ದೀಪಾವಳಿ | ₹6 ಲಕ್ಷ ಕೋಟಿ ವಹಿವಾಟು: ಖರೀದಿಗೆ ಉತ್ತೇಜನ ನೀಡಿದ ಜಿಎಸ್‌ಟಿ ಇಳಿಕೆ

ನವದೆಹಲಿ: ದೀಪಾವಳಿ ಹಬ್ಬದ ಅಂಗವಾಗಿ ದೇಶದಲ್ಲಿ ₹6.05 ಲಕ್ಷ ಕೋಟಿಯಷ್ಟು ದಾಖಲೆಯ ವಹಿವಾಟು ನಡೆದಿದೆ ಎಂದು ಅಖಿಲ ಭಾರತ ವರ್ತಕರ ಸಂಘದ (ಸಿಎಐಟಿ) ಸಮೀಕ್ಷೆ ಮಂಗಳವಾರ ತಿಳಿಸಿದೆ.

. ಈ ಒಟ್ಟು ವಹಿವಾಟು ಪೈಕಿ ₹5.40 ಲಕ್ಷ ಕೋಟಿಯಷ್ಟು ಮೌಲ್ಯದ ಸರಕುಗಳು ಮಾರಾಟವಾಗಿದ್ದರೆ, ₹65 ಸಾವಿರ ಕೋಟಿಯಷ್ಟು ಸೇವಾ ವಲಯಕ್ಕೆ ಸಂಬಂಧಿಸಿದ ವಹಿವಾಟು ನಡೆದಿದೆ. ಜಿಎಸ್ಟಿ ಇಳಿಕೆ ಮತ್ತು ಗ್ರಾಹಕರಲ್ಲಿ ಹೆಚ್ಚಳವಾದ ಖರೀದಿ ಸಾಮರ್ಥ್ಯದಿಂದ ಮಾರಾಟದ ಪ್ರಮಾಣ ಹೆಚ್ಚಳವಾಗಿದೆ ಎಂದು ತಿಳಿಸಿದೆ.

. ಕಳೆದ ವರ್ಷದ ದೀಪಾವಳಿ ವೇಳೆ ₹4.25 ಲಕ್ಷ ಕೋಟಿಯಷ್ಟು ಮಾರಾಟ ನಡೆದಿತ್ತು.

. ಈ ಬಾರಿ ನಡೆದ ವಹಿವಾಟಿನಲ್ಲಿ ಎಫ್ಎಂಸಿಜಿ ವಲಯದ ಸರಕುಗಳ ಮಾರಾಟವು ಒಟ್ಟು ಮಾರಾಟದಲ್ಲಿ ಶೇ 12ರಷ್ಟು ಪಾಲು ಹೊಂದಿದೆ. ಚಿನ್ನ ಮತ್ತು ಆಭರಣಗಳು ಶೇ 10, ಎಲೆಕ್ಟ್ರಾನಿಕ್ಸ್ ಮತ್ತು ಎಲೆಕ್ಟ್ರಿಕಲ್ಸ್ ವಸ್ತುಗಳು ಶೇ 8, ಸಿದ್ಧ ಉಡುಪುಗಳು ಶೇ 7, ಉಡುಗೊರೆಗಳು ಶೇ 7, ಗೃಹಾಲಂಕಾರ ವಸ್ತುಗಳು ಶೇ 5, ಪೀಠೋಪಕರಣಗಳು ಶೇ 5, ಸಿಹಿತಿಂಡಿಗಳು ಶೇ 5, ಪೂಜಾ ಸಾಮಗ್ರಿಗಳು ಶೇ 3, ಹಣ್ಣುಗಳು ಶೇ 3ರಷ್ಟು ಇದೆ.

. ‘ಪ್ಯಾಕೇಜಿಂಗ್, ಆತಿಥ್ಯ, ಕ್ಯಾಬ್ಸೇವೆಗಳು, ಪ್ರಯಾಣ, ಈವೆಂಟ್ ಮ್ಯಾನೇಜ್ಮೆಂಟ್, ಆಲಂಕಾರಿಕ, ವಿತರಣೆಯಂತಹ ವಲಯಗಳಿಂದ ಸೇವಾ ವಲಯವು ಈ ಬಾರಿ ₹65 ಸಾವಿರ ಕೋಟಿ ವಹಿವಾಟು ಕಂಡಿದೆ’ ಎಂದು ಸಿಎಐಟಿ ರಾಷ್ಟ್ರೀಯ ಅಧ್ಯಕ್ಷ ಬಿ.ಸಿ. ಭಾರ್ತಿಯಾ ಹೇಳಿದ್ದಾರೆ.

. ದಿನನಿತ್ಯ ಬಳಸುವ ವಸ್ತುಗಳಾದ ಉಡುಪುಗಳು, ಪಾದರಕ್ಷೆ, ಗೃಹಾಲಂಕಾರ ಸೇರಿ ಇತರೆ ವಸ್ತುಗಳ ಮೇಲಿನ ಜಿಎಸ್ಟಿ ಕಡಿಮೆ ಆಗಿದೆ. ಇದೇ ಮಾರಾಟದ ಹೆಚ್ಚಳಕ್ಕೆ ನೇರ ಕಾರಣ ಎಂದು ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದ ಶೇ 72ರಷ್ಟು ವರ್ತಕರು ಹೇಳಿದ್ದಾರೆ.

. ಸ್ಥಿರವಾದ ಬೆಲೆಯಿಂದ ಗ್ರಾಹಕರು ಹೆಚ್ಚು ಸಂತೃಪ್ತರಾಗಿದ್ದು, ಇದು ಹಬ್ಬದ ವೇಳೆ ಜನರು ಹೆಚ್ಚು ಖರೀದಿಸಲು ಉತ್ತೇಜನ ನೀಡಿತು. ಮದುವೆಯ ಋತು, ಮುಂಬರುವ ಹಬ್ಬಗಳಿಂದ ಈ ಮಾರಾಟ ಹೆಚ್ಚಳವು ಇದೇ ರೀತಿ ಮುಂದುವರಿಯಲಿದೆ ಎಂದು ಹೇಳಿದೆ.

. ಲಾಜಿಸ್ಟಿಕ್ಸ್, ಪ್ಯಾಕೇಜಿಂಗ್, ಸಾರಿಗೆ ಮತ್ತು ರಿಟೇಲ್ ಸೇವೆಗಳಲ್ಲಿ 50 ಲಕ್ಷ ತಾತ್ಕಾಲಿಕ ಉದ್ಯೋಗಗಳು ಈ ದೀಪಾವಳಿ ಹಬ್ಬದಲ್ಲಿ ಸೃಷ್ಟಿಯಾಗಿವೆ. ಗ್ರಾಮೀಣ ಮತ್ತು ಅರೆನಗರ ಪ್ರದೇಶವು ದೇಶದಲ್ಲಿ ನಡೆದ ಒಟ್ಟು ವಹಿವಾಟಿನಲ್ಲಿ ಶೇ 28ರಷ್ಟು ಪಾಲು ಹೊಂದಿದೆ ಎಂದು ತಿಳಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೀಪಾವಳಿ | ₹6 ಲಕ್ಷ ಕೋಟಿ ವಹಿವಾಟು: ಖರೀದಿಗೆ ಉತ್ತೇಜನ ನೀಡಿದ ಜಿಎಸ್‌ಟಿ ಇಳಿಕೆ

ಚಿನಕುರುಳಿ | ಮಂಗಳವಾರ, 21 ಅಕ್ಟೋಬರ್‌ ‌ 2025

PHOTOS: ಚಂದನವನದ ತಾರೆಯರ ಮನೆಯಲ್ಲಿ ದೀಪಾವಳಿ ಸಂಭ್ರಮ ಹೀಗಿದೆ

ನನ್ನ ಗುಂಡಿನಾ ನಾನೇ ತೋಡಿಕೊಂಡೆನಾ? ಬಿಗ್‌ಬಾಸ್ ಮನೆಯಲ್ಲಿ ಕಣ್ಣೀರಿಟ್ಟ ಜಾಹ್ನವಿ

ರಸ್ತೆ ಮೇಲೆ ಪ್ರಾರ್ಥನೆಗೆ ಅನುಮತಿ ಅಗತ್ಯ: ಪ್ರಿಯಾಂಕ್ ಖರ್ಗೆ

ಭಾರತ–ಆಸ್ಟ್ರೇಲಿಯಾ 2ನೇ ಏಕದಿನ ಪಂದ್ಯ ನಾಳೆ: ಜಯಿಸುವ ಒತ್ತಡದಲ್ಲಿ ಗಿಲ್ ಬಳಗ

ಮಹಿಳಾ ಏಕದಿನ ವಿಶ್ವಕಪ್‌: ಕೌರ್‌ ಬಳಗಕ್ಕೆ ನಿರ್ಣಾಯಕ ಸವಾಲು

ಒಂದು ದೀಪದ ಕಥೆ... ‘ಅಮ್ಮ’ ಎಂದರೆ ಬಲಾಢ್ಯ ಮಹಿಳೆ...

Ranji Trophy: ಪಡಿಕ್ಕಲ್‌ ಬದಲಿಗೆ ಯಶೋವರ್ಧನ್‌ಗೆ ಸ್ಥಾನ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಒಳನೋಟ | ಭೂಮಾಫಿಯಾದ ಮಾಯಾಜಾಲ: ನಿಮ್ಮ ಮನೆಯನ್ನೂ ಕಸಿದಾರು ಹುಷಾರು

ಒಳನೋಟ | ಉದ್ಯೋಗಕ್ಕೆ ನಿತ್ಯ ವಲಸೆ

ಚಿನಕುರುಳಿ | ಮಂಗಳವಾರ, 21 ಅಕ್ಟೋಬರ್‌ ‌ 2025

PHOTOS: ಚಂದನವನದ ತಾರೆಯರ ಮನೆಯಲ್ಲಿ ದೀಪಾವಳಿ ಸಂಭ್ರಮ ಹೀಗಿದೆ

ನನ್ನ ಗುಂಡಿನಾ ನಾನೇ ತೋಡಿಕೊಂಡೆನಾ? ಬಿಗ್‌ಬಾಸ್ ಮನೆಯಲ್ಲಿ ಕಣ್ಣೀರಿಟ್ಟ ಜಾಹ್ನವಿ

ರಸ್ತೆ ಮೇಲೆ ಪ್ರಾರ್ಥನೆಗೆ ಅನುಮತಿ ಅಗತ್ಯ: ಪ್ರಿಯಾಂಕ್ ಖರ್ಗೆ