷದ ಒಟ್ಟಾರೆ ನೇರ ತೆರಿಗೆ ಸಂಗ್ರಹ ಮೊತ್ತದಲ್ಲಿ ಶೇ 41ರಷ್ಟು `ಟಿಡಿಎಸ್' ಮೂಲದಿಂದಲೇ ಬಂದಿದೆ ಎಂಬುದು ಗಮನಾರ್ಹ. ಒಟ್ಟು ರೂ.5,58,970 ಕೋಟಿ ನೇರ ತೆರಿಗೆ ಸಂಗ್ರಹವಾಗಿದ್ದರೆ, ಇದರಲ್ಲಿ ರೂ.2,30,188 ಕೋಟಿ `ಟಿಡಿಎಸ್' ಕೊಡುಗೆಯಾಗಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.