<p>ನವದೆಹಲಿ: ಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್- AGR: Adjusted Gross Revenue) ಪಾವತಿ ಸಂಕಷ್ಟದಲ್ಲಿ ಸಿಲುಕಿರುವ ವೊಡಾಫೋನ್ ಐಡಿಯಾ ಕಂಪನಿಯು ಏಪ್ರಿಲ್ 1ರಿಂದ ಪ್ರತಿ 1 ಜಿಬಿ ಮೊಬೈಲ್ ಇಂಟರ್ನೆಟ್ಗೆ ವಿಧಿಸುತ್ತಿರುವ ಶುಲ್ಕವನ್ನು ಕನಿಷ್ಠ ₹ 35ಕ್ಕೆ ನಿಗದಿ ಮಾಡಬೇಕು ಎಂದು ಮನವಿ ಮಾಡಿದೆ.</p>.<p>ಪ್ರತಿ ಸಂಪರ್ಕಕ್ಕೆ ಪ್ರತಿ ತಿಂಗಳ ಮಾಸಿಕ ಬಾಡಿಗೆ ಮೊತ್ತವನ್ನು ₹ 50ಕ್ಕೆ ನಿಗದಿಪಡಿಸಬೇಕು. ಪ್ರತಿ ಕರೆಗೆ 6 ಪೈಸೆ ಕನಿಷ್ಠ ಶುಲ್ಕ ನಿಗದಿಪಡಿಸಬೇಕು ಎಂದು ವಿನಂತಿಸಿದೆ.</p>.<p>ಸುಪ್ರೀಂ ಕೋರ್ಟ್ ತೀರ್ಪಿನ ಅನ್ವಯ ವೊಡಾಫೋನ್ ಕಂಪನಿಯುಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಬಾಕಿ ಮೊತ್ತ ₹ 50 ಸಾವಿರ ಪಾವತಿಸಬೇಕಿದೆ. ಬಾಕಿ ಪಾವತಿಗೆ ಕಂಪನಿ 18 ವರ್ಷಗಳ ಕಾಲಾವಕಾಶ ಕೇಳಿದೆ. ಬಾಕಿ ಉಳಿದಿರುವ ಮೊತ್ತಕ್ಕೆಮೂರು ವರ್ಷ ಯಾವುದೇ ಬಡ್ಡಿ ಅಥವಾ ದಂಡ ವಿಧಿಸಬಾರದು ಎಂದು ಮನವಿ ಮಾಡಿದೆ ಎಂದು ಮೂಲಗಳು ಹೇಳಿದರು.</p>.<p>‘ಮಾರುಕಟ್ಟೆಯಲ್ಲಿ ಉಳಿಯಲು ವೊಡಾಫೋನ್ ಐಡಿಯಾ ಸರ್ಕಾರದ ಮುಂದೆ ಹಲವು ಬೇಡಿಕೆಗಳನ್ನು ಇಟ್ಟಿದೆ. ಪ್ರತಿ 1 ಜಿಬಿ ಮೊಬೈಲ್ ಡೇಟಾಗೆ ಕನಿಷ್ಠ ದರವಾಗಿ ₹ 35 ನಿಗದಿಪಡಿಸಬೇಕು. ಪ್ರತಿ ಮೊಬೈಲ್ನ ತಿಂಗಳ ಸಂಪರ್ಕ ಶುಲ್ಕವಾಗಿ ₹ 50 ನಿಗದಿಪಡಿಸಬೇಕು. ಈ ಬದಲಾವಣೆಗಳು ಏಪ್ರಿಲ್ 1, 2020ರಿಂದಲೇ ಜಾರಿಯಾಗಬೇಕುಎಂದು ಕಂಪನಿ ವಿನಂತಿಸಿದೆ. ಈ ಬೇಡಿಕೆಗಳನ್ನು ಈಡೇರಿಸುವುದು ಸರ್ಕಾರಕ್ಕೆ ಅಷ್ಟು ಸುಲಭವಲ್ಲ’ ಎಂದು ಅಧಿಕಾರಿಯೊಬ್ಬರು ಪ್ರತಿಕ್ರಿಯಿಸಿದರು.</p>.<p>ಪ್ರಸ್ತುತ ವಿವಿಧ ಮೊಬೈಲ್ ಕಂಪನಿಗಳು ವಿಧಿಸುತ್ತಿರುವ ಇಂಟರ್ನೆಟ್ ದರವುಪ್ರತಿ ಜಿಬಿಗೆ ಸರಾಸರಿ ₹ 4ರಿಂದ 5 ಇದೆ.ವೊಡಾಫೋನ್ ಐಡಿಯಾ ಕಂಪನಿಯು ಔಟ್ಗೋಯಿಂಗ್ ದರವನ್ನು ಪ್ರತಿ ನಿಮಿಷಕ್ಕೆ 6 ಪೈಸೆಗೆ ನಿಗದಿಪಡಿಸಲು ಉದ್ದೇಶಿಸಿದೆ ಎಂದು ಮೂಲಗಳು ಹೇಳಿವೆ.</p>.<p>ಕಂಪನಿಯು ಕಾಲ್ ಮತ್ತು ಇಂಟರ್ನೆಟ್ ದರವನ್ನು ಶೇ 50 ರಷ್ಟು ಹೆಚ್ಚಿಸಿದ ಮೂರು ತಿಂಗಳ ಒಳಗೇ ಮತ್ತೊಮ್ಮೆ ದರ ಏರಿಕೆಯ ಪ್ರಸ್ತಾವ ಮುಂದಿಟ್ಟಿದೆ.</p>.<p>ವೊಡಾಫೋನ್ ಮತ್ತು ಐಡಿಯಾ ಕಂಪನಿಗಳು 2015–16ರಲ್ಲಿ ಪ್ರತ್ಯೇಕವಾಗಿ ಬಾಧ್ಯವಾಗಿದ್ದಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಪಾವತಿ ವಿಷಯ ಈಗ ಬಿಗಡಾಯಿಸಿದೆ. ತನ್ನ ಪ್ರಸ್ತಾವದಂತೆ ದರ ಹೆಚ್ಚಿಸಿದ ನಂತರ ಕನಿಷ್ಠ ಪಕ್ಷ ಮೂರು ವರ್ಷ ಕಾಲಾವಕಾಶ ಬೇಕು’ ಎಂದು ಕಂಪನಿಯ ಮೂಲಗಳು ತಿಳಿಸಿವೆ.</p>.<p>ವೊಡಾಫೋನ್ ಐಡಿಯಾದ ವಕ್ತಾರರು ಈ ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿದರು.ಕಂಪನಿಗಳ ಆದಾಯ ಆಧರಿಸಿ ಸರ್ಕಾರವು ಲೈಸೆನ್ಸ್ ಶುಲ್ಕ ಮತ್ತು ತರಂಗಾಂತರ ಬಳಕೆ ಶುಲ್ಕವನ್ನು ನಿರ್ಧರಿಸುತ್ತದೆ.</p>.<p>ಆದಾಯ ಲೆಕ್ಕಹಾಕುವ ವಿಚಾರದಲ್ಲಿ ಸರ್ಕಾರ ಮತ್ತು ಟೆಲಿಕಾಂ ಕಂಪನಿಗಳ ನಡುವೆ ವಿವಾದ ತಲೆದೋರಿತ್ತು. ಆದಾಯ ಲೆಕ್ಕ ಹಾಕುವ ಸರ್ಕಾರದ ಮಾದರಿಯನ್ನು ಸುಪ್ರೀಂ ಕೋರ್ಟ್ ಎತ್ತಿ ಹಿಡಿದಿತ್ತು. ಜನವರಿ 23ರ ಒಳಗೆ ಬಾಕಿ ಚುಕ್ತಾ ಮಾಡುವಂತೆ ಕೋರ್ಟ್ ಸೂಚಿಸಿತ್ತು.</p>.<p>ಜುಲೈ 2019ರ ಲೆಕ್ಕಾಚಾರದಂತೆವಿವಿಧ ಮೊಬೈಲ್ ಕಂಪನಿಗಳು ಪಾವತಿಸಬೇಕಾದ ಒಟ್ಟು ಮೊತ್ತವು ₹ 1.47 ಲಕ್ಷ ಕೋಟಿಯಷ್ಟಿತ್ತು. ದೂರಸಂಪರ್ಕ ಇಲಾಖೆಯ ಲೆಕ್ಕದಂತೆ ವೊಡಾಫೋನ್₹ 53,000 ಕೋಟಿ ಪಾವತಿಸಬೇಕಿತ್ತು. ಈ ಪೈಕಿ ₹ 3000 ಪಾವತಿಸಿದೆ.</p>.<p>ಈ ಮೊತ್ತ ಪಾವತಿಸಲು ಇರುವ ತೊಡಕುಗಳನ್ನು ವಿವರಿಸಿದ್ದ ವೊಡಾಫೋನ್, ‘ಆರ್ಥಿಕ ಸ್ಥಿತಿಗತಿ ಗಟ್ಟಿಯಾಗಿಲ್ಲ’ ಎಂದು ಹೇಳುವ ಮೂಲಕ ಆತಂಕ ಮೂಡಿಸಿತ್ತು. ಜಿಎಸ್ಟಿ ರಿಯಾಯ್ತಿ ಸೇರಿದಂತೆ ಸರ್ಕಾರ ಹಲವು ರಿಯಾಯ್ತಿಗಳನ್ನು ನೀಡಿದರೆ ಮಾತ್ರಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಪಾವತಿ ಸಾಧ್ಯ ಎಂದು ಹೇಳಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್- AGR: Adjusted Gross Revenue) ಪಾವತಿ ಸಂಕಷ್ಟದಲ್ಲಿ ಸಿಲುಕಿರುವ ವೊಡಾಫೋನ್ ಐಡಿಯಾ ಕಂಪನಿಯು ಏಪ್ರಿಲ್ 1ರಿಂದ ಪ್ರತಿ 1 ಜಿಬಿ ಮೊಬೈಲ್ ಇಂಟರ್ನೆಟ್ಗೆ ವಿಧಿಸುತ್ತಿರುವ ಶುಲ್ಕವನ್ನು ಕನಿಷ್ಠ ₹ 35ಕ್ಕೆ ನಿಗದಿ ಮಾಡಬೇಕು ಎಂದು ಮನವಿ ಮಾಡಿದೆ.</p>.<p>ಪ್ರತಿ ಸಂಪರ್ಕಕ್ಕೆ ಪ್ರತಿ ತಿಂಗಳ ಮಾಸಿಕ ಬಾಡಿಗೆ ಮೊತ್ತವನ್ನು ₹ 50ಕ್ಕೆ ನಿಗದಿಪಡಿಸಬೇಕು. ಪ್ರತಿ ಕರೆಗೆ 6 ಪೈಸೆ ಕನಿಷ್ಠ ಶುಲ್ಕ ನಿಗದಿಪಡಿಸಬೇಕು ಎಂದು ವಿನಂತಿಸಿದೆ.</p>.<p>ಸುಪ್ರೀಂ ಕೋರ್ಟ್ ತೀರ್ಪಿನ ಅನ್ವಯ ವೊಡಾಫೋನ್ ಕಂಪನಿಯುಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಬಾಕಿ ಮೊತ್ತ ₹ 50 ಸಾವಿರ ಪಾವತಿಸಬೇಕಿದೆ. ಬಾಕಿ ಪಾವತಿಗೆ ಕಂಪನಿ 18 ವರ್ಷಗಳ ಕಾಲಾವಕಾಶ ಕೇಳಿದೆ. ಬಾಕಿ ಉಳಿದಿರುವ ಮೊತ್ತಕ್ಕೆಮೂರು ವರ್ಷ ಯಾವುದೇ ಬಡ್ಡಿ ಅಥವಾ ದಂಡ ವಿಧಿಸಬಾರದು ಎಂದು ಮನವಿ ಮಾಡಿದೆ ಎಂದು ಮೂಲಗಳು ಹೇಳಿದರು.</p>.<p>‘ಮಾರುಕಟ್ಟೆಯಲ್ಲಿ ಉಳಿಯಲು ವೊಡಾಫೋನ್ ಐಡಿಯಾ ಸರ್ಕಾರದ ಮುಂದೆ ಹಲವು ಬೇಡಿಕೆಗಳನ್ನು ಇಟ್ಟಿದೆ. ಪ್ರತಿ 1 ಜಿಬಿ ಮೊಬೈಲ್ ಡೇಟಾಗೆ ಕನಿಷ್ಠ ದರವಾಗಿ ₹ 35 ನಿಗದಿಪಡಿಸಬೇಕು. ಪ್ರತಿ ಮೊಬೈಲ್ನ ತಿಂಗಳ ಸಂಪರ್ಕ ಶುಲ್ಕವಾಗಿ ₹ 50 ನಿಗದಿಪಡಿಸಬೇಕು. ಈ ಬದಲಾವಣೆಗಳು ಏಪ್ರಿಲ್ 1, 2020ರಿಂದಲೇ ಜಾರಿಯಾಗಬೇಕುಎಂದು ಕಂಪನಿ ವಿನಂತಿಸಿದೆ. ಈ ಬೇಡಿಕೆಗಳನ್ನು ಈಡೇರಿಸುವುದು ಸರ್ಕಾರಕ್ಕೆ ಅಷ್ಟು ಸುಲಭವಲ್ಲ’ ಎಂದು ಅಧಿಕಾರಿಯೊಬ್ಬರು ಪ್ರತಿಕ್ರಿಯಿಸಿದರು.</p>.<p>ಪ್ರಸ್ತುತ ವಿವಿಧ ಮೊಬೈಲ್ ಕಂಪನಿಗಳು ವಿಧಿಸುತ್ತಿರುವ ಇಂಟರ್ನೆಟ್ ದರವುಪ್ರತಿ ಜಿಬಿಗೆ ಸರಾಸರಿ ₹ 4ರಿಂದ 5 ಇದೆ.ವೊಡಾಫೋನ್ ಐಡಿಯಾ ಕಂಪನಿಯು ಔಟ್ಗೋಯಿಂಗ್ ದರವನ್ನು ಪ್ರತಿ ನಿಮಿಷಕ್ಕೆ 6 ಪೈಸೆಗೆ ನಿಗದಿಪಡಿಸಲು ಉದ್ದೇಶಿಸಿದೆ ಎಂದು ಮೂಲಗಳು ಹೇಳಿವೆ.</p>.<p>ಕಂಪನಿಯು ಕಾಲ್ ಮತ್ತು ಇಂಟರ್ನೆಟ್ ದರವನ್ನು ಶೇ 50 ರಷ್ಟು ಹೆಚ್ಚಿಸಿದ ಮೂರು ತಿಂಗಳ ಒಳಗೇ ಮತ್ತೊಮ್ಮೆ ದರ ಏರಿಕೆಯ ಪ್ರಸ್ತಾವ ಮುಂದಿಟ್ಟಿದೆ.</p>.<p>ವೊಡಾಫೋನ್ ಮತ್ತು ಐಡಿಯಾ ಕಂಪನಿಗಳು 2015–16ರಲ್ಲಿ ಪ್ರತ್ಯೇಕವಾಗಿ ಬಾಧ್ಯವಾಗಿದ್ದಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಪಾವತಿ ವಿಷಯ ಈಗ ಬಿಗಡಾಯಿಸಿದೆ. ತನ್ನ ಪ್ರಸ್ತಾವದಂತೆ ದರ ಹೆಚ್ಚಿಸಿದ ನಂತರ ಕನಿಷ್ಠ ಪಕ್ಷ ಮೂರು ವರ್ಷ ಕಾಲಾವಕಾಶ ಬೇಕು’ ಎಂದು ಕಂಪನಿಯ ಮೂಲಗಳು ತಿಳಿಸಿವೆ.</p>.<p>ವೊಡಾಫೋನ್ ಐಡಿಯಾದ ವಕ್ತಾರರು ಈ ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿದರು.ಕಂಪನಿಗಳ ಆದಾಯ ಆಧರಿಸಿ ಸರ್ಕಾರವು ಲೈಸೆನ್ಸ್ ಶುಲ್ಕ ಮತ್ತು ತರಂಗಾಂತರ ಬಳಕೆ ಶುಲ್ಕವನ್ನು ನಿರ್ಧರಿಸುತ್ತದೆ.</p>.<p>ಆದಾಯ ಲೆಕ್ಕಹಾಕುವ ವಿಚಾರದಲ್ಲಿ ಸರ್ಕಾರ ಮತ್ತು ಟೆಲಿಕಾಂ ಕಂಪನಿಗಳ ನಡುವೆ ವಿವಾದ ತಲೆದೋರಿತ್ತು. ಆದಾಯ ಲೆಕ್ಕ ಹಾಕುವ ಸರ್ಕಾರದ ಮಾದರಿಯನ್ನು ಸುಪ್ರೀಂ ಕೋರ್ಟ್ ಎತ್ತಿ ಹಿಡಿದಿತ್ತು. ಜನವರಿ 23ರ ಒಳಗೆ ಬಾಕಿ ಚುಕ್ತಾ ಮಾಡುವಂತೆ ಕೋರ್ಟ್ ಸೂಚಿಸಿತ್ತು.</p>.<p>ಜುಲೈ 2019ರ ಲೆಕ್ಕಾಚಾರದಂತೆವಿವಿಧ ಮೊಬೈಲ್ ಕಂಪನಿಗಳು ಪಾವತಿಸಬೇಕಾದ ಒಟ್ಟು ಮೊತ್ತವು ₹ 1.47 ಲಕ್ಷ ಕೋಟಿಯಷ್ಟಿತ್ತು. ದೂರಸಂಪರ್ಕ ಇಲಾಖೆಯ ಲೆಕ್ಕದಂತೆ ವೊಡಾಫೋನ್₹ 53,000 ಕೋಟಿ ಪಾವತಿಸಬೇಕಿತ್ತು. ಈ ಪೈಕಿ ₹ 3000 ಪಾವತಿಸಿದೆ.</p>.<p>ಈ ಮೊತ್ತ ಪಾವತಿಸಲು ಇರುವ ತೊಡಕುಗಳನ್ನು ವಿವರಿಸಿದ್ದ ವೊಡಾಫೋನ್, ‘ಆರ್ಥಿಕ ಸ್ಥಿತಿಗತಿ ಗಟ್ಟಿಯಾಗಿಲ್ಲ’ ಎಂದು ಹೇಳುವ ಮೂಲಕ ಆತಂಕ ಮೂಡಿಸಿತ್ತು. ಜಿಎಸ್ಟಿ ರಿಯಾಯ್ತಿ ಸೇರಿದಂತೆ ಸರ್ಕಾರ ಹಲವು ರಿಯಾಯ್ತಿಗಳನ್ನು ನೀಡಿದರೆ ಮಾತ್ರಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಪಾವತಿ ಸಾಧ್ಯ ಎಂದು ಹೇಳಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
