ಸೋಮವಾರ, ಮೇ 17, 2021
30 °C
ಕಂಪ್ಯೂಟರ್ ಕೀಲಿಮಣೆ ಮೇಲೆ ಕೈ ಇಟ್ಟು ಅಚಾತುರ್ಯ

ನಿದ್ದೆಯಲ್ಲಿ ಹೋಯ್ತು ಕೋಟಿ ಕೋಟಿ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬರ್ಲಿನ್ (ಪಿಟಿಐ): ಜರ್ಮನ್ ಬ್ಯಾಂಕ್‌ನ ಉದ್ಯೋಗಿಯೊಬ್ಬ ತನ್ನ ಕಂಪ್ಯೂಟರ್‌ನ ಕೀಲಿ ಮಣೆ ಮೇಲೆಯೇ ನಿದ್ರಾದೇವಿಯ ತೆಕ್ಕೆಗೆ ಜಾರಿ,  29.4 ಕೋಟಿ   ಡಾಲರ್ ಹಣವನ್ನು ಆಕಸ್ಮಿಕವಾಗಿ ಬೇರೆ ಖಾತೆಗೆ ವರ್ಗಾಯಿಸಿದ್ದಾನೆ. ಇದರಿಂದಾಗಿ ಬ್ಯಾಂಕಿನ ಮೇಲ್ವಿಚಾರಕರು ಕೆಲಸ ಕಳೆದುಕೊಂಡಿದ್ದಾರೆ.



ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬ್ಯಾಂಕ್ ಮೇಲ್ವಿಚಾರಕರನ್ನು ಕೆಲಸದಿಂದ ತೆಗೆದುಹಾಕಿರುವುದು ತಪ್ಪು. ಬದಲಿಗೆ ಅವರಿಗೆ ಛೀಮಾರಿ ಹಾಕಬಹುದಿತ್ತು ಎಂದು ಜರ್ಮನಿಯ ಕಾರ್ಮಿಕ ನ್ಯಾಯಾಲಯ ಹೇಳಿದೆ.



ಘಟನೆ ವಿವರ: ಬ್ಯಾಂಕ್ ಉದ್ಯೋಗಿಯೊಬ್ಬ ಕೆಲಸದ ವೇಳೆಯಲ್ಲಿ ನಿದ್ರೆಗೆ ಜಾರಿ ಕೀಲಿ ಮಣೆ ಮೇಲೆ ಒರಗಿದ. ಇದರಿಂದಾಗಿ ಪಾವತಿಸಬೇಕಾಗಿದ್ದ 64.20 ಯುರೊಗಳ ಬದಲಿಗೆ ಆತನ ಬೆರಳು 222,222,222,22 ಸಂಖ್ಯೆಯನ್ನು ಒತ್ತಿದೆ. ಈ ಕಾರಣ ಆಕಸ್ಮಿಕವಾಗಿ ಅಮೆರಿಕದ 29.3 ಕೋಟಿ ಡಾಲರ್ ಹಣ ಬೇರೆ ಖಾತೆಗೆ ವರ್ಗಾವಣೆಯಾಗಿತ್ತು. ಕೆಲಸದ ಒತ್ತಡದಲ್ಲಿ ಮೇಲ್ವಿಚಾರಕರು ಈ ವ್ಯವಹಾರವನ್ನು ಸರಿಯಾಗಿ ಪರಿಶೀಲಿಸದೆ ಅನುಮೋದಿಸಿದ್ದರಿಂದ ಕೆಲಸ ಕಳೆದುಕೊಂಡಿದ್ದರು.



ಈ ಘಟನೆ ನಡೆದಿದ್ದು ಕಳೆದ ವರ್ಷ ಏಪ್ರಿಲ್ ತಿಂಗಳಿನಲ್ಲಿ. ಆದರೆ, ಅದರ ವಿಚಾರಣೆ ಈಗ ನಡೆಯುತ್ತಿದೆ. ಈ ಎಲ್ಲಾ ವಿಷಯವನ್ನು ಆಲಿಸಿದ ನ್ಯಾಯಾಲಯ, ಮೇಲ್ವಿಚಾರಕರನ್ನು ಕೆಲಸದಿಂದ ವಜಾಗೊಳಿಸಿರುವುದು ಸೂಕ್ತವಲ್ಲ. ಅವರನ್ನು ಕೆಲಸಕ್ಕೆ ಮರು ನೇಮಕ ಮಾಡಿಕೊಳ್ಳಬೇಕು ಎಂದೂ ಹೇಳಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.