<p><strong>ವಾಷಿಂಗ್ಟನ್:</strong> ‘ವೈವಿದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ತನ್ನ ನೀತಿಗಳನ್ನು ಐಫೋನ್ ತಯಾರಿಕಾ ಕಂಪನಿ ಆ್ಯಪಲ್ ಕೈಬಿಡಬೇಕು’ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.</p><p>ಆ್ಯಪಲ್ ವಿರುದ್ಧದ ಅಭಿಯಾನ ನಡೆಸುತ್ತಿರುವ ಸಂಪ್ರದಾಯವಾದಿಗಳ ಗುಂಪುಗಳನ್ನು ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಆ್ಯಪಲ್ ಕಂಪನಿಯ ಷೇರುದಾರರು ಮತ ಚಲಾಯಿಸಿದ್ದರು. ಈ ಸಂದರ್ಭದಲ್ಲಿ ಟ್ರಂಪ್ ಅವರು ಕಂಪನಿಗೆ ಕೆಲ ಸಲಹೆಗಳನ್ನು ನೀಡಿದ್ದಾರೆ.</p><p>ಅಮೆರಿಕದ ಅಧ್ಯಕ್ಷರಾಗಿ ಟ್ರಂಪ್ ಅಧಿಕಾರ ವಹಿಸಿಕೊಂಡ ನಂತರ ದೇಶದ ಪ್ರಮುಖ ಕಂಪನಿಗಳಾದ ಮೆಟಾ ಮತ್ತು ಆಲ್ಪಬೆಟ್ ಕಂಪನಿಗಳು ತಾವು ಅಳವಡಿಸಿಕೊಂಡಿದ್ದ ವೈವಿದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ನೀತಿಗಳನ್ನು ಕೈಬಿಟ್ಟಿವೆ.</p><p>ಕಂಪನಿಗಳು ಹೊಂದಿದ್ದ ವೈವಿದ್ಯತೆಯ ನೀತಿಗಳನ್ನು ಟೀಕಿಸಿದ್ದ ಟ್ರಂಪ್, ಇವುಗಳ ವಿರುದ್ಧ ನ್ಯಾಯಾಂಗ ತನಿಖೆ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದ್ದರು.</p>.<p>‘ವೈವೀದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ನೀತಿಗಳು ಈಗ ಅಪ್ರಸ್ತುತ. ಇಂಥ ನೀತಿಗಳು ಹುಸಿ ಹಾಗೂ ನಮ್ಮ ದೇಶಕ್ಕೆ ಮಾರಕ. ಇಂಥ ನೀತಿಗಳಿಗೆ ಹೊಂದಿಕೊಳ್ಳುವ ಬದಲು, ಅವುಗಳನ್ನು ಆ್ಯಪಲ್ ಕಂಪನಿ ಕೂಡಲೇ ಕೈಬಿಡಬೇಕು’ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಟ್ರಂಪ್ ಬರೆದುಕೊಂಡಿದ್ದರು.</p><p>ತನ್ನ ವಾರ್ಷಿಕ ಸಭೆಯಲ್ಲಿ ಆ್ಯಪಲ್ ಕಂಪನಿಯು ಇಂಥ ಟೀಕೆಗಳ ಕುರಿತು ತನ್ನ ಷೇರುದಾರರ ಮಾಹಿತಿ ಪಡೆಯುವ ಪ್ರಯತ್ನ ನಡೆಸಿತು. ತನ್ನ ನೀತಿಗಳನ್ನು ಹೀಗೇ ಮುಂದುವರಿಸಿದರೆ ಆ್ಯಪಲ್ ಕಂಪನಿಗೆ ಸಾಕಷ್ಟು ವಿರೋಧ ಎದುರಾಗುವ ಸಾಧ್ಯತೆ ಹೆಚ್ಚು ಎಂದು ಷೇರುದಾರರು ಅಭಿಪ್ರಾಯಪಟ್ಟಿದ್ದಾರೆ.</p><p>ಇದಕ್ಕೆ ಪ್ರತಿಕ್ರಿಯಿಸಿರುವ ಅ್ಯಪಲ್, ‘ಕಾನೂನಾತ್ಮಕ ಸಂಘರ್ಷಗಳನ್ನು ತಪ್ಪಿಸಲು ಅಗತ್ಯ ಸಿದ್ಧತೆಗಳನ್ನು ಕಂಪನಿ ಮಾಡಿಕೊಂಡಿದೆ‘ ಎಂದಿದೆ.</p><p>ಸಭೆಯ ನಂತರ ಪ್ರತಿಕ್ರಿಯಿಸಿದ ಕಂಪನಿಯ ಸಿಇಒ ಟಿಮ್ ಕುಕ್, ‘ಜಗತ್ತಿನ ಪ್ರತಿಭಾವಂತ ತಂತ್ರಜ್ಞರನ್ನು ಆ್ಯಪಲ್ ಕಂಪನಿ ನೇಮಿಸಿಕೊಂಡಿದೆ. ಎಲ್ಲರನ್ನೂ ಒಳಗೊಳ್ಳುವ ಸಂಸ್ಕೃತಿಯನ್ನು ಕಂಪನಿ ಅಳವಡಿಸಿಕೊಂಡಿದೆ. ವಿಭಿನ್ನ ಸಂಸ್ಕೃತಿಯ ಹಿನ್ನೆಲೆಯಿಂದ ಬಂದವರು ಜತೆಗೂಡಿ ಕೆಲಸ ಮಾಡಿದಾಗ ಹೊಸ ಅನ್ವೇಷಣೆ ಸಾಧ್ಯ’ ಎಂದಿದ್ದರು.</p><p>‘ಕಾನೂನಿನ ನೆಲೆಗಟ್ಟಿನಲ್ಲಿ ಇಂಥ ಸಮಸ್ಯೆಗಳು ಎದುರಾದಾಗ ಕೆಲವೊಂದು ಮಾರ್ಪಾಡುಗಳನ್ನು ನಾವು ಮಾಡಿಕೊಳ್ಳಲು ಸಾಧ್ಯ. ಆದರೆ ಕಂಪನಿಯ ಘನತೆ, ಎಲ್ಲರ ಕುರಿತ ಗೌರವಭಾವ ಹಾಗೂ ನಮ್ಮ ವೃತ್ತಿಯನ್ನು ಯಾವುದೇ ಹಂತದಲ್ಲೂ ಕೈಬಿಡಲಾಗದು’ ಎಂದು ಟಿಮ್ ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ‘ವೈವಿದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ತನ್ನ ನೀತಿಗಳನ್ನು ಐಫೋನ್ ತಯಾರಿಕಾ ಕಂಪನಿ ಆ್ಯಪಲ್ ಕೈಬಿಡಬೇಕು’ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.</p><p>ಆ್ಯಪಲ್ ವಿರುದ್ಧದ ಅಭಿಯಾನ ನಡೆಸುತ್ತಿರುವ ಸಂಪ್ರದಾಯವಾದಿಗಳ ಗುಂಪುಗಳನ್ನು ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಆ್ಯಪಲ್ ಕಂಪನಿಯ ಷೇರುದಾರರು ಮತ ಚಲಾಯಿಸಿದ್ದರು. ಈ ಸಂದರ್ಭದಲ್ಲಿ ಟ್ರಂಪ್ ಅವರು ಕಂಪನಿಗೆ ಕೆಲ ಸಲಹೆಗಳನ್ನು ನೀಡಿದ್ದಾರೆ.</p><p>ಅಮೆರಿಕದ ಅಧ್ಯಕ್ಷರಾಗಿ ಟ್ರಂಪ್ ಅಧಿಕಾರ ವಹಿಸಿಕೊಂಡ ನಂತರ ದೇಶದ ಪ್ರಮುಖ ಕಂಪನಿಗಳಾದ ಮೆಟಾ ಮತ್ತು ಆಲ್ಪಬೆಟ್ ಕಂಪನಿಗಳು ತಾವು ಅಳವಡಿಸಿಕೊಂಡಿದ್ದ ವೈವಿದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ನೀತಿಗಳನ್ನು ಕೈಬಿಟ್ಟಿವೆ.</p><p>ಕಂಪನಿಗಳು ಹೊಂದಿದ್ದ ವೈವಿದ್ಯತೆಯ ನೀತಿಗಳನ್ನು ಟೀಕಿಸಿದ್ದ ಟ್ರಂಪ್, ಇವುಗಳ ವಿರುದ್ಧ ನ್ಯಾಯಾಂಗ ತನಿಖೆ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದ್ದರು.</p>.<p>‘ವೈವೀದ್ಯತೆ, ಸಮಾನತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವ ನೀತಿಗಳು ಈಗ ಅಪ್ರಸ್ತುತ. ಇಂಥ ನೀತಿಗಳು ಹುಸಿ ಹಾಗೂ ನಮ್ಮ ದೇಶಕ್ಕೆ ಮಾರಕ. ಇಂಥ ನೀತಿಗಳಿಗೆ ಹೊಂದಿಕೊಳ್ಳುವ ಬದಲು, ಅವುಗಳನ್ನು ಆ್ಯಪಲ್ ಕಂಪನಿ ಕೂಡಲೇ ಕೈಬಿಡಬೇಕು’ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಟ್ರಂಪ್ ಬರೆದುಕೊಂಡಿದ್ದರು.</p><p>ತನ್ನ ವಾರ್ಷಿಕ ಸಭೆಯಲ್ಲಿ ಆ್ಯಪಲ್ ಕಂಪನಿಯು ಇಂಥ ಟೀಕೆಗಳ ಕುರಿತು ತನ್ನ ಷೇರುದಾರರ ಮಾಹಿತಿ ಪಡೆಯುವ ಪ್ರಯತ್ನ ನಡೆಸಿತು. ತನ್ನ ನೀತಿಗಳನ್ನು ಹೀಗೇ ಮುಂದುವರಿಸಿದರೆ ಆ್ಯಪಲ್ ಕಂಪನಿಗೆ ಸಾಕಷ್ಟು ವಿರೋಧ ಎದುರಾಗುವ ಸಾಧ್ಯತೆ ಹೆಚ್ಚು ಎಂದು ಷೇರುದಾರರು ಅಭಿಪ್ರಾಯಪಟ್ಟಿದ್ದಾರೆ.</p><p>ಇದಕ್ಕೆ ಪ್ರತಿಕ್ರಿಯಿಸಿರುವ ಅ್ಯಪಲ್, ‘ಕಾನೂನಾತ್ಮಕ ಸಂಘರ್ಷಗಳನ್ನು ತಪ್ಪಿಸಲು ಅಗತ್ಯ ಸಿದ್ಧತೆಗಳನ್ನು ಕಂಪನಿ ಮಾಡಿಕೊಂಡಿದೆ‘ ಎಂದಿದೆ.</p><p>ಸಭೆಯ ನಂತರ ಪ್ರತಿಕ್ರಿಯಿಸಿದ ಕಂಪನಿಯ ಸಿಇಒ ಟಿಮ್ ಕುಕ್, ‘ಜಗತ್ತಿನ ಪ್ರತಿಭಾವಂತ ತಂತ್ರಜ್ಞರನ್ನು ಆ್ಯಪಲ್ ಕಂಪನಿ ನೇಮಿಸಿಕೊಂಡಿದೆ. ಎಲ್ಲರನ್ನೂ ಒಳಗೊಳ್ಳುವ ಸಂಸ್ಕೃತಿಯನ್ನು ಕಂಪನಿ ಅಳವಡಿಸಿಕೊಂಡಿದೆ. ವಿಭಿನ್ನ ಸಂಸ್ಕೃತಿಯ ಹಿನ್ನೆಲೆಯಿಂದ ಬಂದವರು ಜತೆಗೂಡಿ ಕೆಲಸ ಮಾಡಿದಾಗ ಹೊಸ ಅನ್ವೇಷಣೆ ಸಾಧ್ಯ’ ಎಂದಿದ್ದರು.</p><p>‘ಕಾನೂನಿನ ನೆಲೆಗಟ್ಟಿನಲ್ಲಿ ಇಂಥ ಸಮಸ್ಯೆಗಳು ಎದುರಾದಾಗ ಕೆಲವೊಂದು ಮಾರ್ಪಾಡುಗಳನ್ನು ನಾವು ಮಾಡಿಕೊಳ್ಳಲು ಸಾಧ್ಯ. ಆದರೆ ಕಂಪನಿಯ ಘನತೆ, ಎಲ್ಲರ ಕುರಿತ ಗೌರವಭಾವ ಹಾಗೂ ನಮ್ಮ ವೃತ್ತಿಯನ್ನು ಯಾವುದೇ ಹಂತದಲ್ಲೂ ಕೈಬಿಡಲಾಗದು’ ಎಂದು ಟಿಮ್ ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
