ಗುರುವಾರ , ಮೇ 13, 2021
35 °C

ಮೂವರು ಯುವತಿಯರು ಜಲಸಮಾಧಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಗುಲ್ಬರ್ಗ: ಬಟ್ಟೆ ತೊಳೆಯಲು ಹೋಗಿದ್ದ ಮೂವರು ಯುವತಿಯರು ಕಾಲು ಜಾರಿ ಬಿದ್ದು ಸಾವನ್ನಪ್ಪಿದ ದಾರುಣ ಘಟನೆ ಭಾನುವಾರ ಸಂಜೆ ಸಂಭವಿಸಿದೆ. ಶಹಾಬಾದ್ ಸಮೀಪದ ಕಲ್ಲಿನ ಕ್ವಾರಿಯಲ್ಲಿ ಕೆಲಸ ಮಾಡುತ್ತಿದ್ದ ಸುನೀತಾ ರಾಠೋಡ, ಸೀತಾಬಾಯಿ ರಾಠೋಡ ಹಾಗೂ ಶಾಮಾಬಾಯಿ ಗಾಡಿವಡ್ಡರ್ ಮೃತಪಟ್ಟ ದುರ್ದೈವಿಗಳು.



ಕಲ್ಲಿನ ಗಣಿಗಾರಿಕೆಯ ನಂತರ ಖಾಲಿಯಿದ್ದ ಹೊಂಡದಲ್ಲಿ ನೀರು ತುಂಬಿತ್ತು. ಈ ಯುವತಿಯರು ಅಲ್ಲಿ ಬಟ್ಟೆ ತೊಳೆಯಲು ತೆರಳಿದ್ದರು. ಸುನೀತಾ ಕಾಲು ಜಾರಿ ಬಿದ್ದುದನ್ನು ಗಮನಿಸಿ ಉಳಿದಿಬ್ಬರು ಆಕೆಯನ್ನು ರಕ್ಷಿಸಲು ಮುಂದಾದಾಗ, ಮೂವರೂ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದರು ಎಂದು ತಿಳಿದುಬಂದಿದೆ.



ಸುನೀತಾ ಹಾಗೂ ಸೀತಾಬಾಯಿ ರೇವೂರ ತಾಂಡಾದ ನಿವಾಸಿಯಾಗಿದ್ದರೆ, ಶಾಮಾಬಾಯಿ ಎಂಬಾಕೆ ಮಹಾರಾಷ್ಟ್ರದ ನವಲೂರು ಗ್ರಾಮದ ನಿವಾಸಿ ಎಂದು ಪೊಲೀಸರು ತಿಳಿಸಿದ್ದಾರೆ. ವಿಶ್ವವಿದ್ಯಾಲಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.