ದಾವಣಗೆರೆ: ಅಡಿಕೆಗೆ ಸುಳಿ ತಿಗಣೆ ರೋಗ, ರೈತ ಕಂಗಾಲು

ದಾವಣಗೆರೆ: ದಾವಣಗೆರೆ ಭಾಗದಲ್ಲಿ ಈ ಬಾರಿ ಹದ ಮಳೆ ಸುರಿಯಿತು. ಭದ್ರಾ ಅಣೆಕಟ್ಟೆಯೂ ತುಂಬಿದ್ದರಿಂದ ಕಾಲುವೆಯಲ್ಲಿ ಸಾಕಷ್ಟು ನೀರು ಹರಿಯಿತು. ರೈತರ ಅಡಿಕೆ ತೋಟಕ್ಕೆ ಮಳೆ ನೀರು, ಕಾಲುವೆ ನೀರು ಎರಡೂ ಯಥೇಚ್ಛ ಸಿಕ್ಕವು. ಈ ಅತಿಯಾದ ನೀರೇ ಅಡಿಕೆ ಬೆಳೆಗಾರರಿಗೆ ಕಂಟಕ ಆಗಿದೆ. ಅಡಿಕೆ ತೋಟಗಳಿಗೆ ಈಗ ಸುಳಿ ತಿಗಣೆ ರೋಗ ಅಂಟಿದೆ.

. ಮೊದಲೆಲ್ಲಾ ಅಡಿಕೆ ಸಸಿಗಳಿಗಷ್ಟೇ ಸುಳಿ ತಿಗಣೆ ರೋಗ ಬರುತ್ತಿತ್ತು. ಈ ವರ್ಷ ದೊಡ್ಡ ದೊಡ್ಡ ಮರಗಳಿಗೆ ರೋಗ ತಗುಲಿದೆ. ಹೀಗಾಗಿ 10 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿರುವ ಅಡಿಕೆ ಬೆಳೆಯ ಇಳುವರಿ ಕುಂಠಿತವಾಗಿದೆ. ಎಕರೆಗೆ 12ರಿಂದ 13 ಕ್ವಿಂಟಲ್ ಇಳುವರಿ ಬರುವ ಕಡೆ 6ರಿಂದ 7 ಕ್ವಿಂಟಲ್ ಮಾತ್ರ ಬಂದಿದೆ.

. ‘ಸಮರ್ಪಕವಾಗಿ ನೀರು ನಿರ್ವಹಣೆ ಮಾಡಿದವರ ತೋಟಗಳು ಮಾತ್ರ ಚೆನ್ನಾಗಿವೆ. ಅತಿಯಾಗಿ ನೀರು ಹರಿಸಿದ ಅಡಿಕೆ ತೋಟಗಳಲ್ಲಿ ರೋಗ ಕಾಣಿಸಿಕೊಂಡಿದೆ’ ಎಂದು ತರಳಬಾಳು ಕೃಷಿ ವಿಜ್ಞಾನ ಕೇಂದ್ರದ ತೋಟಗಾರಿಕಾ ವಿಜ್ಞಾನಿ ಎಂ.ಜಿ. ಬಸವನಗೌಡ ಹೇಳುತ್ತಾರೆ.

. ‘ಅತಿಯಾದ ನೀರಿನ ಜತೆಗೆ ಹವಾಮಾನ ಬದಲಾವಣೆ, ಅವೈಜ್ಞಾನಿಕವಾಗಿ ಪೋಷಕಾಂಶಗಳ ಪೂರೈಕೆ, ನಿರ್ವಹಣೆ ಕೊರತೆ ಕಾರಣಗಳಿಂದಾಗಿ ಜಿಲ್ಲೆಯಲ್ಲಿ ಶೇ 30ರಿಂದ ಶೇ 35ರಷ್ಟು ಅಡಿಕೆ ಇಳುವರಿಯಲ್ಲಿ ಕುಸಿತವಾಗಿದೆ. ಮಾಯಕೊಂಡ, ಹೆದ್ನೆ, ರಾಂಪುರ ಹೋಬಳಿಗಳಲ್ಲಿ ರೈತರು ಕಾಲುವೆ ನೀರನ್ನು ಸಾಕಷ್ಟು ಹರಿಸಿದ್ದಾರೆ. ಅಲ್ಲದೇ ಈ ಭಾಗದಲ್ಲಿ ಮಳೆಯೂ ಆಗಿದ್ದರಿಂದ ತೋಟಗಳಲ್ಲಿ ಹಲವು ದಿನಗಳ ಕಾಲ ನೀರು ನಿಂತುಕೊಂಡಿತ್ತು. ಈಗ ಈ ಎಲ್ಲಾ ರೈತರ ತೋಟಗಳಲ್ಲಿನ ದೊಡ್ಡ ಮರಗಳಿಗೆ ಸುಳಿ ತಿಗಣೆ ಕಾಣಿಸಿಕೊಂಡಿದೆ’ ಎನ್ನುತ್ತಾರೆ ಅವರು.

. ‘ನಾಲ್ಕು ಎಕರೆ ತೋಟ ನಮ್ಮದು. ತೋಟ ಚೆನ್ನಾಗಿರಲಿ ಎಂದು ಸ್ಪಿಂಕ್ಲರ್ನಲ್ಲಿ ನೀರು ಕೊಟ್ಟೆವು. ಈ ಸಲ ಮಳೆಯೂ ಚೆನ್ನಾಗಿ ಆಯಿತು. ಜತೆಗೆ ಕಾಲುವೆ ನೀರು ಹಾಯಿಸಿದೆವು. ತೋಟದ ಶೇ 70ರಷ್ಟು ಭಾಗಕ್ಕೆ ಸುಳಿ ತಿಗಣೆ ರೋಗ ತಗುಲಿತು. ಹೀಗಾಗಿ, ಇಳುವರಿ ಈ ಬಾರಿ ಬಹಳ ಕಡಿಮೆಯಾಗಿದೆ’ ಎನ್ನುತ್ತಾರೆ ದಾವಣಗೆರೆ ತಾಲ್ಲೂಕು ಕಕ್ಕರಗೊಳ್ಳದ ರೈತ ವೀರೇಶ್.

. ರೋಗದ ಲಕ್ಷಣಗಳು: ಸುಳಿ ತಿಗಣೆ ಕೆಂಪು ಮತ್ತು ಕಪ್ಪು ಮಿಶ್ರಿತ ಬಣ್ಣವನ್ನು ಹೊಂದಿರುತ್ತದೆ. ರಸ ಹೀರಿದ ಸುಳಿಯ ಭಾಗದಲ್ಲಿ ಉದ್ದನೆಯ ಮಚ್ಚೆಗಳು ಉಂಟಾಗುತ್ತವೆ. ಸುಳಿ ಗರಿ ಬಿಚ್ಚಿಕೊಂಡಾಗ ರಂಧ್ರಗಳು ಕಾಣಿಸುತ್ತವೆ. ಬಾಧೆ ಹೆಚ್ಚಾದಾಗ ಗರಿಗಳು ಸೀಳಾಗುತ್ತವೆ. ಸುಳಿ ಭಾಗ ಸಣ್ಣದಾಗಿ ಗರಿಗಳು ಚಿಕ್ಕದಾಗಿರುತ್ತವೆ.

. ರೋಗದ ಹತೋಟಿಗೆ ಪೋರೇಟ್ 5 ಗ್ರಾಂ ಅಥವಾ ಕಾರ್ಬೋಪ್ಯುರಾನ್ 5 ಗ್ರಾಂ ಅನ್ನು ಪಾಲಿಥಿನ್ ಟ್ಯೂಬ್ನಲ್ಲಿಟ್ಟು ಸಣ್ಣ ರಂಧ್ರ ಮಾಡಿ ಗಿಡದ ಸುಳಿಯಲ್ಲಿ ಇಡಬೇಕು.

. ಬಾಧೆ ತೀವ್ರವಾದರೆ ಮಾನೋಟೋಫಾಸ್ 2 ಮಿ. ಲೀಟರ್ ಅಥವಾ ಡೈಮಿಥೋಯೆಟ್ 2 ಮಿ. ಲೀಟರ್ನ್ನು ಒಂದು ಲೀಟರ್ ನೀರನಲ್ಲಿ ಬೆರೆಸಿ, ಸಿಂಪಡಿಸಬೇಕು ಎಂದು ತೋಟಗಾರಿಕಾ ವಿಜ್ಞಾನಿಗಳು ಸಲಹೆ ನೀಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾವಣಗೆರೆ: ಅಡಿಕೆಗೆ ಸುಳಿ ತಿಗಣೆ ರೋಗ, ರೈತ ಕಂಗಾಲು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ